జయపూర్ నుంచి 60 కిలోమీటర్ల దూరంలో వుండే గుప్తేశ్వర గుహలు ఇరువైపులా కొలాబ్ నది మధ్యలో వుండే దట్టమైన అడవులలో వున్నాయి. ఈ గుడి లో ‘గుప్తేశ్వరుడు’ గా పిలువబడే శివలింగం వుంది. గుప్తేశ్వరుడు అంటే రహస్య దేవుడు అని అర్ధం, దీన్నే చత్తీస్ఘర్ జిల్లా లో గుప్త కేదార్ అని పిలుస్తారు.

చాలా వేడుకగా, ఘనంగా జరిగే శ్రావణ ఉత్సవానికి ఈ ప్రాంతం ప్రసిద్ది చెందింది. శివరాత్రి ఉత్సవాలకు ఇక్కడికి దేశం నలుమూలల నుంచీ భక్తులు తండోపతండాలుగా వస్తారు. ఒక ఇతిహాసం ప్రకారం, ఈ శివలింగాన్ని మొదటిగా శ్రీరాముడు సీతా లక్ష్మణులతో ఈ ప్రాంతం గుండా వెళ్తూ కనుగొన్నాడు.

ఇక్కడికి దగ్గరలోనే వుండే శబరీ నదిని కూడా పర్యాటకులు చూడవచ్చు. తాజా గాలి మధ్య ఈ ప్రశాంతమైన నది ఒడ్డున కొద్ది సేపు గడిపితే మీ శరీరం, మనసు, ఆత్మా కూడా సేద తీరుతాయి. గుడగుడ శబ్దం చేసే పర్వతాలు, దట్టమైన అడవి, ప్రశాంతమైన నది, పవిత్రమైన శివలింగం ఈ ప్రాంతాన్ని చూడదగ్గదిగా చేస్తాయి.