బెరిజం సరస్సు, కొడైకెనాల్ హిల్ స్టేషన్ నుండి కేవలం 20 కిలోమీటర్ల దూరంలో ఉంది. ఈ సరస్సు అడవి లోపల ఉంది, ఇక్కడికి వెళ్ళడానికి అనుమతి అవసరం. ప్రవేశం ఉదయం 9.30 నుండి సాయంత్రం 3 వరకు పరిమితం. బైసన్, జింకలు, పాములు, చిరుతలు నీరు తాగడానికి ఈ సరస్సు వద్దకు వస్తాయి, మీకు అదృష్టం ఉంటె అవి కనిపించవచ్చు. ఈ ప్రాంతాల చుట్టూ అనేక రకాల పుట్టగొడుగులు పెరుగుతాయి. పర్యాటక ఆకర్షణలలో జతచేయబడ్డ ఫైర్ టవర్, లేక్ వ్యూ, నిశ్శబ్ద లోయ, ఔషధ అడవి వంటి ప్రాంతాలు ఈ సరస్సు సమీపంలో ఉన్నాయి. మంచి అటవీ ప్రదేశాలలో ఇది ఒకటి.