ముతైదువుల పసుపు కుంకుమలను కాపాడే శ్రావణ లక్ష్మీ ఇక్కడే

లక్ష్మీ నారాయణ దేవాలయం, ఢిల్లీ

P.C: You Tube

దీనినే బిర్లా టెంపుల్ అని కూడా అంటారు. ఈ దేవాలయాన్ని ప్రముఖ పారిశ్రామిక కుటుంబం బిర్లా క్రీస్తు శకం 1939లో నిర్మించారు. ఈ దేవాలయంలో ప్రధాన దైవం లక్ష్మీతో పాటు విష్ణువు. ఈ దేవాలయాన్ని మహాత్మాగాంధీ ప్రారంభించారు. ఢిల్లీలో ఉన్న ప్రముఖ పర్యాటక కేంద్రాల్లో ఇది కూడా ఒకటి. ఈ దేవాలయాన్ని శ్రావణ శుక్రవారంతో పాటు దిపావళి, క్రిష్ణాష్టమి రోజున ఎక్కువ మంది సందర్శిస్తుంటారు.

గోల్డన్ టెంపుల్, వెల్లూరు

P.C: You Tube

తమిళనాడులోని వెల్లూరులో ఉన్న గోల్డన్ టెంపుల్ ను శ్రీపురం లక్ష్మీ దేవి దేవాలయం అంటారు. ఇది భారత దేశంలోనే అత్యంత విశిష్టమైన పుణ్యక్షేత్రం. ఈ దేవాలయం మొత్తం బంగారం రేకులతో తాపడం చేయబడింది. ఈ దేవాలయం నక్షత్రాకారంలో ఉంటుంది. ఈ దేవాలయాన్ని ఆకాశం నుంచి చూస్తే శ్రీ చక్రం ఆకారంలో కనిపిస్తుంది.

కొల్హాపూర్ మహాలక్ష్మీ దేవాలయం

P.C: You Tube

మహారాష్ట్రలోని కొల్హాపూర్ మహాలక్ష్మీ దేవాలయం పురాణ ప్రాధాన్యత కలిగిన దేవాలయం. ఇది శక్తిపీఠాల్లో ఒకటి. ఇక్కడ విష్ణువుతో పాటు మహాలక్ష్మీ నిత్యం కొలువై ఉంటుందని భక్తులు ఎన్నో ఏళ్లుగా నమ్ముతున్నారు. ఈ దేవాలయాన్ని మొదట చాళుక్యులు నిర్మించినట్లు చెబుతారు.

అష్ట లక్ష్మీ దేవాలయం, చెన్నై

P.C: You Tube

తమిళనాడు రాజధాని చెన్నైలోని అష్ట మహాలక్ష్మీ దేవాలయంలో మహాలక్ష్మీ ఎనిమిది రూపాల్లో ఒకే చోట దర్శనమిస్తుంది. అందువల్లే ఈ అష్టలక్ష్మీ దేవాలయ దర్శనానికి నిత్యం భక్తులు ఎక్కువ సంఖ్యలో వస్తుంటారు. ఈ దేవాలయం ఎలియోట్ బీచ్ కు సమీపంలో ఉంటుంది. ఇక్కడ విష్ణువు విగ్రహం కూడా ఉంటుంది. ఈ దేవాలయాన్ని సందర్శించడం వల్ల విజయం, ధైర్యం, ఐశ్వర్యం తదితరాలు సమకూరుతాయని భక్తులు నమ్ముతారు.

లక్ష్మీ దేవి దేవాలయం, హాసన్

P.C: You Tube

కర్నాటకలోని ప్రముఖ పర్యాటక, ఆధ్యాత్మిక, ధార్మిక పట్టణమైన హాసన్ లోని లక్ష్మీ దేవాలయం చాలా పురాతనమైనది. ఈ దేవాలయాన్ని హొయసులు మొదట నిర్మించారని చెబుతారు. ఈ దేవాలయ ప్రాంగణంలో శివుడు, పార్వతి, విష్ణువు తదితర దేవుళ్లకు ఉపాలయాలు కూడా ఉన్నాయి. ఈ దేవాలయంలోని శిల్పాలు భారతీయ శిల్పకళకు అద్దం పడుతాయి.