ఇక్కడ 24 గంటలూ చలిస్తుండే శివలింగానికి అభిషేకం చేసిన పాలకు గల శక్తి గురించి తెలుసా

నిత్యం కదులుతూ ఉంటుంది

ఆశ్చర్యకరమైన విషయమైనా ఇక్కడ శివలింగం నిత్యం కదులుతూ ఉంటుంది. ఈ పుణ్యక్షేత్రం ఉత్తర ప్రదేశ్ లోని దియోరియా జిల్లాలోలని రుద్రపూర్ అనే గ్రామంలో ఉంది. ఈ దేవాలయంలోని శివలింగాన్ని దుగ్దేశ్వర నాథ శివలింగం అని పిలుస్తారు.

ఉప లింగం

P.C: You Tube

అదే విధంగా ఈ దుగ్దేశ్వరనాథ శివలింగాన్ని మధ్యప్రదేశ్ లోని మహా కాళేశ్వరం జ్యోతిర్లింగానికి ఉప లింగం అని భక్తులు భావిస్తారు. సాధారణంగా శివలింగం పానవట్టం మీద ఉంటుంది. అయితే ఇక్కడ ఉన్న శివలింగం నేరుగా భూమి పై ఉంటుంది.

స్వయంభువు

P.C: You Tube

అంతేకాకుండా ఈ శివలింగం ఎవరూ స్థాపించినది కాదు. స్వయంభువగా చెప్పబడుతుంది. అంటే భూమి పొరల నుంచి నేరుగా ఇది భూమి పై భాగానికి వచ్చిందని చెబుతారు. ఈ శివలింగం అత్యంత ప్రత్యేకత కలిగినది.

మరెక్కడా లేదు

P.C: You Tube

ఈ ఇటువంటి శివలింగం భూ ప్రపంచంలో ఎక్కడా ఉండదని ఇక్కడి వారు చెబుతారు. ఈ శివలింగం తనంతకు తానుగా కదులుతూ ఉంటుంది. ఇలా కదలం ప్రారంభించిన తర్వాత 3 నుంచి 24 గంటల పాటు ఏకదాటిగా కదులుతుంది.

ఒకసారి కదలడం నిలిచిపోతే

P.C: You Tube

ఒక సారి కదలడం నిలిచిపోయిన తర్వాత ఈ శిలింగం మరిక కదలదు. భక్తులు, పూజారులు ఎంత ప్రయత్నించినా ఒక ఇంచు కూడా ఈ శివలింగం కదలదు. ఇందుకు గల కారణాలలను మాత్రం ఎవరూ చెప్పడం లేదు. ఈ శివాలయం అత్యంత ప్రాచీనమైనది.

దాదాపు 5000 ఏళ్లు

P.C: You Tube

ఈ శివలింగం ఉద్భవించి దాదాపు 5000 సంవత్సరాలు అయిఉంటుందని స్థానికులు చెబుతూ ఉంటారు. ఇందుకు సంబంధించిన కొన్ని ఆధారాలు కూడా వారు చూపుతారు. ముందే చెప్పుకొన్నట్లు ఈ దుగ్దేశ్వరనాథ శివలింగం స్వయంభువు.

ఎంతమేరకు

P.C: You Tube

ఇది భూమి లోపల ఎంత మేర విస్తరించి ఉందన్న విషయాన్ని ఇంతవరకూ ఎవరూ కనుగొనలేదు. చాలా కాలం క్రితం భూమి లోపలి పొరల్లో ఎంత మేరకు విస్తరించి ఉందన్న విషయం కనుగొనడానికి ఈ శివలింగానికి సమాంతరంగా ఒక గొయ్యి తీసారు. అయినా కూడా కనుగొనలేకపోయారు.

పాలభిషేకం

P.C: You Tube

దీంతో ఈ ప్రయత్నాన్ని విరమించారు. ఈ శివలింగానికి అభిషేకం చేయడం పూర్వ జన్మఫలం అని నమ్ముతారు. ఇక శివలింగానికి పాలతో అభిషేకం చేసిన తర్వాత ఆ పాలు అత్యంత పవిత్రమైపోతాయని భక్తుల నమ్మకం.

ఔషద గుణాలు

P.C: You Tube

అంతేకాకుండా ఆ పాలకు అనేక ఔషధ గుణాలు వస్తాయని చెబుతారు. అందుకే ఈ పాలను ఆయుర్వేద మందుల తయారీలో వినియోగిస్తారు. ఈ దుగ్దేశ్వరనాథ దేవాలయ ప్రవేశ ద్వారాన్ని ఒక రాతితో నిర్మించడం విశేషం.

గణేషుడి ప్రతిమ

P.C: You Tube

ఈ ద్వారం పై గణేషుడి ప్రతి మ కూడా ఉంది. ఈ దేవాలయంలో జరిగిగే విస్మయాన్ని చూడటానికి ఉత్తరభారత దేశం నుంచే కాకుండా దేశంలోని వివిధ ప్రాంతాల నుంచి కూడా ఇక్కడికి వస్తారు. ఇక శ్రావణ మాసం వంటి పవిత్రమైన రోజుల్లో విదేశాల నుంచి కూడా ఇక్కడకు భక్తులకు వేల సంఖ్యలో వస్తుంటారు.

పున:నిర్మించారు

P.C: You Tube

అత్యంత పురాతనమైన ఈ దేవాలయాన్ని మొదట నిర్మించనవారి గురించి వివరాలు తెలియదు. అయితే ఛత్రపతి శివాజీ కదిలే శివలింగం ఉన్న ఈ దుగ్దేశ్వర నాథ దేవాలయాన్ని పున: నిర్మించారని చెబుతారు. ఈ దుగ్దేశ్వరనాథ దేవాలయం చుట్టు పక్కల అనేక ప్రఖ్యాతి చెందిన విద్యాలయాలు ఉన్నాయి.

విదేశీ విద్యార్థులు

P.C: You Tube

ఇందులో చాలా వరకూ విదేశీ విద్యార్థులు చదువుకొంటూ ఉన్నారు. ఈ దుగ్దేశ్వరనథ దేవాలయంలో అత్యంత పురాతనమైన బావి, కాళీమాత, యోగ శాలలు కూడా చూడదగినవి. ఈ దేవాలయంలో సందర్శకులను తెల్లవారుజాము 4 గంటల నుంచి మధ్యహ్నం 12 గంటల వరకూ అనుమతిస్తారు.

ఇలా వెళ్లవచ్చు.

P.C: You Tube

అదే విధంగా సాయంత్రం 5 గంటల నుంచి రాత్రి 8 గంటల వరక భక్తులకు ప్రవేశం కల్పిస్తారు. ఈ కదిలే శివలింగం ఉన్న దుగ్దేశ్వరనాథ దేవాలయానికి దగ్గర్లో ఇందిరాగాంధీ ఇంటర్నేషనల్ విమానాశ్రంయ ఉంది. ఇక్కడి నుంచి దుగ్దేశ్వరనాథ దేవాలయానికి కేవలం 40 కిలోమీటర్లు మాత్రమే. ప్రభుత్వ, ప్రైవేటు బస్సు సౌకర్యాలు ఉన్నాయి. ట్యాక్సీలు కూడా అందుబాటులో ఉంటాయి.