Click it and Unblock the Notifications
భారతదేశంలోని అతి చిన్న జాతీయ ఉద్యానవనాన్నిచూశారా?
భారతదేశంలో సందర్శించడానికి చాలా రకాల ప్రాంతాలు ఉన్నాయి. పర్వతాల నుండి సముద్రం, సరస్సు, నదులు, ఇసుక, అడవి మరియు బహిరంగ లోయ వరకు ప్రతిదీ ఇక్కడ చూడదగినది. ఇది కాకుండా, వన్యప్రాణులను సురక్షితంగా ఉంచడానికి అనేక రకాల ఫారెస్ట్ రిజర్వ్లు మరియు నేషనల్ పార్కులు కూడా ఉన్నాయి. వీటిలో కొన్ని జిమ్ కార్బెట్ నేషనల్ పార్క్, కాజిరంగా నేషనల్ పార్క్ మరియు పెరియార్ వంటి ఇతర జాతీయ ఉద్యానవనాలు బాగా ప్రాచుర్యం పొందాయి. కానీ భారతదేశంలోని అతి చిన్న జాతీయ ఉద్యానవనం గురించి ఎప్పుడైనా విన్నారా? ఈరోజు మనం దానిగురించే మాట్లాడుకుంటున్నాం. రండి ఆ జాతీయ ఉద్యానవనం గురించి తెలుసుకుందాం.
భారతదేశంలో అతి చిన్న జాతీయ ఉద్యానవనం ఎక్కడ ఉంది?
భారతదేశపు అతి చిన్న జాతీయ ఉద్యానవనం అండమాన్ మరియు నికోబార్ దీవులలో ఉంది. దీనిని సౌత్ బటన్ ఐలాండ్ నేషనల్ పార్క్ అని కూడా పిలుస్తారు. ఈ ఉద్యానవనం దాదాపు 5 చదరపు కిలోమీటర్ల విస్తీర్ణంలో విస్తరించి ఉంది. ఈ పార్క్ రాణి ఝాన్సీ మెరైన్ నేషనల్ పార్క్లో భాగం మరియు హేవ్లాక్ ద్వీపం నుండి 24 కిలోమీటర్ల దూరంలో ఉంది. ప్రకృతి మధ్య జీవించడానికి ఇష్టపడే వారికి, ప్రశాంతమైన వాతావరణం కోసం చూస్తున్న వారికి, ఈ పార్క్ స్వర్గం కంటే తక్కువ కాదనే చెప్పుకోవాలి. ఈ పార్క్ వివిధ రకాల జంతుజాలానికి నిలయంగా ఉంది. ఇది చూడటానికి ఆహ్లాదకరమైన అనుభూతిని కలిగిస్తుంది. ఇవే కాకుండా అందమైన పగడపు దిబ్బలు, తెల్లటి ఇసుక బీచ్లు, ఆకర్షణీయమైన సముద్ర జీవులు బీచ్ ప్రేమికులను ఆకర్షిస్తాయి.
పార్క్లోని జంతుజాలం..
భారతదేశంలోని అతి చిన్న జాతీయ ఉద్యానవనం సముద్ర జీవులతో సమృద్ధిగా ఉంది. అందువల్ల, స్నార్కెలింగ్ మరియు స్కూబా డైవింగ్కు ఇక్కడ మంచి స్కోప్ ఉంది. నీటి లోపలికి వెళ్తే, బయటి ప్రపంచం నుండి వేరు చేయబడిన నీటిలో ఎంత శాంతి ఉందో అనిపిస్తుంది. అంతే కాకుండా, లోపల ఉండే రకరకాల రంగురంగుల చేపలను చూడటం ఆనందంగా ఉంటుంది. ఈ ప్రాంతానికి పిల్లల్ని తీసుకెళితే వారి ఆనందాలకు ఆవధులుండవు.
అంతే కాకుండా, కొంతమందికి స్నాపర్స్, బార్రాకుడా, లయన్ ఫిష్, గ్రూపర్స్ మరియు తాబేళ్లు వంటి అందమైన సముద్ర జీవులను అతిదగ్గరి నుంచి చూసే అవకాశం లభిస్తుంది. ఈ పార్కులో సముద్ర తాబేళ్ల సంఖ్యను పెంచడంపై కూడా దృష్టి సారించారు అధికారులు. కానీ ఇక్కడకు వచ్చే పర్యాటకులకు ఈ ద్వీపంలోని రాతి భాగాలను ఎక్కడానికి అనుమతిలేదు. ఎందుకంటే, ఈ ప్రాంతం ఎంతో ప్రమాదంతో కూడుకున్నదని అధికారులు హెచ్చరికలు జారీ చేశారు. దాంతో పర్యాటకులకు ఆ రాతి భాగాలను ఎక్కడానికి అనుమతి లేదు.
సందర్శనకు ఉత్తమ సమయం..
భారతదేశంలోని అతి చిన్న జాతీయ ఉద్యానవనాన్ని అన్వేషించడానికి ఉత్తమ సమయం డిసెంబర్ నుండి ఏప్రిల్ వరకు. జూన్ నుండి అక్టోబర్ వరకు మంచి సమయం. కాబట్టి కుటుంబసభ్యులతో, స్నేహితులతో కలిసి సెలవుల్లో ఈ ఉద్యానవనాన్ని చుట్టేయండి.
ఈ పార్కును ఎలా చేరుకోవాలి?
హేవ్లాక్ ద్వీపం నుండి ఒక రోజు పర్యటన చేసి ఇక్కడికి చేరుకోవచ్చు. మోటారు పడవలో ఇక్కడికి చేరుకోవడానికి దాదాపు రెండు గంటల సమయం పడుతుంది. పోర్ట్ బ్లెయిర్ నుండి పడవలు అద్దెకు లభిస్తాయి.
