అప్పుల బాధలను తొలగించే గణపతి ఉన్న పంచారామాల్లోని ఒక క్షేత్రం

అత్యంత ప్రాధాన్యత కలిగిన తీర్థయాత్ర

P.C: You Tube

హిందూ మతంలో పంచారామాల సందర్శనకు అత్యంత ప్రాధాన్యత ఇస్తారు. ఈ పంచారామాలు ఆంధ్రప్రదేశ్ లో తూర్పు, పశ్చిమ గోదావరి జిల్లాల్లో వేర్వేరు చోట్ల ఉన్నయి. అవి ద్రాక్షారామం, క్షీరారామం, అమరావతి, కుమారారామము, భీమారామము.

ఒకే లింగం నుంచి

P.C: You Tube

ఈ పంచారామాలు అన్నీ ఒకే లింగం నుంచి ఏర్పడినట్లు స్థల పురాణం చెబుతుంది. అదే విధంగా ఈ లింగాలను వేర్వేరు పురాణ పురుషులు వేర్వేరు సందర్భాల్లో ప్రతిష్టించినట్లు సదరు పురాణాలు స్పష్టం చేస్తాయి.

కుమారస్వామి జననం

P.C: You Tube

అసలు ఈ పంచారామాలు ఏర్పడటానికి, కుమారస్వామి జననానికి ప్రత్యక్ష సంబంధం ఉందని పురాణాలు చెబుతున్నాయి. ముఖ్యంగా ఈ పంచారామాలకు సంబంధించిన కథనాన్ని స్కంధపురాణంలో తారకాసుర ఘట్టంలో అత్యంత మనోహరంగా చెప్పబడింది.

హరిణ్యకశిపుడి మనుమడు

P.C: You Tube

హిరణ్యకశిపుడి మనుమడైన తారకాసురుడు గొప్ప శివభక్తుడు. తన తాత మరణానికి కారణమైన విష్ణువు పై పగను పెంచుకొన్న తారకాసురుడు ఆయనను పూజించే మునులను గందర్వులను తీవ్రంగా హింసుస్తుంటాడు.

విష్ణువు పై యుద్ధానికి

P.C: You Tube

ఈ నేపథ్యంలో హిరణ్యకశిపుడి చావుకు కారణమైన విష్ణువు పై యుద్ధానికి వెళ్లాలని భావిస్తాడు. ఇందుకోసం అవసరమైన శక్తిసామార్థాలు సముపార్జించాలని భావించి పరమశివుడి గురించి ఘోర తపస్సు చేస్తాడు. ఈయన తపస్సుకు మెచ్చి శివుడు ప్రత్యక్షమవుతాడు.

ఆత్మలింగం

P.C: You Tube

అంతేకాకుండా తారకాసురుడి కోరిక మేరకు తన ఆత్మలింగాన్ని ప్రసాదిస్తాడు. అంతేకాకుండా కేవలం బాలుడి చేతిలో మాత్రమే మరణించేలా వరం ప్రసాదిస్తాడు. దీంతో తారకాసురుడికి పరమశివుడితో సమానమైన శక్తిసామర్థ్యాలు సమకూరుతాయి.

శివుడి వద్దకు

P.C: You Tube

ఈ పరిణామాలతో రెచ్చిపోయిన తారకాసురుడు మునులను, గందర్వులతో పాటు దేవతలను హింసించడం మొదలుపెడుతాడు. ముఖ్యంగా విష్ణు ప్రభ్తులను చిత్ర హింసలకు గురిచేస్తుంటాడు. దీంతో భీతిల్ల శివుడి దగ్గరకు వెళ్లి శరణు వేడుతారు.

అతడిని సంహరిస్తాడు

P.C: You Tube

వారి కోరిక మేరకు ఆ బోళాశంకరుడు, పార్వతి దేవిలకు తారకాసురుడిని సంహరించే శక్తి, యుక్తులు కలిగిన కుమారస్వామి జన్మిస్తాడు. ఆయన దేవతలను తన వెంట తీసుకువెళ్లి తారకాసురిడితో యుద్ధం చేసి అతడిని సంహరిస్తాడు.

వేర్వేరు పురాణ పురుషులు

P.C: You Tube

అంతేకాకుండా అతని శరీరంలో ఉన్న శివలింగాన్ని తన బాణంతో ఐదు ముక్కలు చేస్తాడు. ఆ ఐదు ముక్కలు ప్రస్తుత ఆంధ్రప్రదేశ్ లోని ఐదు వేర్వేరు ప్రాంతాల్లో పడిపోతాయి. ఆ ఐదు ముక్కలు పడిన ప్రాంతాల్లో వేర్వేరు పురాణ పురుషులు వాటికి ప్రాణ ప్రతిష్ట చేస్తారు.

పంచారామాల్లో విశిష్టమైనది

P.C: You Tube

దీంతో ఆ ఐదు ప్రాంతాలు పంచరామాలుగా ప్రసిద్ధికెక్కి హిందూ పుణ్యక్షేత్రాల్లో ప్రముఖ వరుసలో నిలుస్తున్నాయి. ఇందులో క్షీరారామము అంత్య విశిష్టమైనది. ఇక్కడి శివలింగమే కాకుండా ఉపాలయాలు కూడా మిక్కిలి శక్తివంతమైనవని స్థానిక ప్రజల విశ్వాసం.

త్రిశూలంతో

P.C: You Tube

క్షీరారామమునే పాలకొల్లు, క్షీరపురం, క్షీరపురి, పాలకొలను, ఉపమన్యూపురం, అనే పేర్లతో కూడా పిలుస్తారు. ఇదిలా ఉండగా ఉపమన్యుడనే శివభక్త బాలుడి ఆకలి తీర్చడానికి శివుడు తన త్రిశూలంతో ఇక్కడి నేల పై గుచ్చడని చెబుతారు.

పాలు పొంగాయి

P.C: You Tube

దీంతో వెంటనే పాలధారలు పొంగి పొర్లాయని చెబుతారు. ఈ కారణం వల్లే ఈ క్షేత్రానికి క్షీరపురం అని పాలకొల్లు అనే పేర్లు వచ్చయని చెబుతారు. క్షీరం అంటనే పాలు. ఆ పేరు మీదుగానే ఈ క్షేత్రానికి పాలకొల్లు అని పేరు వచ్చినట్లు చెబుతారు.

ఆత్మలింగంలోని పై భాగం

P.C: You Tube

ఇక ముక్కలైన ఆత్మలింగంలో పై భాగంలోని ముక్క పాలకొల్లులో పడినట్లు చెబుతారు. అందువల్లే ఈ శివలింగానికి పై భాగం మొనదేలి చూడటానికి శివుడి కొప్పువలే కనిపిస్తుంది. అందువల్లే దీనిని కొప్పు రామలింగేశ్వరుడని పిలుస్తారు.

శ్రీరామ చంద్రుడు

P.C: You Tube

ఇక శ్రీరామచంద్రుడు, సీతాదేవి సమేతంగా ఇక్కడి లింగాన్ని ప్రతిష్టించినందువల్ల ఈ క్షేత్రంలోని శివలింగానికి రామలింగేశ్వరమని పేరువచ్చినట్లు చెబుతారు. మరో కథనం ప్రకారం విష్ణువు ఈ లింగాన్ని స్వయంగా ప్రతిష్టించిచారని చెబుతారు.

శ్రీ చక్రం

P.C: You Tube

అందువల్లే ఈ క్షేత్రపాలకుడు విష్ణువయ్యాడని వారు పేర్కొంటారు. అదే విధంగా ఈ క్షేత్రాన్ని ఆది శంకరాచార్యలు వారు సందర్శించి శ్రీ చక్రం ఇక్కడి దేవాలయంలో ప్రతిష్టింపజేశారని చెబుతారు. శ్రీ చక్రం ఉండటం వల్ల ఇది పంచారామ క్షేత్రాల్లో విశిష్టమైనదని భక్తుల నమ్మకం.

రుణ హర గణపతి

P.C: You Tube

మూలవిరాట్టు ఉన్న ఆలయ ప్రాకార మంటపంలో పార్వతీదేవి కొలువై ఉంటుంది. అటు పక్కనే సుబ్రహమణ్యస్వామి ఆలయం, రుణహర గణపతి ఉపాలయాలు కనిపిస్తాయి. ఈ రుణహర గణపతిని సందర్శించడం వల్ల అప్పుల బాధలు తీరుతాయని స్థానికుల నమ్మకం.

చాళుక్య భీముడు

P.C: You Tube

ఈ క్షేత్రంలోని ఆలయాన్ని చాళుక్యభీముడు మొదట నిర్మించగా అటు పై రెడ్డిరాజులు, కాకతీయులు అభివ`ద్ధి చేసినట్లు ఇక్కడి శాసనాల వల్ల కనిపిస్తాయి. ఆలయం రాజగోపురం తొమ్మిది అంతస్తులతో 120 అడుగుల ఎత్తులో కనిపిస్తుంది.

రామ గుండం

P.C: You Tube

ఈ దేవాలయం వద్ద ఉన్న చెరువును రామగుండం అని అంటారు. ఇక తూర్పు గోదావరి జిల్లాలోని పాలకొల్లులో ఈ క్షేత్రం ఉంది. ప్రముఖ పట్టణమైన నరసాపురానికి పాలకొల్లుకు మధ్య కేవలం 10 కిలోమీటర్ల దూరం మాత్రమే.

ఒక్క రోజులో

P.C: You Tube

ఈ క్షేత్రంతో పాటు మిగిలిన పంచారామాలన్నింటిని ఒక్క రోజులోపు చూడవచ్చు. ఇందు కోసం ఏపీఎస్ ఆర్టీసీ ప్రత్యేక సర్వీసులను నడుపుతోంది. ప్రతి రోజూ రాత్రి 8 గంటలకు మొదలయ్యే ఈ యాత్ర తరువాతి రోజు రాత్రి 8 గంటలకు ముగుస్తుంది.