Click it and Unblock the Notifications
ప్రశాంతమైన వాతావరణానికి నిలయం.. ఫరీదాబాద్లోని మినీ లడఖ్..!
చాలా మంది పర్యాటకులకు లడఖ్ సందర్శించడం చాలా కష్టంగా ఉంటుంది. కానీ ఫరీదాబాద్ సమీపంలో ఒక మినీ లడఖ్ ఉంది. దీనిని పానికోట్ సరస్సు లేదా సిరోహి సరస్సు అని కూడా అంటారు. గుర్గావ్ నుండి ఒక అరగంట ప్రయాణంతో మినీ లడక్ను చేరుకోవచ్చు. ఈ ప్రాంతం ఆరావళి శ్రేణి కొండలతో చుట్టుముట్టబడిన ఒక రహస్య రత్నంలా ఉంటుంది. ఈ ప్రదేశపు ప్రశాంతత పర్యాటకులను ఎంతగానో ఆకట్టుకుంటుంది. ఇక్కడి స్వచ్ఛమైన నీటిని చూస్తూ ప్రశాంతంగా గడపొచ్చు.
ఫరీదాబాద్లో ఉన్న ఈ ప్రదేశాన్ని మినీ లడఖ్ అని పిలుస్తారు. దీనిని పెంగోక్ లేక్ లేదా గోవా బీచ్ అని కూడా పిలుస్తారు. కానీ నిజానికి ఈ ప్రదేశం పేరు సిరోహి సరస్సు. చాలా మందికి ఇది పానికోట్ సరస్సు అని కూడా తెలుసు. పానికోట్ సరస్సు హర్యానాలోని బల్లభ్గఢ్-సోహ్నా హైవేకి కొద్ది దూరంలో ఉంది. కుటుంబ సమేతంగా సందర్శించడానికి ఇది ఒక గొప్ప ప్రదేశం. రండి ఈ ప్రదేశం గురించి తెలుసుకుందాం.
ఫరీదాబాద్లోని మినీ లడఖ్..
అనేక పురాతన కట్టడాలు, కోటలు, మార్కెట్లు మొదలైన వాటి కారణంగా ఢిల్లీ చారిత్రకంగా ఎంతగానో ప్రసిద్ధ చెందింది. ఫరీదాబాద్లో మినీ లడఖ్ గా పిలువబడే పానికోట్ సరస్సు చుట్టూ చిన్న కొండలు ఉన్నాయి. ఈ సరస్సులోని నీరు స్ఫటికంలా కనిపిస్తుంది. అందుకే దీనికి పాంగోంగ్ సరస్సు అని పేరు కూడా పెట్టారు. ఈ సరస్సులోని నీరు చాలా పురాతనమైనది. వారాంతాల్లో ఇక్కడ పెద్ద సంఖ్యలో పర్యాటకులు కనిపిస్తారు.
ప్రయాణంలో గుర్తుంచుకోవలసిన విషయాలు
'మినీ లడఖ్'ని సందర్శించాలనుకుంటే మాత్రం కొన్ని విషయాలను గమనంలో ఉంచుకోవాలి. ఈ సరస్సు చుట్టూ చిన్న కొండలు ఉన్నాయి. దీని కారణంగా ఇక్కడ పార్కింగ్ సౌకర్యం లేదు. ద్విచక్ర వాహనంలో ఇక్కడికి వెళుతున్నట్లయితే సరస్సు దగ్గర పార్క్ చేసుకునే వెసులుబాటు ఉంటుంది. ఇక్కడకు కారులో వెళుతున్నట్లయితే, కారును బయట ఎక్కడైనా పార్క్ చేయాల్సి ఉంటుంది.
ఇక్కడ దుకాణాలు లేవు
అంతే కాకుండా, ఇక్కడ దుకాణాలు అందుబాటులో ఉండవు. కాబట్టి సందర్శించే ముందు అవసరమైన తినుబండారాలు, పానీయాలను ముందుగానే కొనుగోలు చేసుకోవడం మంచిది. ఇక్కడ చెత్త వేయడం పూర్తిగా నిషేధించబడింది. ఈ ప్రదేశాన్ని సందర్శించేందుకు సామాన్యులే కాదు సెలబ్రిటీలు కూడా వస్తుంటారు. ఇది షూటింగ్ స్పాట్ కూడా. అంతేకాదు, చాలామంది జంటలు ప్రీ వెడ్డింగ్ షూట్లకు కూడా ఈ ప్రదేశాన్ని ఎంచుకుంటుంటారు.
రాత్రి పూట ఇక్కడికి వెళ్లొద్దు..
పానికోట్ సరస్సు అనేక చెరువులతో చుట్టుముట్టబడినందున చిన్న దీవుల వలె కనిపిస్తుంది. ఒకవైపు కొండలు నేరుగా కత్తిరించబడి, మరోవైపు కొండలు లడఖ్ లాగా కనిపిస్తాయి. అయితే రాత్రి పూట పొరపాటున కూడా ఇక్కడికి వెళ్లడం చేయకండి అని అంటున్నారు ఇక్కడి గ్రామస్థులు.
ఎలా చేరుకోవాలి
ఫరీదాబాద్లో ఉన్న ఈ సరస్సు ఢిల్లీ నుండి ఒక గంట దూరంలో ఉంది. ఇక్కడకు హాయిగా చేరుకోవచ్చు. ఢిల్లీ, గురుగ్రామ్ నుండి వస్తున్నప్పుడు, మధ్యలో దౌజ్ అనే గ్రామం కూడా ఉంది. ఈ గ్రామం క్యాంపింగ్, రాక్ క్లైంబింగ్ వంటి అనేక కార్యకలాపాల కు ప్రసిద్ధి చెందింది. గురుగ్రామ్ నుండి సిరోహి సరస్సు 36 కిలోమీటర్ల దూరంలో ఉంది. ఢిల్లీ నుండి 57 కిలోమీటర్ల దూరంలో ఉంది. ఫరీదాబాద్ నుండి 21 కిలోమీటర్ల దూరంలో ఉంది. అంటే ఢిల్లీ నుండి 41 నిమిషాలలో ఫరిదాబాద్ చేరుకోవచ్చు.
