మోఢేరా సూర్య‌దేవాల‌యం గురించిన‌ ఆసక్తిక‌ర విష‌యాలు

ఆలయాల నిర్మాణానికి శ్రీకారం..

క్రీస్తు పూర్వం 1025-1026 ప్రాంతంలో సోమనాథ్‌ మరియు చుట్టు ప్రక్కలనున్న ప్రాంతాలను విదేశీ ఆక్రమణదారుౖడెన మహమూద్‌ గజనీ తన ఆధీనంలోకి తీసుకున్నట్లు ఆ దేవాలయంలోని గర్భగుడిలో ఓ గోడౖపె లిఖించబడి ఉంది. గజనీ ఆ ప్రాంతాలను ఆక్రమించుకోవడంతో సోలంకీలు తమ పూర్వ వైభవాన్ని కోల్పోయారు. సోలంకి సామ్రాజ్యానికి రాజధానిగా చెప్పుకునే 'అహిల్వాడ్‌ పాటణ్‌' కూడా తన గొప్పతనాన్ని, వైభవాన్ని పూర్తిగా కోల్పోసాగింది.

దీంతో తమ పూర్వౖవెభవాన్ని కాపాడుకునేందుకు సోలంకి రాచరికపు కుటుంబం మరియు వ్యాపారులు ఓ జట్టుగా ఏర్పడి అందౖమెన ఆలయాల నిర్మాణానికి శ్రీకారం చుట్టారు. సోలంకి కుటుంబీకులు సూర్య వంశస్థులు. వారు సూర్యుడ్ని తమ దేవతగా కొలిచేవారు. కాబట్టి వారి ఆరాధ్య దైవ‌మైన‌ సూర్యుడ్ని కొలిచేందుకు ఓ అందౖమెన సూర్య మందిరాన్ని నిర్మించాలి అనుకున్నారు. ఈ విధంగా మోఢేరా సూర్యదేవుని ఆలయ నిర్మాణం కార్య‌రూపం దాల్చింది.

ఇరానీ శిల్పకళ శైలిలో..

ఈ ఆల‌య నిర్మాణ శైలి ప‌ర్యాట‌కుల‌ను ఎంత‌గానో ఆక‌ర్షిస్తుంది. ఇరానీ శిల్పకళ శైలిలో రెండు భాగాలుగా ఈ ఆలయాన్ని సోలంకి చ‌క్ర‌వ‌ర్తి భీమ్‌దేవ్ నిర్మించారు. ఈ నిర్మాణంలో తొలి భాగం గర్భగుడి కాగా రెండవది సభా మండపం. మందిర గర్భగుడి లోపల పొడవు 51 అడుగుల 9 అంగుళాలు. అలాగే వెడల్పు 25 అడుగుల 8 అంగుళాలుగా నిర్మించడం జరిగింది. మందిరంలోని సభా మండపంలో మొత్తం 52 స్తంభాలున్నాయి. ఈ స్తంభాలౖపె అత్యద్భుతౖమెన కళాఖండాలు, పలు దేవతల చిత్రాలను ఎంతో నైపుణ్యంతో మ‌ల‌చారు. అలాగే, రామాయణం, మహాభారతంలోని ప్రధానౖమెన ఘ‌ట్టాల‌ను కూడా ఈ గోల‌పై వీక్షించ‌వ‌చ్చు. స్థంభాల కింది భాగంలో చూస్తే అష్టకోణాకారంలోను అదే పై భాగంలో చూస్తే గుండ్రంగాను కనపడతాయి.

ఎలా చేరుకోవాలి?

రోడ్డు మార్గంలో చేరుకునేందుకు మోఢేరా సూర్యదేవుని ఆలయం అహ్మదాబాద్ నుంచి 102 కిలోమీటర్ల దూరంలో ఉంది. అహ్మదాబాద్ నుంచి ఈ ప్రాంతానికి చేరుకునేందుకు బస్సు మరియు టాక్సీల సౌకర్యం ఉంటుంది. అలాగే, రైలు మార్గంలో చేరుకునేందుకు అహ్మదాబాద్‌ వరకు రైలు మార్గం గుండా ప్రయాణించి ఆ తర్వాత బస్సు లేదా టాక్సీలలో ప్ర‌యాణించాల్సి ఉంటుంది. ఈ ఆల‌యానికి ద‌గ్గ‌ర‌గా ఉన్న విమాశ్ర‌యం అహ్మదాబాద్‌ విమానాశ్రయం.