గొండాల్ లో తప్పక చూడవలసిన పర్యాటక ప్రదేశాలు !!

అక్షర్ మందిర్, గొండాల్

అక్షర్ మందిర్ గొండాల్ లో ప్రసిద్ధి చెందిన పుణ్య క్షేత్రం. ఈ ఆలయం స్వామి గునతితనంద్ కి అంకితం ఇవ్వబడింది. ఈయన భగవాన్ స్వామి నారాయణ్ యొక్క ప్రధమ వారసుడు. అక్షర్ దేరి, స్వామి వారి సమాధులు లోపల ఉన్నాయి. ఇక్కడ పూజలు చేయటానికి ప్రతి సంవత్సరం భక్తులు అధిక సంఖ్యలో వస్తుంటారు.

చిత్ర కృప : Frans Devriese

నవలోఖ ప్యాలెస్, గొండాల్

క్రీ.శ. 17 వ శతాబ్ధంలో గొండాల్ లో నిర్మితమైన పురాతన ప్యాలెస్ ఈ నవలోఖ ప్యాలెస్. చేయి తిరిగిన కళాకారులతో నిర్మించిన కట్టడాలను చూస్తే నిజంగా వారి పనితానాన్ని మెచ్చుకోక తప్పదు. వెలుపల బాల్కానీ, తోటలు, అందమైన పచ్చటి గడ్డి మైదానాలు పర్యాటకులను ఆకట్టుకుంటాయి. ఈ ప్యాలెస్ ను కట్టడానికి అప్పట్లో 9 లక్షలు ఖర్చయ్యింది.

చిత్ర కృప : Bernard Gagnon

రివర్సైడ్ ప్యాలెస్, గొండాల్

క్రీ.శ. 1875 వ సంవత్సరంలో రివర్ సైడ్ ప్యాలెస్ ను స్థాపించారు. దీనిని భగవత్ సిన్హ్ జి రాజు, తన కుమారుడు యువరాజ్ భోజ్రాజి కోసం నిర్మించారు. అద్భుతమైన సీటింగ్ అమరికతో చుట్టూ ఒక అందమైన తోట తో ఉన్న ప్యాలెస్ ఇప్పుడు ఒక డీలక్స్ వారసత్వ హోటల్ గా మార్చబడింది.

చిత్ర కృప : rkm vakkalagadda

దాసి జీవన్ మందిర్, గొండాల్

దాసి జీవన్ మందిర్ ఘోఘవదర్ లో ఉన్నది. గొండాల్ కి 6 కి.మీ. ల దూరంలో ఉన్న పవిత్రమైన ప్రదేశం సాధువు దాసి జీవన్ యొక్క జన్మస్థలం. ప్రతి సంవత్సరం జరిగే దాసి జీవన్ పుట్టినరోజు వార్షికోత్సవాన్ని జరుపుకోవటానికి గుజరాతీ న్యూ ఇయర్స్ డే రోజున ప్రజలు ఇక్కడికి వస్తారు.

చిత్ర కృప : chiragkpatel

రాయల్ గ్యారేజీలు, గొండాల్

రాయల్ గ్యారేజీ లో రాయల్స్ వింటేజ్ కార్ల మనోహరమైన సేకరణ ప్రపంచ ప్రఖ్యాతి గాంచినవి. గొండాల్ పాలకుల ఉత్సాహాన్ని నేడు రివర్సైడ్ ప్యాలెస్ ప్రాంగణంలో ప్రదర్శించబడుతుంది. ఈ పూర్తి మ్యూజియం ఫలితంగా అప్పట్లో వాడిన కార్ల ను చూస్ భాగ్యం లభించింది.

చిత్ర కృప : rkm vakkalagadda

గొండాల్ కు ఎలా చేరుకోవాలి ?

విమాన మార్గం

గొండాల్ కు సమీపంలో రాజ్‌కోట్ విమానాశ్రయం కలదు. ఈ విమానాశ్రయం నుండి దేశంలోని అన్ని ప్రధాన నగరాలకు ప్రయాణించవచ్చు. ఈ విమానాశ్రయం నుండి గొండాల్ కి క్యాబ్ ద్వారా చేరుకోవచ్చు.

రైలు మార్గం

గొండాల్ కు రాజ్‌కోట్ - జతల్సార్ మధ్య రైలు స్టేషన్ కలదు. రాజ్‌కోట్ నుండి దేశంలోని అన్ని ప్రధాన నగరాలకు రైలు సదుపాయం ఉన్నది.

రోడ్డు మార్గం

గొండాల్ కు సమీప పట్టణాల నుండి గుజరాత్ రాష్ట్ర రోడ్డు రవాణా సంస్థ వారి ప్రభుత్వ బస్సులు నడుస్తుంటాయి. ఇవే కాక ప్రైవేట్ వాహనాలు, బస్సులు సైతం తిరుగుతుంటాయి.

చిత్ర కృప : sachindholakiya