Click it and Unblock the Notifications
ఏర్కాడ్ హిల్ స్టేషన్‌పై కుటుంబసమేతంగా అడుగుమోపండి!
తమిళనాడు ఉత్తర భాగం సేలం జిల్లాలోని షెవరాయ్ హిల్స్‌లో ఉన్న ఏర్కాడ్ ప్రకృతి ప్రేమికులు, యువకులు మరియు కుటుంబసమేతంగా సందర్శించే ఆకర్షణీయమైన ప్రదేశం. ఇది అద్భుతమైన కాఫీ తోటలకు ప్రసిద్ధి చెందింది. ఈ అందమైన కేంద్రంలో పండించే ప్రధాన పంట కాఫీ, ఏలకులు. సంవత్సరం పొడవునా మంచి వాతావరణాన్ని అందిస్తుంది. ఈ హిల్ స్టేషన్ అడవుల్లో సిల్వ‌ర్‌ ఓక్స్, గంధం మరియు టేకు చెట్ల‌తో నిండి ఉంటుంది.
ఈ అడవులలో నక్కలు, పాములు, ఉడుతలు, జింకలు మరియు మరెన్నో వివిధ రకాల వన్యప్రాణులను చూడవచ్చు. పక్షి ప్ర‌మికులు పిచ్చుకలు, బుల్బుల్స్ వంటి వివిధ రకాల పక్షులను కూడా అన్వేషించవచ్చు. ఏర్కాడ్ సందర్శించడానికి ఉత్తమ సమయం అక్టోబర్ నుండి జూన్ వరకు.
ఏర్కాడ్‌లోని ప్రధాన పర్యాటక ఆకర్షణలు
- వృక్షశాస్త్ర ఉద్యానవనం ఏర్కాడ్ హిల్ స్టేష‌న్‌లో ప్ర‌త్యేక ఆకర్షణ. వివిధ రకాల వృక్ష జాతులతో పరిచయం పొందడానికి ఆసక్తి ఉన్న యాత్రికులెవరైనా బొటానికల్ గార్డెన్‌ని సందర్శించవచ్చు. పూల సువాసనతో పాటు స్వచ్ఛమైన గాలిని అనుభవించడానికి ఇది ఉత్తమమైన ప్రదేశం.
- ఏర్కాడ్ హిల్ స్టేషన్ యొక్క ప్రధాన ఆకర్షణ ఇక్క‌డి సరస్సు. చుట్టూ ప్రకాశవంతమైన ఆకుపచ్చని అందం మీ కళ్లకు వింతగా ఉంటుంది. అంతేకాకుండా, నామమాత్రపు ధరతో సరస్సులో బోటింగ్‌ను ఆస్వాదించవచ్చు.
- పిరమిడ్ పాయింట్ అని పిలుచుకునే పగోడా పాయింట్ ఏర్కాడ్ కొండల తూర్పు భాగంలో ఉంది. ఈ ప్రదేశం ప్రయాణికులకు ఆహ్లాదకరమైన అనుభూతిని అందించే వాతావరణాన్ని ఖ‌చ్ఛితంగా అందిస్తుంది.
- ఈ కొండలపై ఉన్న షెవోరాయ్ దేవాలయం షెవరోయన్ భగవానుడికి అంకితం చేయబడింది. మే నెలలో ప్రపంచంలోని వివిధ ప్రాంతాల నుండి వందలాది మంది యాత్రికులు దీనిని సందర్శిస్తారు.- ఏర్కాడ్ సరస్సు నుండి 3 కిలోమీట‌ర్ల దూరంలో ఉన్న అద్భుతమైన జలపాతం కిల్లియూర్ జలపాతం. ఏర్కాడ్‌లో సెలవు దినాలలో సందర్శించడానికి ఇది ఒక సుందరమైన ప్రదేశం. ఇది ఈశాన్య రుతుపవనాల సమయంలో మ‌రింత అద్భుతంగా కనిపిస్తుంది.
ఏర్కాడ్ సంవత్సరం పొడవునా ఆహ్లాదకరమైన వాతావరణం కలిగి ఉంటుంది. వేసవిలో ఉష్ణోగ్రత 16°C నుండి 30°C వరకు ఉంటుంది. చలికాలంలో 13°C నుండి 25°C వరకు ఉష్ణోగ్రత ఉంటుంది.
ఏర్కాడ్ చేరుకోవడం ఎలా?
విమాన మార్గంలో ఏర్కాడ్ చేరుకోవడానికి సమీప విమానాశ్రయం 163 కిలోమీట‌ర్ల దూరంలో ఉన్న ట్రిచీ అంతర్జాతీయ విమానాశ్రయం. ఏర్కాడ్‌కు సమీపంలో ఉన్న ఇతర విమానాశ్రయాలు బెంగళూరు (230 కిలోమీట‌ర్ల) మరియు కోయంబత్తూర్ (190 కిలోమీట‌ర్లు). ఈ అందమైన ప్రదేశానికి విమానాశ్ర‌యాల నుండి టాక్సీలు కూడా అందుబాటులో ఉన్నాయి. అలాగే, ఏర్కాడ్‌కు చేరుకోవడానికి సమీప రైల్వే స్టేషన్‌లు జోలార్‌పేట మరియు సేలం జంక్షన్.
ఇవి వ‌రుస‌గా 20 కిలోమీట‌ర్లు మరియు 35 కిలోమీట‌ర్ల దూరంలో ఉన్నాయి. రోడ్డు మార్గం ద్వారా ఇక్క‌డికి చేరుకునేందుకు మంచి రోడ్ల నెట్‌వర్క్‌తో భారతదేశంలోని ప్రధాన నగరాలకు అనుసంధానించబడి ఉంది. చెన్నై, కోయంబత్తూరు, బెంగుళూరు మరియు అనేక ఇతర నగరాల నుండి ప్రభుత్వరంగ రవాణా బస్సులు, ప్రైవేట్ బస్సులు కూడా అందుబాటులో ఉన్నాయి.
