ప్రపంచంలోని అతి పొడవైన సియాచిన్‌ను సందర్శించారా?

ప్రపంచంలోని అతి పొడవైన సియాచిన్ ను సందర్శించారా?సియాచిన్ సందర్శించాలని కలలు కనేవారికి శుభవార్త. భారతీయ పర్యాటకులు ఇప్పుడు సియాచిన్ బేస్ క్యాంపును సందర్శించవచ్చని లడఖ్ పర్యాటక శాఖ ప్రకటించింది. అయితే దీని కోసం మరికొన్ని జాగ్రత్తలు తీసుకోవాలి.ప్రతి సంవత్సరం కాశ్మీర్ మరియు లడఖ్ సందర్శనకు పెద్ద సంఖ్యలో ప్రజలు వెళుతుంటారు. కానీ కొంతమంది దానిని దాటి సియాచిన్ ను సందర్శించాలని కూడా కోరుకుంటారు. ఇది ఇప్పటికీ సాధ్యం కాలేదు. ఎందుకంటే ఇక్కడకు వెళ్లడానికి ప్రత్యేక రకమైన అనుమతులు అవసరం. ఇది అందరికీ సులభంగా అందుబాటులో ఉండదు. అయితే ఇప్పుడు భారతీయ పర్యాటకులు ఎలాంటి ప్రత్యేక అనుమతి లేకుండా సియాచిన్ బేస్ క్యాంప్ సమీపంలో ప్రయాణించవచ్చని లడఖ్ పర్యాటక శాఖ ప్రకటించింది. సియాచిన్ గ్లేసియర్ ప్రాంతం భారత సైన్యం ఆధీనంలో ఉంది.సియాచిన్ ప్రత్యేకత ఏమిటి?ప్రపంచంలోనే అత్యంత పొడవైన హిమానీనదాలలో ఒకటిగా కాకుండా, సియాచిన్ భారతదేశం మరియు పాకిస్తాన్ మధ్య కొనసాగుతున్న సైనిక వివాదాలకు కూడా ప్రసిద్ధి చెందింది. ఎందుకంటే ఇది ప్రపంచంలోనే ఎత్తైన యుద్ధభూమి కూడా. అదే సమయంలో, సియాచిన్ గ్లేసియర్ పర్యాటకుల సంద ర్శనార్థం కోసం తెరవబడుతుంది. అంతకుముందు, రెండు దేశాల మధ్య ఉద్రిక్తత దృష్ట్యా, సియాచిన్ లోని కొన్ని ప్రాంతాలను పర్యాటక సంద ర్శ నార్థం మూసివేశారు.సియాచిన్ ఎక్కడ ఉంది?సియాచిన్ బేస్ క్యాంప్ హిమాలయాల తూర్పు కారాకోరం శ్రేణిలో సియాచిన్ గ్లేసియర్ బేస్ వద్ద ఉంది. 12,000 అడుగుల నుండి 15,000 అడుగుల వరకు ఉన్న ప్రాంతం సాధారణ ప్రజలకు పర్యాటకం కోసం తెరవబడింది.బేస్ క్యాంపు ఎందుకు నిర్మించారు?సైనిక చర్యల్లో ప్రాణాలు కోల్పోయిన సైనికుల గౌరవార్థం సియాచిన్ బేస్ క్యాంప్ నిర్మించబడింది. ఇక్కడ ఒక యుద్ధ స్మారక చిహ్నం కూడా ఉంది. ఇది వారి త్యాగాలను గుర్తు చేస్తుంది. ఎంతో ఎత్తులో ఉంటూనే క్లిష్ట పరిస్థితుల్లో దేశాన్ని రక్షించేందుకు ఈ వీర జవాన్లు తమ ప్రాణాలను పణంగా పెట్టారు. మరోవైపు, సామాన్య ప్రజల పర్యాటకాన్ని ప్రోత్సహించడానికి తెర వ బ డింది. భారతీయ పర్యాటకులు ఇప్పుడు అధికారుల నుండి ఎటువంటి ప్రత్యేక అనుమతి లేదా NOC లేకుండా ఈ స్థలాన్ని సందర్శించవచ్చు. అయితే, ఈ పర్యాటకుల నుండి జిల్లా యంత్రాంగం పర్యావరణ రుసుమును మాత్రం వసూలు చేస్తుంది.నుబ్రా వ్యాలీలో ఉన్న సియాచిన్ బేస్ క్యాంప్ సియాచిన్ టూర్ సమయంలో తప్పక సందర్శించాల్సిన అత్యంత ఆసక్తికరమైన పర్యాటక ప్రదేశాలలో ఒకటి. అయితే ఇక్కడికి వచ్చేటపుడు ప్ర త్యేకంగా చూసుకోవాల్సిన ముఖ్యమైన విషయం ఇక్కడి ఉష్ణోగ్రత. ఈ ప్రదేశం యొక్క ఉష్ణోగ్రత -60 డిగ్రీల సెల్సియస్ లేదా అంతకంటే తక్కువగా ఉంటుంది. అందువల్ల, ఇక్కడికి రావడానికి ముందు, మీ ఆరోగ్యం గురించి ఆలోచించండి మరియు వీలైనంత ఎక్కువ వెచ్చని బట్టలు ధ రించ డ మే కాకుండా, తీసుకుని రావాలి.ఎలా చేరుకోవాలి?సియాచిన్ బేస్ లేహ్ నుండి 215 కిలోమీట ర్ల దూరంలో ఉంటుంది. పనామిక్ నుండి 62 కిలోమీట ర్ల దూరంలో ఉంటుంది. పర్యాటకులు లేహ్ నుండి ఒక రోజులో సియాచిన్ బేస్ చేరుకోవచ్చు. లేహ్ నుండి పనామిక్ వరకు ఆరు గంటల ప్రయాణం. పనామిక్ నుండి, నుబ్రా నదికి మూలమైన సియాచిన్ బేస్ చేరుకోవడానికి మరో రెండు గంటల సమయం పడుతుంది.