కిన్నౌర్, ఈ అందమైన జిల్లా హిమాచల్ ప్రదేశ్ రాష్ట్రం లో ఉన్నది, దీనినే 'ది ల్యాండ్ అఫ్ ఫేరీ టేల్స్' అని కూడా పిలుస్తారు. మంచుతో కప్పబడిన పర్వతాలు, దట్టమైన పట్టుకుచ్చులాంటి అకు పచ్చని లోయలు, పంటకు వచ్చిన పండ్ల తోటలు మరియు అందమైన ద్రాక్ష తోటలు ఈ ప్రాంతం యొక్క ప్రకృతి సౌందర్యానికే వన్నె తెచ్చాయి. వీటితోపాటు ఇక్కడ చాలా నదులు ఉన్నాయి మరియు వివిధ జాతులకు చెందిన వృక్షజాలం మరియు జంతుజాలం కూడా ఉన్నాయి. కిన్నార్ కి చెందిన సంస్కృతికి మిగత రాష్ట్ర సంస్కృతికి తేడా గమనించవొచ్చు అదేమిటంటే కిన్నౌర్ సంస్కృతికి టిబెటన్ సంస్కృతికి లోతైన సామీప్యత ఉన్నది.

కిన్నౌర్ ప్రాంతంలో సంగల లోయ మరియు హన్గ్రంగ్ లోయ అనే ముఖ్యమైన లోయలు ఉన్నాయి. సంగల లోయ అందమైన పండ్ల తోటలకు ప్రసిద్ధి కలిగి ఉంటే, హన్గ్రంగ్ లోయ ఆకుపచ్చని పచ్చిక బయళ్ళకు ప్రసిద్ధి చెందింది. ప్రయాణికులు ఇక్కడ బ్రహ్మాండమైన కిన్నెర్ కైలాష్ పర్వతాన్ని కూడా చూడవొచ్చు. ఇది ఈ ప్రాంతానికే ప్రముఖ ఆకర్షణ. ఇవే కాకుండా, ఇక్కడ 'కల్ప' అనే సహజమైన అందంతో ఉన్న గ్రామాన్ని కూడా చూడవొచ్చు.

కిన్నౌర్ లో కల రూపి-భాబా అభయారణ్యం సముద్ర మట్టానికి 909 మీ. నుండి 5650 మీ.ఎత్తున ఉన్నది.  మరియు కిన్నౌర్ లో ఉన్న రాంపూర్ బుశాహ్ర్ నుండి 40 కి. మీ. దూరంలో ఉన్నది. ఈ అభయారణ్యం తూర్పున ఉన్న గ్రేట్ హిమాలయన్ పార్క్స్ ను మరియు ఉత్తరాన ఉన్న పిన్ వాలి నేషనల్ పార్క్ ను రక్షిస్తుంది. ఈ అభయారణ్యాన్నివరుసగా 28 తేది, 1982 మరియు 30వ తేది, 1982న గుర్తించారు. సాట్లుజ్ నది ఒడ్డున ఉన్న ఈ అభయారణ్యం అనేక జాతుల వృక్ష, జంతు జాలానికి పుట్టినిల్లు వంటిది. ఇక్కడ సెరో, నీలిరంగు గొర్రెలు, ఎర్ర నక్క, కస్తూరి జింక, గోరల్, ఐబెక్స్ చిరుత, మంచు చిరుత, బ్రౌన్ ఎలుగుబంటి, హిమాలయాల నల్ల ఎలుగుబంటి వంటి జంతువులు కనిపిస్తాయి. ఇక్కడ వృక్షాలు సమశీతోష్ణ పరిస్థితులలో కూడా శంఖాకారంలో ఉంటాయి.ఇంకా ఖర్సు ఓక్, ఆల్పైన్ పచ్చిక మరియు విస్తృతమైన ఆకులు శంఖాకారంగా ఉన్నాయి.

 కిన్నౌర్ కి సమీపంలో విమానాశ్రయం ఉన్న'షిమ్లా' నగరం ఉన్నది. ఇది 'కల్ప' నగరానికి సుమారు 249 కి. మీ. దూరంలో ఉన్నది. షిమ్లా విమానాశ్రయం ఇండియాలో ఉన్న ముఖ్యమైన నగరాలు, న్యూ డిల్లీ మరియు చండీగర్లకు అనుసంధించబడింది. కిన్నౌర్ కి దగ్గరగా ఉన్న షిమ్లా రైల్వే స్టేషన్ నగరానికి 230 కి. మీ. దూరంలో ఉన్నది. రాంపూర్ మరియు షిమ్లా నుండి కిన్నౌర్ కు రోజూ క్రమంగా బస్సులు అందుబాటులో ఉన్నాయి.

కిన్నౌర్ లో సంవత్సరమంతా సమశీతోష్ణమైన వాతావరణం ఉంటుంది. ఇక్కడ జూన్ నుండి సెప్టెంబర్ నెలల మధ్య వేసవి కాలం ఉంటుంది. ఇక్కడ శీతాకాలం అక్టోబర్ లో ప్రారంభమై మే వరకు ఉంటుంది. ఈ కాలంలో చలి విపరీతంగా ఉంటుంది. ఈ సమయంలో ఉష్ణోగ్రతలు జీరో లెవెల్ కన్నా తక్కువకు పడిపోతుంది. కిన్నౌర్ ను సందర్శించే యాత్రికులు మంచి వూలు దుస్తులను కూడా వెంట తెచ్చుకోవటం మంచిది.