మలానా ధారాళమైన మలానా నది ఒడ్డున, సముద్ర మట్టానికి 3029 మీటర్ల ఎత్తులో ఉంది. కులు లోయకి సమీపంలో ఉన్న మలానా, డియో తీబా మరియు చంద్రఖని శిఖరాల మంత్రముగ్దమైన దృశ్య వీక్షణ అందిస్తుంది.
మలానా లో జనాభా తక్కువగా ఉంటుంది. ఇక్కడ మాట్లాడే స్థానిక భాష “కానాషి”, సంస్కృతం మరియు టిబెటన్ మాండలికాల మిశ్రమం. నగర జీవిత ఇంద్రజాలంచే తాకబడకపోవటం చేత, మలానాలో స్థానికుల జీవనశైలి చాలా సరళంగా ఉంటుంది.
ఇక్కడి ప్రధాన దైవం జాముల రిషి దేవత యొక్క 11 ప్రతినిధులచే గ్రామ పరిపాలన నిర్వహించబడుతుంది. ఈ ప్రతినిధులు, దేవత పేరు మీదుగా నిర్ణయాలు తీసుకుంటారు. వారి ఆదేశాలకు ఆక్షేపన ఎదురవదు.
మలానా , నిర్మలమైన వాతావరణం మరియు సంపన్న సంస్కృతికి ప్రసిద్ధి చెందింది. “మలానా - పోయిన విలక్షణత: ఒక హిమాలయ గ్రామ ప్రపంచీకరణ” మొదలగు అనేక లఘుచిత్రాలు మలానా పై చిత్రీకరించారు. ఈ ప్రాంతపు స్థానికులు, తమ సంప్రదాయాలను తూచా తప్పకుండా అనుసరించడం, ఇక్కడి అతి ముఖ్యమైన లక్షణం. స్థానికుల నమ్మకం ప్రకారం, మలానా గ్రామాన్ని మాసేడాన్ యొక్క అలెగ్జాండర్ III సైన్యం లోని సైనికులు స్థాపించారు. మలానాలో నివశించేవారు ఆర్యుల వారసులని నమ్ముతారు.
“మలానా జల విద్యుత్తు స్టేషన్” అని పిలువబడే ఒక ఆనకట్ట ప్రాజెక్టు, గ్రామ అభివృద్ధిలో ముఖ్య పాత్ర పోషించింది. యాత్రికులు మలానాకు చేరువలో ఉన్న మహదేవ్ ఆలయం సందర్శించవచ్చు. స్థానికుల సంస్కృతి మరియు వారు అనుసరించే ఆచారాలను గ్రహించడానికి, వారితో సంభాషించటమే ఉత్తమ మార్గం. మలానా లో, ప్రయాణికులకు ట్రెక్కింగ్ మరియు అలాంటి ఇతర చర్యలు అందుబాటులో ఉంటాయి. గ్రామస్తుల వస్తువులను తాకరాదని సూచిస్తారు. అది అపరాధముగా పరిగణించబడుతుంది.
మలానా సమీపంలోని విమానాశ్రయం 25 కి.మీ.ల దూరంలో ఉన్న కులులో ఉంది. కులు విమానాశ్రయం, నేరుగా పఠాన్ కోట్,కొత్త ఢిల్లీ, చండీఘర్, ధర్మశాల మరియు సిమ్లా వంటి ప్రధాన నగరాల యొక్క విమానాశ్రయాలతో అనుసంధానించబడింది. అంతర్జాతీయ ప్రయాణికులు నేరుగా కొత్త ఢిల్లీ విమానాశ్రయం నుండి కులు కి విమానాల ద్వారా చేరుకోవచ్చు. జోగిందర్ నగర్ రైల్వే స్టేషన్ మలానా కు సమీపంలోని రైల్వే స్టేషన్. అది చండీగఢ్ రైల్వేస్టేషన్ ద్వారా ప్రముఖ నగరాలతో కలపబడింది. అనేక ప్రైవేట్ మరియు ప్రభుత్వ బస్సులు, కులు నించి మలానా కి నిత్యం నడపబడుతున్నాయి.