బెట్టద బిర్యానీ దొరికేది ఇక్కడే?

బిర్యానీ అంటే ఎవరికి ఇష్టముండదు చెప్పండి. ముఖ్యంగా నాన్ వెజ్ ప్రియులు అయితే వారానికి ఒక్కసారైనా బిర్యానీ రుచి చూడాల్సిందే. మీరు ఇప్పటికే అనేక రకాలైన బిర్యానీలు తిని ఉంటారు. ఆ కోవలోకే వచ్చే బెట్టద బిర్యానీ తిన్నారా? ఈ బిర్యానీకి సంబంధించిన వివరాలన్నీ మీ కోసం... P.C: You Tubeబెంగళూరులో వివిధ రకాలైన బిర్యానీలు మీరు ఇప్పటికే రుచి చూసి ఉంటారు. అయితే బెంగళూరుకు దగ్గర్లోని నందిహిల్స్ వద్ద ఉన్న బెట్టద బిర్యానీ గురించి మీకు తెలుసా? ఈ బిర్యానీ పేరు ఒక విచిత్రంగా అని పిస్తోంది కదూ. P.C: You Tubeనందిహిల్స్ బెంగళూరుకు దగ్గర్లో ఉన్న ఒక ప్రముఖ పర్యాటక కేంద్రం. చాలా మంది ఇక్కడ సూర్యోదయం, సూర్యాస్తమయాలను చూడటానికి వస్తుంటారు. బెంగళూరు వాసులకు నందిహిల్స్ ఒకరకమైన వీకెండ్ ప్లేస్ అని చెప్పవచ్చు. P.C: You Tubeఇక వీకెండ్ సమయంలో నందిహిల్స్ కు ఫ్రెండ్స్ జతలో వెల్లడం చాలా మజాగా ఉంటుంది. అలాంటివారికి ఇక్కడ దొరికే బెట్టద బిర్యానీ రుచి చూపించాలనే ఈ కథనం. ఈ బిర్యానీ రుచి తిని తెలుసుకోవాల్సిందే కాని చెప్పడం అంత తేలిక కాదు. P.C: You Tubeఈ బెట్టద బిర్యానీ నందిహిల్స్ కు వెళ్లే దారి మధ్యలో మౌంట్ పలాజో హోటల్ ఎదురుగా ఉంది. మీరు గూగుల్ మ్యాప్ లో బెట్టద బిర్యానీ అని టైప్ చేస్తే అందుకు సంబంధించిన దారి మీకు గూగుల్ చూపిస్తుంది. P.C: You Tubeఈ బిర్యానీ మీకు ప్రతి రోజూ దొరకదు. కేవలం ఆదివారం మాత్రమే ఈ బిర్యానీ మీకు దొరుకుతుంది. మిగిలిన సమయంలో మాత్రం మీకు కేవలం వెజ్ మీల్స్ మాత్రమే దొరుకుతుంది. P.C: You Tubeఇంజనీరింగ్ చదివిన కొంతమంది యువకులు ఈ బెట్టద బిర్యానీ హోటల్ ను ఏర్పాటు చేశారు. మీరు ఇక్కడ సూర్యోదయాన్ని అయినా మిస్ చేసుకోండికాని బిర్యానీని మాత్రం మిస్ చేసుకోకండి అని రాసిఉంటుంది. P.C: You Tubeఅందులోనూ ఈ బిర్యానీ రోజు మొత్తం దొరకదు. కేవలం ఆదివారం ఉదయం 6 గంటల నుంచి మధ్యాహ్నం 12 గంటల వరకూ మాత్రమే ఈ బిర్యానీ మీకు దొరుకుతుంది. మీకు ఈ బిర్యానీ రుచి చూడాలంటే ఆ సమయం మధ్యలోనే వెళ్లాల్సి ఉంటుంది. P.C: You Tubeఈ బెట్టద బిర్యానీ ధర కేవలం రూ.80 మాత్రమే. రుచి కూడా చాలా బాగుంటుంది. అందుకే చాలా మంది ఈ బెట్టద బిర్యానీ తినడానికే ఇటీవల నందిహిల్స్ కు వస్తున్నారు. ఈ సారి నందిహిల్స్ కు వెళ్లే సమయంలో ఈ బెట్టద బిర్యానీ తినడం మాత్రం మరిచిపోకండి.