భారత దేశంలో ఏక శిలా నంది విగ్రహాలు చూశారా

లేపాక్షి

P.C: You Tube

ఆంధ్రప్రదేశ్ లోని లేపాక్షిలో నంది విగ్రహం భారత దేశంలోని పెద్ద నంది విగ్రహాల్లో మొదటి స్థానంలో నిలుస్తుంది. దీని ఎత్తు 15 అడుగులు కాగా, వెడల్పు 27 అడుగులు.

బృహదీశ్వర దేవాలయం

P.C: You Tube
తమిళనాడులోని తంజావూరు పట్టణంలో యునెస్కో గుర్తింపుపొందిన బృహదీశ్వర ఆలయంలో అతి పెద్దదైన నంది విగ్రహం ఉంది. దీని ఎత్తు 13 అడుగులు కాగా, వెడల్పు 16 అడుగులు.

చాముండి బెట్ట

P.C: You Tube
మైసూరులోని చాముండి బెట్ట పై ప్రఖ్యాత నంది విగ్రహం ఉంది. ఈ విగ్రహం ఎత్తు కూడా 15 అడుగులు కాగా వెడల్పు 24 అడుగులు. క్రీస్తుశకం 1664లో రాజ ఒడయార్ కాలంలో ఈ నంది విగ్రహాన్ని స్థాపించారు.

బసవన గుడి

P.C: You Tube
ఐటీ నగరి బెంగళూరులో బసవన గుడిలో ప్రధాన దైవం నంది కావడం గమనార్హం. ఇక్కడ 15 అడుగుల ఎత్తైన నంది విగ్రహం ఉంది. 20 అండుగుల వెడల్పు కలిగిన ఈ విగ్రహం ఆకర్షణీయంగా ఉంటుంది. ప్రతి ఏడాది ఇక్కడ డిసెంబర్ లో జరిగే వేరుశెనగ పరుష చాలా ఉత్సాహంగా జరుగుతుంది.

హొయ్సలేశ్వర, శాంతలేశ్వర దేవాలయ

P.C: You Tube
సుమారు 11వ శతాబ్దంలో నిర్మించిన ఈ దేవాలయాల్లో రెండు పెద్ద నంది విగ్రహాలను చూడవచ్చు. గ్రానైట్ రాయితో ఏర్పాటు చేయబడిన ఈ నంది విగ్రహాలు పర్యాటకులను విశేషంగా ఆకర్షిస్తుంటాయి.

విరూపాక్ష దేవాలయం

P.C: You Tube
యునెస్కో చేత గుర్తింపు పొందిన మరో శైవదేవాలయం హంపిలోని విరూపాక్ష దేవాలయం. విజయ నగర సామ్రాజ్య వైభవానికి ఈ దేవాలయం చిహ్నం. ఇక్కడ మనం పెద్ద నంది విగ్రహాన్ని చూడవచ్చు.

నంది దేవస్థానం.

P.C: You Tube
మధ్యప్రదేశ్ లోని ఖజురహో దేవాలయాల సముదాయంలో ఈ నంది దేవాలయం ఉంది. శివుడు ప్రధాన దైవంగా పూజించే విశ్వనాథ దేవాలయానికి ఎదురుగానే ఈ ఈ నంది దేవాలయం ఉంటుంది. ఇక్కడ నంది చూడటానికి చాలా ఆకర్షనీయంగా కనిపిస్తుంది.