Click it and Unblock the Notifications
ఢిల్లీలోని ఈ మార్కెట్లలో అన్నీ చౌకగా లభిస్తాయి..!
ఆగస్ట్ నెల రాగానే పండుగల సీజన్ కూడా మొదలవుతుంది. హరియాలీ తీజ్, రక్షా బంధన్ వంటి పండుగలు కూడా ఈ నెలలో జరుపుకుంటారు. హరియాలీ తీజ్ గురించి మాట్లాడినట్లయితే, ఆగస్టు 19, 2023న ఈ పండుగను జరుపుకుంటారు. ఈ పండుగ మహిళలకు చాలా ముఖ్యమైనది. ఈ రోజున వారు శివుడు, పార్వతిని ఆకుపచ్చ చీర లేదా సూట్ ధరించి పూజిస్తారు. ఈ పండుగల సమయంలో తప్పనిసరిగా అందరూ షాపింగ్ గురించే ఆలోచిస్తూ ఉంటారు. కాబట్టి చీర-సూట్లు, నగలు, పాదరక్షల కోసం చౌకైన మార్కెట్ల కోసం వెదుకుతుంటారు. అయితే, ఢీల్లీలోని ఈ మార్కెట్లలో అత్యంత చౌకైన ధరలకే అన్నీ వస్తువులు లభిస్తాయి. రండి వాటి గురించి తెలుసుకుందాం.
చాందినీ చౌక్
చాందినీ చౌక్ మార్కెట్ ఎక్కువగా సాంప్రదాయ దుస్తులకు ప్రసిద్ధి చెందింది. ఇక్కడ చీర-సూట్ల నుండి నగలు మరియు మంచి పాదరక్షలను చాలా చౌక ధరలకు కొనుగోలు చేయవచ్చు. వాస్తవానికి ఇక్కడ 1,560 దుకాణాలు ఉన్నాయి. ఈ బజార్ 40 గజాల వెడల్పు మరియు 1,520 గజాల పొడవు ఉంది. అంతేకాదు, ఇక్కడ సరసమైన ధరలకే బల్క్లో వస్తువులు దొరకుతాయి. దీనిని 17 వ శతాబ్దంలో భారతదేశ మొఘల్ చక్రవర్తి షాజహాన్ నిర్మించారు.
మీనా బజార్
మీనా బజార్ భారతదేశంలోనే కాకుండా ప్రపంచంలోని పురాతన ఫంక్షనల్ మార్కెట్లలో ఒకటిగా ప్రసిద్ధి చెందింది. ఆభరణాలు, సంప్రదాయ మట్టిపాత్రలు, కళాఖండాలు లేదా తివాచీలు మరియు ఇంటి అలంకరణకు కావల్సిన అన్నీ వస్తువులు ఇక్కడ లభిస్తాయి. ఈ బజార్ వాస్తవానికి ఢిల్లీ గేట్ ఉండేది. తరువాత దీనిని జామా మసీదు సమీపానికి మార్చబడింది. మీనా బజార్ షాపింగ్ పరంగా కూడా చాలా చౌకగా ఉంటుంది. ఇక్కడ చీర-సూట్లు మాత్రమే కాకుండా అనేక ఇండో-వెస్ట్రన్ దుస్తులను కూడా అతి తక్కువ ధరలకే కొనుగోలు చేయొచ్చు. చీరలు కూడా చాలా వెరైటీలలో ఇక్కడ అందుబాటులో ఉంటాయి. ఈ హరియాలీ తీజ్ చీరల కోసం ఈ ప్రదేశాలను ఎంచుకోవచ్చు.
సదర్ బజార్
సదర్ బజార్ దుస్తులు, ఉపకరణాలు, పాదరక్షలు, బ్యాగులు, ఎలక్ట్రానిక్ వస్తువులు, సుగంధ ద్రవ్యాలు మరియు మరిన్నింటిని కొనుగోలు చేయడానికి అతిపెద్ద హోల్సేల్ మార్కెట్ప్లేస్. సదర్ బజార్లోని స్వదేశీ మార్కెట్ కృత్రిమ ఆభరణాలు, బొమ్మలు, బహుమతుల వస్తువులు, గృహ ప్లాస్టిక్లకు ప్రసిద్ధి చెందింది. వివిధ వస్తువుల దుకాణాలను కలిగి ఉంది ఈ ప్రాంతం. హోల్సేల్ వస్తువులను కొనుగోలు చేయడానికి సదర్ బజార్ అనువైన ప్రదేశం. ఇక్కడ మ్యాచింగ్ బ్యాంగిల్స్, నగలు కూడా ఉంటాయి. అంతే కాకుండా, ఇక్కడ బూట్లు, చెప్పులు కూడా అతితక్కువ ధరలకే లభిస్తాయి.
లజపత్ నగర్ మార్కెట్
చాందినీ చౌక్ తర్వాత షాపింగ్ విషయానికి వస్తే ముందుగా గుర్తొచ్చేది లజపత్ నగర్ మార్కెట్. ఇక్కడ కొన్ని కొత్త ఇండోవెస్ట్రన్ చీరలను మాత్రమే కాకుండా అనేక వస్తువులను అతి తక్కువ ధరలకే కొనుగోలు చేయొచ్చు. ఆభరణాలు కూడా ఇక్కడ సరసమైన ధరలకే లభిస్తాయి.
కరోల్ బాగ్ మార్కెట్
ఉత్తమ బ్రాండెడ్ చీరల కోసం ఢీల్లీలోని కరోల్ బాగ్ మార్కెట్ ఉత్తమమైన ప్రదేశం. అమ్మాయిలు, మహిళల జాబితాలో ఈ మార్కెట్ ఎప్పుడూ అగ్రస్థానంలోనే ఉంటుంది. ఇక్కడ చవకైన పాదరక్షల నుండి నగల వరకు ప్రతి ఒక్కటి ప్రత్యేక ధరలకే అందుబాటులో ఉంటాయి. అంతేకాకుండా, చీరలు, సూట్ల కోసం అనేక దుకాణాలు కూడా ఇక్కడ ఉన్నాయి. ప్రత్యేకంగా ఇక్కడ హరియాలీ తీజ్ కోసం షాపింగ్ చేయొచ్చు.
