Search
  • Follow NativePlanet
Share
» »ప్రకృతి పులకరించే ప్రదేశం : గణపతి పూలే

ప్రకృతి పులకరించే ప్రదేశం : గణపతి పూలే

భారతదేశ కరేబియన్ ద్వీపం గా పేరుగాంచిన గణపతి పూలే ను పర్యాటకులు తప్పనిసరిగా సందర్శించాలి. సముద్రతీరానికి ప్రత్యేక అందాన్నిచ్చే పర్వతాలతో కూడిన ప్రకృతి రమణీయ ప్రాంతం గణపతిపూలే. సముద్రపు అలలు పర్వత పాదాలను తాకే అపురూప దృశ్యాలు ఇక్కడ కొత్త అందాలను సృష్టిస్తాయి. అలలు తాకిడి వల్ల ఇక్కడి సముద్రపు తీరాలు పసిడి, ధవళ కాంతులీనుతాయి.

ఇది కొంకణ్ తీరాన గల మనోహరమైన ఓడరేవు. ఈ ప్రాంతం ముంబైకు 375 కిలోమీటర్ల దూరంలో రత్నగిరి జిల్లాలో ఉంది. మహారాష్ట్ర లోని ఈ చిన్న గ్రామం వేగంగా జరుగుతున్న ఆధునిక నాగరికరణకు దూరంగా తన సహజసిద్ధమైన రమణీయతతో ఆహ్లాదకరంగా ఉంటుంది.

గణపతిపులే లోని స్వయంభు గణపతి దేవాలయం

గణపతిపులే లోని స్వయంభు గణపతి దేవాలయం

గణపతిపులే లోని స్వయంభు గణపతి దేవాలయం ఈ చిన్ని గ్రామానికి గొప్ప ఆకర్షణ. 400 ఏళ్ళ నాటిదని చెప్పబడే ఇక్కడి గణపతి విగ్రహాన్ని ఏకశిల నుండి చెక్కారు. గౌరీ నందనుడైన గణపతి పేరునే ఈ ఊరికి గణపతిపూలే అని పేరు వచ్చింది. దేశంలోని అష్ట గణపతుల దేవాలయాల్లో గణపతిపూలే ఒకటి.

Kprateek88

 గణపతిపూలేను పశ్చిమ ద్వార దేవతగా పిలుస్తారు

గణపతిపూలేను పశ్చిమ ద్వార దేవతగా పిలుస్తారు

గణపతిపూలేను పశ్చిమ ద్వార దేవతగా పిలుస్తారు. ప్రతి ఏడాది వేలాదిమంది యాత్రికులు గణపతి ఆశిస్సుల కోసం ఇక్కడకు వస్తారు.గణపతిని దర్శించుకోవటానికి వచ్చే భక్తులు ఆయన వెలసిన కొండ చుట్టూ ప్రదక్షిణ చేసి వస్తారు. గణపతిపూలే ప్రకృతి అందాలతో శోభిల్లుతుంది. గణపతి దేవుని పశ్చిమ ద్వారదేవత అంటారు. గణపతిపులే గ్రామంలో ప్రజలు తమ క్షేమానికి కారణం ఈ దేవుని అనుగ్రహమేనని నమ్ముతారు.

AmitUdeshi

 పచ్చదనంతో కూడిన అడవులు, సముద్ర తీరం, చరిత్ర అన్నీ ఒకేచోట

పచ్చదనంతో కూడిన అడవులు, సముద్ర తీరం, చరిత్ర అన్నీ ఒకేచోట

పచ్చదనంతో కూడిన అడవులు ఇక్కడ ఉన్నాయి. గణపతిపూలేలో మామిడి, వక్క, అరటి, కొబ్బరి వంటి వనాలు ఉన్నాయి. పశ్చిమ తీరం వెంట ఇటువంటి వనాలు ఎక్కువగా ఉంటాయి. గణపతిపులే లోని తీరప్రాంతాలు స్వచ్చమైన నీటితో బాటు అపరిమితమైన వృక్ష సంపదను కల్గిఉన్నాయి. ఈ తీరప్రాంతం వెంబడి గల కొబ్బరి చెట్లు అనేక పొదలు దూరం నుండి ఎంతో రమ్యంగా కనబడతాయి. ఈ ప్రాంతానికే చెందిన మరో రెండు ప్రదేశాలు రాయగడ్ కోట, రాయగడ్ లైట్ హౌస్ చూడడం మరవకండి.

Attarde

గణపతి పూలే బీచ్

గణపతి పూలే బీచ్

గణపతి పూలే బీచ్ లో వెండి లాంటి తెల్లటి ఇసుక ధగధగ మెరుస్తూ ఉంటుంది. తీరం వెంబడి మామిడి, జీడిపప్పు వృక్షాలు వరుసగా కనపడతాయి. సాయంత్రం పూట బీచ్ వద్దకు వెళ్లి, సేదతీరుతూ మరాఠా రుచులను తిని చూడండి. వీలుంటే ఒంటె సవారీ కూడా ప్రయత్నించండి.

Yogendra Joshi

ఇతర ఆకర్షణలు

ఇతర ఆకర్షణలు

మాల్గుండ్

గణపతి పూలే కు కిలోమీటరు దూరంలో ఉండే మాల్గుండ్ గ్రామం, ద్వీపకల్పపు కోన భాగాన గల సిద్ధ బురుజ్ లోని జైగడ్ లైట్ హౌస్, 35 కిలోమీటర్ల దూరంలో గల జైగడ్ కోట, 38 కిలోమీటర్ల దూరంలోని వెల్నేశ్వర్ చూడదగ్గవి.మరాఠీ కవి కేశవ్ సూత్ జన్మించిన ప్రాంతం ఇది. కేశవ్ సూత్ సేవలను గుర్తించుకునే విధంగా కేశవ్ సూత్ స్మారక్ అనే మందిరాన్ని నిర్మించారు.

Pradeep717

పావస్

పావస్

ప్రకృతి రమణీయతకు నెలవైన ప్రాంతం పావస్. ప్రముఖ ఆథ్యాత్మిక వేత్త స్వామి స్వరూపానంద్ ఇక్కడే జన్మించారు.

Kprateek88

రత్నగిరి

రత్నగిరి

పశ్చిమ కోస్తా తీరంలో అందమైన ప్రాంతంతో పాటుగా జిల్లా కేంద్రం రత్నగిరి. ప్రముఖ స్వాత్రంత్య సమరయోధుడు బాల గంగాధర్ తిలక్ జన్మస్థలం ఇదే. ఆయన సేవలను గుర్తుపెట్టుకునే విధంగా తిలక్ స్మారక్‌ను ఇక్కడ ఏర్పాటుచేశారు. ఆంగ్లేయులకు వ్యతిరేకంగా తిలక్ స్వదేశీ ఉద్యమాన్ని నడిపించారు. సమీపంలో రత్నదుర్గ్ కోట కూడా ఉంది.

ఆహారపు అలవాట్లు

ఆహారపు అలవాట్లు

ఇక్కడి రుచులు ఎండు మామిడి అప్పడం అంబాపోలి, పనస అప్పడం ఫనస్పోలి తినడం మరవకండి . ప్రసిద్ధి చెందిన ఇంకో వంటకం కోకంకడి. మీరు వేసవిలో గణపతిపులే వెళ్తే ప్రపంచ ప్రఖ్యాతి గాంచిన దేవగడ్ హపస్ మామిడి తినడం మరవొద్దు. గణపతి దేవునికి ఇష్టమైన రుచికరమైన తీపి వంటకం కుడుములు తినకుండా మీరు ఇక్కడినుండి రాలేరు.

Attarde

గణపతిపులే అరేబియన్ సముద్రానికి దగ్గరగా ఉండటంవల్ల

గణపతిపులే అరేబియన్ సముద్రానికి దగ్గరగా ఉండటంవల్ల

గణపతిపులే గ్రామ ప్రజలు గొప్ప గణపతి భక్తులు. అతిధులను చాలా మర్యాదగా చూస్తారు. ఇక్కడ మరాఠీ ఎక్కువగా వాడినా యాత్రికులు తరచూ సందర్శించే ప్రాంతమైనందున ఇంగ్లీష్, హిందీ కూడ మాట్లాడతారు. గణపతిపులే అరేబియన్ సముద్రానికి దగ్గరగా ఉండటంవల్ల ఇక్కడి వాతావరణం చాలా అధ్భుతంగా ఉంటుంది. వేసవి కాలం కొంత వేడిగా ఉండటం వల్ల సాధారణంగా యాత్రికులు ఈ కాలంలో రారు.

Yogendra Joshi

బీచ్ మరియు రిసార్ట్ వ్యూ

బీచ్ మరియు రిసార్ట్ వ్యూ

మీరు ఈ ప్రాంతాన్ని చూడాలనుకుంటే మాత్రం ఇక్కడి మనోహర మైన వాతావరణాన్ని ఆస్వాది౦చడానికి ఒక జత ఈత దుస్తులు తెచ్చుకోండి. కానీ వర్షాకాలంలో రోడ్డు ప్రయాణం ఈ స్వర్గంలో మైమరపించే మరువలేని మధురానుభూతిని కల్గిస్తూ సందర్శనకు అనువుగా ఉంటుంది.

పుష్కలంగా కురిసే వర్షాల వల్ల ఈ ప్రాంతం అధివాస్తవిక అందాలతో రమణీయంగా ఉంటుంది. వర్షాలంటే ఇష్టం లేనివారు శీతాకాలంలో ఈ పవిత్ర ప్రదేశాన్ని దర్శించవచ్చు. మొదటిసారి ఇక్కడికి వచ్చే వారికి గణపతిపులే రావడం చాలా సులువు.

Pradeep717

గణపతిపూలే ఎలా చేరుకోవాలి ?

గణపతిపూలే ఎలా చేరుకోవాలి ?

వాయు మార్గం : 25 km ల దూరంలో రత్నగిరి విమానాశ్రయం, 327 km ల దూరంలో ముంబై అంతర్జాతీయ విమానాశ్రయం కలదు.

రైలు మార్గం : రత్నగిరి సమీప రైల్వే స్టేషన్. పూణే, ముంబై నుండి ప్రతి రోజూ ఇక్కడికి రైళ్లు వస్తుంటాయి.

రోడ్డు మార్గం : ముంబై, గోవా, పూణే, కొల్హాపూర్, రత్నగిరి మోడైన ప్రాంతాల నుండి గణపతి పూలే కు ప్రభుత్వ/ ప్రవేట్ బస్సులు నడుస్తాయి

పర్యాటకానికి సంబంధించిన వివరాలు తెలుసుకోండి
పర్యాటక చిట్కాలు, పర్యాటకానికి సంబంధించిన కథాలు తక్షణం పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more