అందాన్ని పెంచుకోవడం కోసం ఈ జలపాతంలో తడుస్తుంటారు

హున్నమే జలపాతం

P.C: You Tube

కర్నాటకలోని చిక్కమగళూరు జిల్లాలో హున్నమే జలపాతం ఉంది. ఈ అందమైన జలపాతం ప్రముఖ పర్యాటక కేంద్రమైన కెమ్మనగుడి నుంచి సుమారు 25 కిలోమీటర్ల దూరంలో ఉంటుంది. అదే విధంగా ప్రముఖ ధార్మిక క్షేత్రం బాబా బుడేన్‌గిరిలోని దత్తాత్రేయ పీఠం నుంచి సుమారు ఒక కిలోమీటరు దూరంలో ఈ జలపాతం ఉంది.

హున్నమే జలపాతం

P.C: You Tube

దట్టమైన అటవీ ప్రాంతంలో ఉన్న ఈ జలపాతం గురించి కర్నాటకవాసులకు కొంత తెలిసినా భారతదేశ వ్యాప్తంగా అంతగా ప్రాచూర్యం చెందలేదు. ఈ జలపాతంలో నీరు దాదాపు 30 అడుగుల పై నుంచి కిందికి దుముకుతాయి.

హున్నమే జలపాతం

P.C: You Tube

ఈ జలపాతాన్ని మాణిక్యధార జలపాతం అని కూడా పిలుస్తారు. ఈ జలపంలో నీరు ఎక్కవ వేగంగా కాకుండా చాలా నిదానంగా కిందికి దుముకుతాయి. ఇటువంటి జలపాతాలు చాలా అరుదుగా కనిపిస్తాయి. అందువల్లేఈ జలపాతానికి మాణిక్యధార అని పిలుస్తారు.

హున్నమే జలపాతం

P.C: You Tube

ఈ జలపాతం ఇప్పటి వరకూ ఒక్కసారి కూడా ఎండిపోలేదు. మండు వేసవిలో కూడా ఈ జలపాతంలో నీరు కిందికి దుముకుతూనే ఉంటాయి. అందుకే ఏడాది మొత్తం ఈ జలపాతాన్ని సందర్శించడానికి పర్యాటకులు వస్తూనే ఉంటారు.

హున్నమే జలపాతం

P.C: You Tube

అంతేకాకుండా ఈ జలపాతంలోకి వచ్చే నీరు ఔషద గుణాలున్న మొక్కల పై నుంచి వస్తుందని చెబుతారు. అందువల్లే ఈ నీటిలో స్నానం చేయడం వల్ల అందం రెట్టింపవుతుందని స్థానికులు చెబుతూ ఉంటారు.

హున్నమే జలపాతం

P.C: You Tube

అక్టోబర్ నుంచి ఏప్రిల్ వరకూ ఈ జలపాతాన్ని చూడటానికి ఎక్కువ మంది వస్తుంటారు. అప్పుడు ఈ జలపాతంలో నీరు ఎక్కువగా ఉండటమే కారణం. దీనివల్ల ఈ జలపాతం మరింత అందంగా కనిపిస్తుంది. ఇక ఫొటోగ్రఫీ అంటే ఇష్టమున్నవారికి ఈ ప్రాంతం స్వర్గధామం.

హున్నమే జలపాతం

P.C: You Tube

బెంగళూరు నుంచి చిక్కమగళూరుకు నిత్యం కేఎస్ఆర్టీసీలు అందుబాటులో ఉంటాయి. అక్కడి నుంచి ఈ జలపాతానికి సులభంగా చేరుకోవచ్చు. కెమ్మనగుడి ప్రముఖ పర్యాటక కేంద్రం ఇక్కడి నుంచి కూడా ఈ జలపాతానికి చేరుకోవడానికి నిత్యం బస్సులు, ఆటోలు అందుబాటులో ఉంటాయి.

హున్నమే జలపాతం

P.C: You Tube

ఈ జలపాతానికి దగ్గర్లో బీరూరు రైల్వే స్టేషన్ ఉంది. బీరూరు నుంచి ఈ జలపాతాన్ని చేరుకోవడానికి ట్యాక్సీలు అందుబాటులో ఉంటాయి. బెంగళూరు లేదా మంగళూరు విమానాశ్రయానికి చేరుకొని అక్కడి నుంచి ఈ జలపాతాన్ని చేరుకోచ్చు.