మీరేమైనా ఈ ఆకారాలకు సరైనా పేరు పెట్టగలరేమో ప్రయత్నించండి? ఆల్ ది బెస్ట్

తాబేలు ఆకారం

P.C: You Tube

ఈ తాబేలు ఆకారం శిల మనకు రాజస్థాన్ లోని మౌంట్ అబు పర్వత శిఖరం వద్ద నక్కీ సరస్సు వద్ద మనకు కనిపిస్తుంది. అరావళి పర్వత ప్రాంతాల్లో భాగమైన ఈ తాబేలు ఆకారం శిలతోపాటు ఒంటే, నంది, సన్యాసిని ఆకారం వంటి శిలలు కూడా ఈ దారిలో కనిపిస్తాయి.

గిల్బర్ట్ హిల్

P.C: You Tube

65 మిలియన్ సంవత్సరాలకు పూర్వం ఏర్పడిన ఈ ఏక శిల ముంబైలో ఉంది. అగ్ని పర్వతం బద్దలు కావడం వల్ల ఇది ఏర్పడిందని చెబుతారు. ఇటువంటి శిలలు ప్రపంచంలో రెండేచోట్ల ఉన్నాయి. అందులో ఒకటి అమెరికాలోని వయోమింగ్ లో ఉంది.

యానా రాక్స్

P.C: You Tube

కర్నాటకలోని పశ్చిమ కనుమల్లోని యానా గ్రామంలో మనకు యానా రాక్స్ ఉన్నాయి. వీటిని భైరవేశ్వర శిఖరం, మోహిని శిఖరం అని స్థానికంగా పిలుస్తారు. ఇవి వరుసగా 120 మీటర్లు, 90 మీటర్ల ఎత్తు ఉంటాయి. ఇవి సాలిడ్ బ్లాక్, క్రిస్టలైన్ లైమ్ స్టోన్ శిలల కలయిక వల్ల ఏర్పడ్డాయి.

మార్బల్ రాక్స్

P.C: You Tube

మార్బల్ రాక్ జబల్ పూర్ వద్ద ఉన్నాయి. 3 కిలోమీటర్ల పొడవైన ఈ అందమైన శిలలు ప్రముఖ పర్యాటక కేంద్రంగా మన్నలను అందుకొన్నాయి. మధ్యప్రదేశ్ లోనే కాకుండా భారత దేశంలోనే ఇటువంటి శిలలు ఇక్కడ మాత్రమే చూడగలం.

సెయింట్ మేరీస్ ఐల్యాండ్

P.C: You Tube

కర్నాటకలోని ప్రముఖ పర్యాటక కేంద్రం ఉడిపికి దగ్గరగా 7 కిలోమీటర్ల దూరంలో సెయింట్ మేరీస్ ఐల్యాండ్ ఉంది. బ్లాస్ట్ రాక్స్, ఖనిజ రూపంలో స్థూపాకారంగా మనకు కనిపిస్తాయి. భారత దేశంలో ఇటువంటి శిలల రూపాన్ని మనం సెయింట్ మేరీస్ ఐల్యాండ్ లో తప్ప మరెక్కడా చూడలేము.

పిల్లార్ రాక్

P.C: You Tube

కొడైకొనాల్ పర్యాటకానికి వెళ్లిన ప్రతి ఒక్కరూ పిల్లార్ రాక్ ను చూడకుండా వెనక్కు తిరగరు. దాదాపు 400 అడుగుల ఎతైన మూడు పెద్ద శిలలు చూపరులను ఇట్టే ఆకట్టుకొంటాయి. ఈ శిలల చుట్టు పక్కల ఉన్న ప్రక`తి కూడా మనలను రారమ్మని ఆహ్వానిస్తూ ఉంటుంది.