హిట్ సినిమాల కేరాఫ్ పాంగోంగ్ లేక్ !!

పాంగోంగ్ సరస్సు

ఇది ఉప్పునీటి సరస్సు ఐనప్పటికీ, పాన్గోంగ్ పూర్తిగా శీతాకాలంలో ఘనీభవిస్తుంది. ఈ సరస్సులోని నీరు ఎక్కువ చవుడు కలిగి ఉండటం వలన ఈ నీరు వ్యవసాయానికి ఎక్కువ ఉపయోగపడదు.

చిత్రకృప : Alin Dev

పాంగోంగ్ సరస్సు

ఇందులో జలచరాలు కూడా ఎక్కువకాలం జీవించలేవు. కేవలం కొన్ని రకాల చెట్లు, పొదలు ఈ సరస్సు చుట్టూ ఉన్నాయి. అనేక రకాల వలస పక్షులు, వివిధ రకాల పక్షులు సంతాన ఉత్పత్తి కోసం ఈ సరస్సుకు వొస్తుంటాయి.

చిత్రకృప : Priyambada Nath

ఇంటర్నేషనల్ ప్రాధాన్యత

వేసవికాలంలో పొడుగు తల ఉన్న బాతులు, బ్రహ్మిని బాతులు ఈ ప్రాంతంలో చూడవొచ్చు. ఇంకా, అడవి పందికొక్కులు, కియాంగ్ లను చూడవొచ్చు.. ప్రత్యేకంగా దూరతీరాలనుండి వొచ్చే వలస పక్షుల కోసం ఏర్పాటు చేయబడింది. దీనికి ఇంటర్నేషనల్ ప్రాధాన్యత ఉన్నది.

చిత్రకృప : Silver Blue

3 ఇడియట్స్

ఇక్కడి ప్రకృతి దృశ్యాలను '3 ఇడియట్స్' మరియు 'ది ఫాల్' అనే సినిమాలలో తీసుకున్నారు. ఈ సినిమాల విజయం తరువాత ఈ ప్రదేశానికి ఇంకా ఎక్కువ ప్రాచుర్యం ప్రపంచమంతటా వొచ్చింది.

చిత్రకృప : _paVan_

విజిటింగ్ సమయం

ఈ ప్రాంతం వేసవిలో సమతలఉష్ణం మరియు శీతాకాలంలో అతి శీతలంగా ఉంటుంది. యాత్రికులు దీనిని వేసవికాలంలో సందర్శించవొచ్చు. మే నుండి సెప్టెంబర్ వరకు ఈ ప్రాంతంలో అత్యధిక మరియు అత్యల్ప ఉష్ణోగ్రతలు వరుసగా 40 డిగ్రీల సెంటిగ్రేడ్, 5 డిగ్రీ సెంటిగ్రేడ్ ఉంటాయి.

చిత్రకృప : Ashwin Kumar

గ్రీన్ వాలీ

పాన్గోంగ్ సరస్సు సముద్ర మట్టానికి 4350 మీ. ఎత్తున ఉన్నది. దీనినే పాన్గోంగ్ త్సో అని కూడా అంటారు. దీని పొడవు 134 కి.మీ. మరియు వెడల్పు 5 కి. మీ. యాత్రికులు దీనిని దర్శించటానికి వచ్చినప్పుడు దగ్గరలో ఉన్న గ్రీన్ వాలీ మరియు తిక్సీ విలేజ్ ను కూడా చూడవొచ్చు.

చిత్రకృప : varun suresh

జలపక్షులు

తిక్సీ విలేజ్ వెళ్ళే దారిలో పురాతన కాలం నాటి స్తూపాలను చాల చూడవొచ్చు. పక్షులను ప్రేమించేవారు ఈ సరస్సు దగ్గర వేచి వుంటే, పొడుగు తల కల పెద్ద బాతులు, సైబీరియన్ కొంగలు మరియు జలపక్షులు ఇలా అనేక రకాల విహంగ పక్షులను చూడవొచ్చు.

చిత్రకృప : Akankshasood1209

ఇన్నర్ లైన్ పర్మిట్

శీతాకాలంలో ఈ సరస్సు ఉప్పగా గడ్డ కడుతుంది. లెహ్ నుండి 5 గంటలు సమయం పడుతుంది, ఈ స్థలం చూడటానికి ఒక ఇన్నర్ లైన్ పర్మిట్ పొందుతేనే సాధ్యపడుతుంది ఎందుకంటే ఇది సైనో-ఇండియన్ లైన్ ఆఫ్ అక్యుచువల్ కంట్రోల్ క్రింద ఉన్నది.

చిత్రకృప : solarisgirl

పర్మిట్ ఎక్కడ తీసుకోవాలి ?

ఇండియన్ నేషనల్ అయితే, ప్రతి ఒక్కరు ప్రత్యేకంగా పర్మిట్ తీసుకోవాలి, వేరేవాళ్ళు అయితే, గ్రూప్ పర్మిట్ తీసుకోవాలి. ఒక్కో గ్రూప్ లో కనీసం ముగ్గురు ఉండాలి. వీరు తప్పనిసరిగా ఒక అధికార గైడ్ తో కలిసి ఉండాలి. ఈ పెర్మిట్ల కోసం లెహ్ టూరిస్ట్ ఆఫీసు కనీస చార్జ్ వసూల్ చేస్తున్నది. ఇక్కడ భద్రతా కారణాల వాళ్ళ ఈ సరస్సులో బోటింగ్ కు అనుమతి లేదు.

చిత్రకృప : solarisgirl

పాంగోంగ్ ఎలా వెళ్ళాలి ?

రోడ్డు మార్గం : పాంగోంగ్ సరస్సు చేరుకోవటానికి లడఖ్, లేహ్ నుండి బస్సు సౌకర్యాలు ఉన్నాయి.

రైల్ ద్వారా: జమ్మూ తావి రైల్వే స్టేషన్ పాన్గోంగ్ కు దగ్గరలో ఉన్నది. ఈ రైల్వే జంక్షన్ ఇండియాలోని , త్రివేండ్రం, న్యూ డిల్లి, చండీఘర్, శ్రీనగర్, గోవా,ముంబై వంటి అతి పెద్ద నగరాలకి జత చేయబడి ఉన్నది.

విమానం ద్వారా: పాన్గోంగ్ కు దగ్గరగా 218 కి. మీ. దూరంలో లెహ్ విమానాశ్రయం ఉన్నది. పర్యాటకులు లెహ్ ద్వారా న్యూ డిల్లీకి జత చేసిన విమానాలలో వెళ్లవొచ్చు. పాన్గోంగ్ నుండి టాక్సీస్, బస్సులు లెహ్ విమానాశ్రయానికి ఉన్నాయి.

చిత్రకృప : Satish Krishnamurthy