శని మహాత్మస్వామి ఆలయం, పావగడ, కర్ణాటక !

దేవతా విగ్రహాలు

అన్ని ఆలయాల వలె కాకుండా ఈ ఆలయం భిన్నంగా ఉంటుంది. అతిపెద్దగా ఉండి, వృత్తాకార ఆకారంలో ఉంటుంది. ఆలయంలోని ఒక పెద్ద మండపంపై శీతలాదేవి ఆలయం ఉన్నది. దాని చుట్టూ రంగురంగుల దేవతా విగ్రహాలు దర్శనమిస్తాయి.

చిత్రకృప : Gokul Venugopal

గణపతి విగ్రహం

ఆలయంలోనికి ప్రవేశించగానే ఎడమవైపు గణపతి విగ్రహం ఉంటుంది. ఈ విగ్రహాన్ని మొదట దర్శించాకే భక్తులు అమ్మవారిని, శనీశ్వరుణ్ణి మరియు ఇతర దేవతలను దర్శిస్తారు.

చిత్రకృప : Durgeshdubey

పిల్లలు లేనివారు

గణపతి దేవునికి కుడివైపున అశ్వర్థ చెట్టు మనకు దర్శనమిస్తుంది. అక్కడే అమ్మవారి మహాబీజాక్షర యంత్రం కనిపిస్తుంది. పిల్లలు లేనివారు అమ్మవారికి రంగురంగుల గాజులు సమర్పిస్తారు. శీతలాదేవిని పూజించిన భక్తులకు అష్టైశ్వర్యాలు, ఆయురారోగ్యాలు సిద్ధిస్తాయని నమ్మకం.

చిత్రకృప : Manjunath Reddy

శనీశ్వరుడు

అమ్మవారి ఆలయం వెనక శనీశ్వరుని ప్రత్యేక సన్నిధి కలదు. ఈ సన్నిధిలో నవగ్రహాల మధ్య కవచం ధరించి ఉన్న శనీశ్వరుణ్ణి గమనించవచ్చు. పూజలు, అభిషేకాలు, వ్రతాలు స్వామి వారికి జరిపిస్తారు.

చిత్రకృప : Kunguma Rajeshwari Subramanian‎

పూజలు

పెళ్లి కాలేనివారు, సంతానం లేని వారు, వ్యాపారంలో వృద్ధి చెందాలనుకొనేవారు ఈ స్వామిని కొలుస్తారు. పెళ్లి జరగటానికి మాంగళ్య పూజ, వ్యాపారంలో వృద్ధి చెందటానికి ప్రాకార పూజ జరిపిస్తారు.

చిత్రకృప : Sadasiv Swain

కళాత్మకంగా

పూజావిధానం కాస్త వైవిధ్యంగా ఉంటుంది. పూజకు కావలసిన అన్ని వస్తువులు ఇక్కడే లభిస్తాయి. ఎత్తైన గోపురాలు, శిల్పకళా తోరణాలు లేకున్నా ఆలయం కళాత్మకంగా, చూడముచ్చటగా ఉంటుంది.

చిత్రకృప : Hari Prasad Nadig

బస

రోజూ వేలాది మంది దర్శించుకునే ఈ పావగడ క్షేత్రంలో సరిపడా కాటేజీలు, సత్రాలు, హోటళ్లు, లాడ్జీలు ఉన్నాయి. భోజనానికి ఎటువంటి ఇబ్బంది ఉండదు. సౌత్ ఇండియన్ మీల్స్, టిఫిన్స్ అందుబాటు ధరల్లో లభిస్తాయి.

చిత్రకృప : Nagesh Kamath

మొక్కులు

కోరికలు నెరవేరిన వారు మరళా శీతలా దేవి, శనీశ్వరుడు ఆలయాన్ని వచ్చి ఆనందిస్తారు లేదా మొక్కులు తీర్చుకుంటారు. పావగడ పక్కనే కోట మీద పెద్ద కోట ఉన్నది. సమయం ఉంటె చూసిరండి.

చిత్రకృప : Nagarjun Kandukuru

ఎక్కడ ఉంది ?

బెంగళూరు నుండి 175 కిలోమీటర్ల దూరంలో, అనంతపురం నుండి 114 కిలోమీటర్ల దూరంలో, తుముకూరు నుండి 98 కిలోమీటర్ల దూరంలో, కళ్యాణ దుర్గం కు 60 కిలోమీటర్ల దూరంలో పావగడ కలదు. పావగడ కు సమీపాన 40 కి. మీ ల దూరంలో హిందూపూర్ రైల్వే స్టేషన్ కలదు. ఆంధ్రా సరిహద్దులో ఉన్నది కనుక తెలుగు భక్తులు కూడా అధికసంఖ్యలో వస్తుంటారు. స్వామి వారి ఆశీస్సులు తీసుకుంటారు.

చిత్రకృప : Arshad clickz