కాసర్గోడ్ - కేరళ 'కోనసీమ' !

కాసర్గోడ్ ఎలా చేరుకోవాలి ?

కాసర్గోడ్ చేరుకోవటానికి రైలు, రోడ్డు, విమాన మార్గాలు అందుబాటులో ఉన్నాయి.

విమాన మార్గం

కాసర్గోడ్ కు సమీపాన ఉన్న 50 కి. మీ. దూరంలో మంగళూరు విమానాశ్రయం కలదు. క్యాబ్ లేదా ప్రభుత్వ బస్సుల్లో ప్రయాణించి ఇక్కడికి చేరుకోవచ్చు.

చిత్ర కృప : rahulras1993

కాసర్గోడ్ ఎలా చేరుకోవాలి ?

రైలు మార్గం

ప్రకృతి దృశ్యాలతో నిండిన కాసర్గోడ్ ను చూడాలంటే రైలు ప్రయాణం ఉత్తమం. దీనికి సమీపాన అదూర్ రైల్వే స్టేషన్(25 కి.మీ దూరంలో) , ఎర్నకులం రైల్వే స్టేషన్ (125 కి. మీ దూరంలో) కలదు. ఈ రెండు రైల్వే స్టేషన్ లు దేశంలోని ప్రధాన నగరాలతో కలుపబడి ఉన్నది.

చిత్ర కృప : ARUNKUMAR P.R

కాసర్గోడ్ ఎలా చేరుకోవాలి ?

రోడ్డు మార్గం

కాసర్గోడ్ కు బస్సు ప్రయాణం చవకైనది. దారి పొడవునా ప్రకృతి అందాలను ఆస్వాదించవచ్చు. మంగళూరు, ఎర్నాకులం, బెకాల్, అదూర్ ప్రాంతాల నుండి తరచూ ప్రవేట్ / ప్రభుత్వ బస్సులు నడుస్తుంటాయి.

చిత్ర కృప : Shareef Taliparamba

కాసర్గోడ్ లో .. !

కాసర్గోడ్ లో కొండలు, నదులు, సముద్ర తీరాలు, బ్యాక్ వాటర్, ఆలయాలు, మసీదులు మరియు చర్చి లు చూడవచ్చు. వీటితో పాటు అభయారణ్యాలు సైతం సందర్శించదగినవే ..!

చిత్ర కృప : Christine Grabig

బెకాల్ కోట

కాసర్గోడ్ పట్టణానికి స్మారక చిహ్నం ' బెకాల్ కోట'. ఇది కాస ర్గో డ్ నుండి 15 కిలోమీటర్ల దూరంలో ఉంటుంది.

చిత్ర కృప : Renjith Sasidharan

అనంతపుర దేవాలయం

కాసర్గోడ్ నుండి అనంతపుర దేవాలయం 16 కిలోమీటర్ల దూరంలో ఉంటుంది. కేరళలో ఈ గుడి మాత్రమే సరస్సులు కలిగి ఉంటుంది. ఇది విష్ణువు కు అంకితం చేయబడ్డ పురాతన ఆలయం. దీనిని క్రీ.శ. 9 వ శతాబ్ధంలో నిర్మించినట్లు తెలుస్తుంది.

చిత్ర కృప : Mundane and the Potpourri

అనంతపుర దేవాలయం - ప్రత్యేకత

అనంతపుర దేవాలయానికి ఒక ప్రత్యేకత ఉన్నది. ఈ గుడి సరస్సులో ఒక మొసలి ఉంటుందని, ఆ మొసలి ఆలయాన్ని రక్షిస్తుందని చెబుతారు. ఒకవేళ ఆ మొసలి చనిపోతే దాని స్థానంలో మరొక మొసలి రహస్యంగా వచ్చి చేరుతుందని అంటుంటారు.

చిత్ర కృప : shrikant_kabir

త్రిక్కానాడ్ శివాలయం

కాసర్గోడ్ నుండి 6 కిలోమీటర్ల దూరంలో, అరేబియా సముద్ర తీరంలో త్రిక్కానాడ్ శివాలయం ఉన్నది. ఆలయ పరిసరాలు అందంగా ఉండి, భక్తులను రంజింపజేస్తాయి.

చిత్ర కృప : krishnadas kodakkad

మల్లికార్జున ఆలయం

కాసర్గోడ్ నుండి కేవలం ఒక కిలోమీటర్ దూరంలో మల్లికార్జున ఆలయం కలదు. ఇందులో శివ భగవానుడు కొలువై ఉంటాడు.

చిత్ర కృప : krishnadas kodakkad

మథుర్ గణపతి ఆలయం

కాసర్గోడ్ పట్టణం నుండి కేవలం 7 కిలోమీటర్ల దూరంలో మథుర్ గణపతి ఆలయం ఉన్నది. ఆలయ నిర్మాణ వైభోగం అద్భుతంగా ఉంటుంది.

చిత్ర కృప : STV

మాలిక్ దీనార్ మసీద్

కాసర్గోడ్ నుండి 3 కిలోమీటర్ల దూరంలో మాలిక్ దీనార్ మసీద్ కలదు. ఇండియా లో మొదట స్థాపించబడ్డ మసీద్ లలో ఇదొకటి. మహమ్మద్ ప్రవక్త జీవించి ఉన్నప్పుడే ఈ మసీద్ కు బీజం పడిందని కూడా చెబుతారు. మసీదును కేరళ శైలిలో నిర్మించారు.

చిత్ర కృప : Shareef Taliparamba

బేల్ చర్చి

బేల్ చర్చి ఒక క్యాథలిక్ చర్చి. కాస ర్గో డ్ పట్టణానికి 14 కిలోమీటర్ల దూరంలో ఉన్న చర్చి 'అవర్ లేడీ ఆఫ్ సరోవర్ చర్చ్' గా గుర్తించబడింది.

చిత్ర కృప : Joao Vicente

స్యాంక్చురీలు

ఇదివరకే చెప్పుకున్నట్లు, కాసర్గోడ్ ఒక జిల్లా. ఈ జిల్లా మొత్తం మీద 4 అభయారణ్యాలు ఉన్నాయి. అవి రాణిపురం అభయారణ్యం, మాలొమ్ అభయారణ్యం, అడోర్అభయారణ్యం, పరప్ప అభయారణ్యం మరియు కరీం అభయారణ్యం లుగా ఉన్నాయి.

చిత్ర కృప : Yadu Aralam

కులమతాలకు అతీతంగా ...

కాసర్గోడ్ లో ఆట్టహాసంగా జరిగే వేడుక తెయ్యం. ఆ సమయాన జానపద నృత్యాలు, సంప్రదాయ నృత్యాలు నిర్వహిస్తారు. కంబాల అనే ఎద్దు పందేలు మరియు కోళ్ల పందేలు ప్రత్యేకంగా జరుపుతారు. ఆ వేడుకలను చూడటానికి మతాలకతీతంగా ప్రజలు పాల్గొంటారు.

చిత్ర కృప : Prof. Mohamed Shareef