కర్నాటకలో కూడా వైష్ణోదేవి దేవాలయం ఉంది? మీరు చూశారా?

వైష్ణోదేవి దేవాలయం

P.C: You Tube

గుల్బర్గా దీనిని ప్రస్తుతం కలబుర్గీ అని అంటున్నారు. ఈ కలబుర్గి శివారులోని సయ్యద్ చించోళి దగ్గర ఉన్న రింగ్ రోడ్డులో వైష్ణోదేవి దేవాలయం ఉంది. ఇక్కడి అమ్మవారి విగ్రహంతో పాటు చుట్టు పక్కల ఉన్న పరిసరాలు అచ్చు జమ్ముకాశ్మీర్ లోని వైష్ణోదేవి ఆలయాన్ని పోలి ఉంటాయి.

వైష్ణోదేవి దేవాలయం

P.C: You Tube

ఈ దేవాలయం చూడటానికి చాలా అందంగా ఉంటుంది. అదేవిధంగా విభిన్న రీతిలో ఈ దేవాలయం నిర్మాణం కొనసాగింది. గబరాది రిలీజియస్ ట్రస్ట్ ఈ దేవాలయం నిర్మించింది.

వైష్ణోదేవి దేవాలయం

P.C: You Tube

జమ్ము కాశ్మీర్ లో ఉన్న వైష్ణోదేవి దేవాలయం సహజ సిద్ధంగా ఏర్పడిన ఒక గుహాలయం. చుట్టు మంచు పర్వతాల మధ్య ఓ గుహలో వైష్ణోదేవి విగ్రహం ఉంటుంది. అయితే ఇక్కడ ఉన్న దేవాలయం మానవ నిర్మితం.

వైష్ణోదేవి దేవాలయం

P.C: You Tube

గుల్బర్గాలోని వైష్ణోదేవి దేవాలయం ఎత్తు 108 అడుగులు. అంతేకాకుండా జమ్ముకాశ్మీర్ లో వైష్ణోదేవి గుహలోకి ఎలా వెలుతామో ఈ దేవాలయం లోకి వెలుతున్నప్పుడు కూడా అటువంటి అనుభూతే కలుగుతుంది.

వైష్ణోదేవి దేవాలయం

P.C: You Tube

జమ్ముకాశ్మీర్ కు వెళ్లి అక్కడి వైష్ణోదేవిని చూడటానికి వీలుకాని వారు ఎక్కువగా ఈ దేవాలయానికి వస్తుంటారు. ఇక్కడి వైష్ణోదేవిని సందర్శించి జమ్ములోని వైష్ణోదేవిని సందర్శించినట్లు భావిస్తుంటారు. సుమారు ఒక ఎకరా విస్తీర్ణంలో ఈ దేవాలయాన్ని నిర్మించారు.

వైష్ణోదేవి దేవాలయం

P.C: You Tube

సుమారు నాలుగేళ్లపాటు ఈ దేవాలయ నిర్మాణం కొనసాగింది. బీహార్, ఉత్తర ప్రదేశ్, గుజారాత్, మహారాష్ట్ర నుంచి ప్రత్యేక నిపుణులను పిలిపించి ఈ దేవాలయాన్ని నిర్మింపజేశారు.

వైష్ణోదేవి దేవాలయం

P.C: You Tube

ఈ దేవాలయ నిర్మాణం ఇప్పటికీ కొనసాగుతూనే ఉంది. అమర్నాథ్ గుహాలయాన్ని కూడా ఇక్కడ ఏర్పాటు చేసే ఆలోచన ఉన్నట్లు నిర్వాహకులు చెబుతున్నారు.

వైష్ణోదేవి దేవాలయం

P.C: You Tube

గుల్బర్గాలో నూతనంగా నిర్మించిన ఈ దేవాలయంలో కేవలం వైష్నోదేవి విగ్రహమే కాకుండా గణపతి, బాలాజీ, ఆంజనేయ, కాలభైరవ మహాకాళి విగ్రహాలు కూడా ఉన్నాయి.