ఈ తిరుపతిలో స్వామివారికి పాదరక్షలు దళిత పూజారులు సమర్పిస్తారు, అమావాస్య రోజు దర్శిస్తారు

కురుమూర్తి వేంకటేశ్వర స్వామి

P.C: You Tube

కురుమూర్తి వేంకటేశ్వర స్వామి దేవాలయం గద్వాల్ కు 32 కిలోమీటర్ల దూరంలో ఉంది. కురుమూర్తి కొండల పై అమ్మాపూర్ గ్రామంలోని కురుమూర్తి కొండల పై కురుమూర్తి వేంకటేశ్వర స్వామి వెలిశాడు.

కురుమూర్తి వేంకటేశ్వర స్వామి

P.C: You Tube

ఈ దేవాలయాన్ని క్రీస్తు శకం 1350 ఏడాదిలో అంటే దాదాపు 630 ఏళ్ల క్రితం దీనిని నిర్మించినట్లు చెబుతారు. మహబూబ్ నగర్ నుంచి కురుమూర్తి దేవాలయం కేవలం 50 కిలోమీటర్ల దూరంలో ఉంది.

కురుమూర్తి వేంకటేశ్వర స్వామి

P.C: You Tube

మహబూబ్ నగర్ నుంచి దేవరకద్ర, కౌకుంట్ల మీదుగా బస్సులో కురుమూర్తి చేరుకోవచ్చు. కురుమూర్తి నుంచి ఏడు కిలోమీటర్ల దూరంలోనే రైల్వేష్టేషన్ ఉంది.

కురుమూర్తి వేంకటేశ్వర స్వామి

P.C: You Tube

ఈ క్షేత్రానికి సంబంధించిన ఒక కథనం ప్రచారంలో ఉంది. శ్రీనివాసుడు తన వివాహం కోసం కుబేరుడి వద్ద అప్పు చేస్తాడు. ఆ అప్పు తీర్చలేక శ్రీనివాసుడు తీవ్రంగా మనస్తాపం చెంది తిరుపతి వదిలి వెళ్లిపోతాడు.

కురుమూర్తి వేంకటేశ్వర స్వామి

P.C: You Tube

అలా నడుస్తున్న శ్రీనివాసుడు కృష్ణమ్మ తీరం వెంబడి నడుస్తూ కురుమూర్తి ప్రాంతానికి చేరుకొంటాడు. అక్కడ నది ఒడ్డున కుర్చొని ఉండగా కృష్ణమ్మ ఆయన ఎదుట ప్రత్యక్షమవుతుంది.

కురుమూర్తి వేంకటేశ్వర స్వామి

P.C: You Tube

నడిచినడిచి అలిసిపోయిన వేంకటేశ్వరుడిని చూసి చాలా బాధ పడుతుంది. అంతేకాకుండా పాదల వంక చూసి కన్నీళ్లు కారుస్తుంది. ఇక పై కాళ్లు కందిపోకుండా పాదరక్షలను అందజేస్తుంది.

కురుమూర్తి వేంకటేశ్వర స్వామి

P.C: You Tube

ఆ దేవత చేసిన మేలుకు గుర్తుగా వేంకటేశ్వరుడు ఇక్క ప్రతి ఏడాది పాదుకలోత్సాహం జరిపిస్తానని చెబుతాడు. అప్పటి మాట ఇప్పటికీ కొనసాగుతూ ఉంది.

కురుమూర్తి వేంకటేశ్వర స్వామి

P.C: You Tube

అమ్మపూర్ సంస్థానాధీశుల ఇలవేల్పు అయిన కురుమూర్తి వేంకటేశ్వరుడికి ముక్కెర వంశస్తులైన రాజా సోంభూపాల్ 15వ శతాబ్దంలో బంగారు ఆభరణాలను సమర్పించారు.

కురుమూర్తి వేంకటేశ్వర స్వామి

P.C: You Tube

శంఖచక్రాలు, కిరీటం, మకర కుందనాలు, భుజకిరీటాలతో సహా వివిధ ఆభరణాలు ఈ స్వామి వారికి బహూకరించారు. నాటి నుంచి నేటి వరకూ ఆ ఆభరణాలను స్వామివారికి ఉత్సవాల సందర్భంగా అలంకరించడం అనవాయితీగా వస్తోంది.

కురుమూర్తి వేంకటేశ్వర స్వామి

P.C: You Tube

దీనిని రెండో తిరుపతి అనిచెప్పడానికి ఎన్నో కారణాలు చూపుతారు. కురుమూర్తి వేంకటేశ్వరుడికి తిరుపతి శ్రీనివాసుడికి ఎన్నో పోలికలు ఉన్నాయి. తిరుపతిలో వేంకటేశ్వరుడు ఏడు కొండల పై ఉన్నాడు.

కురుమూర్తి వేంకటేశ్వర స్వామి

P.C: You Tube

కురుమూర్తిలో కూడా ఏడు కొండల పైనే వేంకటేశ్వరుడు ఉన్నాడు. తిరుపతి క్షేత్రం ఆనందగిరిలో భాగం కాగా, కురమూర్తి కొండలు కూడా అందులో భాగమే. ఏ పురాతన ఆలయంలోనైనా విఘ్నేశ్వరుడి విగ్రహం ఉండటం ఆనవాయితి.

కురుమూర్తి వేంకటేశ్వర స్వామి

P.C: You Tube

అయితే తిరుమలలోని ప్రధాన ఆలయంలో వినాయకుడి విగ్రహం ఉండదు. అదే విధంగా కురుమూర్తి లో కూడా ఆ విఘ్నేశ్వరుడి విగ్రహం ఉండదు. కురుమూర్తిలో ఏడు కొండల పై శ్రీనివాసుడు దైవతాద్రి పై కొలువై ఉంటాడు.

కురుమూర్తి వేంకటేశ్వర స్వామి

P.C: You Tube

ఇక ఏడు కొండల పేర్లు వరుసగా దైవతాద్రి, పతగాద్రి, భల్లూకాద్రి, ఘనాద్రి, కోటగట్టు, ఏకాద్రి, శేతాద్రి. తిరుపతిలో స్వామివారు నిలుచున్న భంగిమలో కనిపిస్తే ఇక్కడ కూడా స్వామివారు నిలుచున్న బంగిమలోనే కనిపిస్తాడు.

కురుమూర్తి వేంకటేశ్వర స్వామి

P.C: You Tube

కురుమూర్తికి వెళ్లే సమయంలో మోకాళ్ల గుండు కనిపిస్తుంది. అటువంటి మోకాళ్ల గుండును మనం తిరుపతిలో కూడా చూడవచ్చు. కురుమూర్తిలో బ్రహ్మోత్సవాలు ప్రతి ఏటా నిర్వహిస్తారు.

కురుమూర్తి వేంకటేశ్వర స్వామి

P.C: You Tube

ఈ ఉత్సవాల్లో ఉద్దాల మహోత్సవం ప్రధానమైనది. ఉద్దాలు అంటే పాదుకలు అని అర్థం. ఈ పాదుకలను దళితులే తయారుచేస్తారు. ఇక ఉత్సవాల సందర్భంగా ఆ పాదుకలను ఊరేగిస్తారు.

కురుమూర్తి వేంకటేశ్వర స్వామి

P.C: You Tube

ఈ పాదుకలను తాకడానికి లక్షల సంఖ్యలో పోటీపడుతారు. అనంతరం ఆ పాదుకలతో తల పై కొట్టించుకొంటారు. దీని వల్ల పాపాలు పోతాయని చెబుతారు. అమావస్య రోజున ఈ పుణ్యక్షేత్రంలో దర్శనం చేసుకొంటే అతీత శక్తులు వస్తాయని నమ్ముతారు.