స్కాట్లాండ్ చర్చి గా కూడా పిలువబడే సెయింట్ ఆండ్రూ చర్చిని , ప్రొటెస్టంట్ క్రైస్తవులు 1903 ఏడాది లో బాలున్ వద్ద నిర్మించారు. చర్చి నిర్మించి 100 సంవత్సరాల పైన అయినప్పటికీ, మంచి స్థితిలో ఉండి, డల్హౌసీ యొక్క అత్యంత ప్రసిద్ధ దర్శనీయ ప్రదేశాలలో ఒకటి గా నిలిచింది. ఈ స్థలం నిర్వహణ బాధ్యత వహిస్తున్న చర్చి అధికార విభాగం, ఏ హాని కలగకుండా, నిర్మాణం చుట్టూ ప్రహరీ గోడ నిర్మించింది. చర్చి ప్రవేశ ద్వారం ఎల్లప్పుడూ మూసే ఉంటుంది, అయితే, ప్రధాన ప్రహరీ గోడ యొక్క కుడి మూల నుండి ప్రవేశించవచ్చు.
బ్రిటిష్ కళాత్మక ప్రాశస్త్యం చాటిచెప్పే ఈ ప్రదేశాన్ని చూడటానికి పర్యాటకులకు సుమారు ఒక గంట సమయం పడుతుంది. డల్హౌసీ యొక్క ప్రధాన బస్టాండు నుండి 1.5 కి.మీ. దూరంలో ఉన్న సెయింట్ ఆండ్రూ చర్చిని, బస్సులో చేరుకోవచ్చు. ఈ ప్రదేశం యొక్క అత్యద్భుతమైన అందాన్ని అనుభవిస్తూనే, సాహస ప్రేమికులు, చర్చి వరకు నడవవచ్చు. సెయింట్ జాన్ చర్చి, సెయింట్ పాట్రిక్స్ చర్చ్ మరియు సుభాష్ బోలి, సమీపంలోని ఆకర్షణలలో కొన్ని.