చైనా నుండి చైనీస్ ఫిషింగ్ నెట్స్ వాడకం ఉద్భవించింది. అందుకే వీటికి ఈ పేరు. జెంగ్ హి అనే చైనీస్ పర్యాటకుడు వీటిని కొచ్చిలో మొట్ట మొదటగా ప్రవేశపెట్టాడు. కొచ్చిన్ నౌకాశ్రయంలో 14 వ శతాబ్దం లో నుండి ఈ చైనీస్ నెట్స్ వాడకం లో ఉన్నాయి. వైపీన్ ద్వీపం మరియు ఫోర్ట్ కొచ్చి లోని బీచ్ ల లో ఈ చైనీస్ ఫిషింగ్ నెట్స్ ని వాడతారు.
ఇక్కడ ఉండే అన్ని చైనీస్ నెట్స్ లో ఉన్న ఏకైక పోలిక ఏంటంటే ఇవన్ని సగానికి పైగా గాలిలో ఉయల వలే వేలాడదీయబడి ఉంటాయి. వెదురు లేదా టేకు కలపలతో చేసిన స్థంబాలకు ఈ వలలు వేలాడదీయబడి ఉంటాయి. ఈ చేపల వల ని చీనావాలా అని స్థానిక భాషలో పిలుస్తారు. ఈ చైనీస్ నెట్స్ ద్వారా చేపలు పట్టే విధానం మాములుగా చేపలు పట్టే విధానం కంటే కొంచెం వైవిధ్యంగా ఉంటుంది.
ఈ ఫిషింగ్ నెట్స్ ని ఉపయోగించి చేపలు పట్టడానికి కనీసం ఆరుగురు వ్యక్తులు అవసరం. వీటితో చేపలు పట్టేందుకు సరదాగా పర్యాటకులు కూడా ఉత్సాహం కనపరుస్తారు. ఇలా ఈ చైనీస్ ఫిషింగ్ నెట్స్ కి ఆకర్షించబడి ఏంతో మంది పర్యాటకులు ఇక్కడికి తరలి వస్తారు.