మనాలి లో చేపట్టే సాహసోపేతమైన క్రీడా మౌంటైనీరింగ్. 5930 మీటర్ల ఎత్తులో ఉన్నహనుమాన్ టిబ్బా, 6001 మీటర్ల ఎత్తులో ఉన్న డియో టిబ్బాలు ఈ మౌంటైనీరింగ్ ను పర్యాటకులు ఆనందించే ప్రాంతాలలో ప్రసిద్ది చెందినవి. ఏప్రిల్ నుండి నవంబర్ వరకు మౌంటైనీరింగ్ ను చేపట్టేందుకు అనువైన సమయం. స్నో మౌంటైనీరింగ్ ను చేపట్టాలనుకునే పర్యాటకులు డిసెంబర్ నుండి మార్చ్ లోపల ఈ ప్రాంతాన్ని సందర్శించాలి.

మనాలి లో ఉన్న ది డైరెక్టోరేట్ ఆఫ్ మౌంటైనీరింగ్ అండ్ అల్లైడ్ స్పోర్ట్స్ వారు మౌంటైనీరింగ్ కొరకు ఎన్నో కోర్స్ లు నిర్వహిస్తుంటారు. ఈ క్రీడలలో పాల్గొనేందుకు కనీసం 17 సంవత్సరాల వయస్సు కలిగి ఉండాలి. పర్యాటకులు 26 రోజుల ఈ కోర్స్ లో మెళకువలు నేర్చుకోవచ్చు.