నల్దేరా, హిమాచల ప్రదేశ్ లో సముద్రమట్టానికి 2044 మీటర్ల ఎగువన ఉన్న సుందర దృశ్యాల పర్వత పట్టణం. ఈ పట్టణం పేరు రెండు పదాల కలయిక, నాగ్, దేరా, అంటే నాగరాజు నివాసం. నాగదేవతకు చెందిన మహునాగ్ ఆలయం, ఈ ప్రాంతంలోని ఒక ముఖ్య ధార్మిక ప్రదేశం.
చారిత్రిక ఆధారాల ననుసరించి, బ్రిటిష్ వైస్రాయ్ లార్డ్ కర్జన్ ఈ అందమైన పర్వత ప్రాంతాన్ని కనుగొన్నాడు. అతను పరిసరాలను చూసి ఆశ్చర్యపోయి, ఈ ప్రాంతంలో ఒక గోల్ఫ్ కోర్సు ను కట్టిద్దామని నిర్ణయించుకొన్నాడు. హిందీ, బెంగాలీ, గోర్ఖా, నేపాలీ, టిబెటన్ లతో బాటుగా ఈ ప్రాంతంలో బ్రిటిష్ వారి ప్రభావం కారణంగా ఇంగ్లీషు కూడా మాట్లాడతారు.
ఈ పర్వత ప్రాంతం గోల్ఫ్ కోర్సు కు ప్రసిద్ధి చెందింది, దీనిని భారత దేశ౦లోని వాటిల్లో పురాతన మైనదిగా, ఉత్తమమైనదిగా పరిగణిస్తారు. 18 -రంధ్రాల గోల్ఫ్ కోర్సుతో బాటుగా ఈ ప్రాంతం ఉత్సవాలకు ప్రసిద్ధి చెందింది. ప్రతి ఏటా జూన్ నెలలో జరిగే సిపి ఉత్సవం వీటిలో ఒకటి. మరొక ప్రసిద్ద ఉత్సవం ‘ జోట్టన్ కా మేల’, ఎద్దు పోరాటాలకు కూడా ప్రసిద్ధి చెందిన ఈ ఉత్సవం ప్రతి ఏటా అక్టోబర్లో జరుగుతుంది. చబ్బ, తట్టపని, శైలి పీక్, మహాకాళి ఆలయం, కోగి మాత ఆలయం నల్దేరా లోని ఇతర ప్రధాన ఆకర్షణలు.
నల్దేరా, ప్రధాన రవాణా సౌకర్యాల ద్వారా దేశంలోని ఇతర ప్రాంతాలకు చక్కటి అనుసంధానాన్ని కల్గి ఉంది. ఇక్కడకు దగ్గరగా ఉన్న జుబ్బర్ హట్టి విమానాశ్రయం ఢిల్లీ, ముంబై వంటి ప్రాంతాలను కలుపుతుంది. ఢిల్లీ ఇందిరాగాంధీ అంతర్జాతీయ విమానాశ్రయం (ఐ జి ఐ) ఈ పర్వత ప్రాంతానికి దగ్గరగా ఉంది.
ఈ ప్రాంతానికి కల్క రైలు స్టేషన్ 19 కిలోమీటర్ల దూరంతో అతి దగ్గరగా ఉంది. ఇది ముంబై, న్యూ ఢిల్లీ వంటి నగరాలకు చక్కటి అనుసంధానాన్ని కల్గిఉంది. పర్యాటకులకు నల్దేరాకు సిమ్లా , మషోబ్ర నుండి కూడా బస్సులు అందుబాటులో ఉంటాయి.
ఈ అందమైన పర్వత ప్రాంతానికి మార్చ్ నుండి జూన్ నెలల మధ్య, సెప్టెంబర్ నుండి నవంబర్ నెలల మధ్య సందర్శనకు వెళ్ళ వచ్చు.