హంపి, తాజ్ మహల్ వద్ద హాట్ ఎయిర్ బెలూన్స్ లో వెళ్లారా

పుష్కర్

P.C: You Tube

రాజస్థాన్ లో ఏడాదికి ఒకసారి జరిగే పుష్కర్ మేళకు ప్రపంచం నలుమూలల నుంచి పర్యాటకులు వస్తారు. ముఖ్యంగా ఇక్కడ జరిగే ఒంటే సంత ఆసియాలోనే అతి పెద్దదని చెబుతారు. ఆ సమయంలో రోజుకు
రెండు సార్లు హాట్ ఎయిర్ బెలూన్ రైడ్స్ ను అందుబాటులోకి తీసుకువస్తారు.

రెండు సార్లు

P.C: You Tube

తెల్లవారుజాము 5 గంటలకు ఒకసారి, అదే విధంగా సాయంత్రం 4.30 గంటలకు ఒకసారి హాట్ ఎయిర్ బెలూన్ రైడ్స్ అందుబాటులో ఉంటుంది. ఆకాశంలో అంతెత్తు నుంచి కింద చీమల మాదిరిగా కనిపించే ఒంటెలను, మనుష్యులను చూడటం థ్రిలింగ్ గా అనిపిస్తుంది.

జైపూర్

P.C: You Tube

పింక్ సిటీగా పేరొందిన జైపూర్ లో కూడా హాట్ ఎయిర్ బెలూన్ ను అందుబాటులోకి తీసుకువచ్చారు. రాజసాన్ని ఒలికించే భవనాలు, ఆహ్లాదకరమైన సరస్సుల మీద హాట్ ఎయిర్ బెలున్స్ లో వెళ్లాలనుకొంటే జైపూర్ కు మించిన ప్రాంతం మరొక్కటి లేదు.

రూ.6 వేలు నుంచి రూ.12 వేలు

P.C: You Tube

ఇక్కడ ఒక్కక్క రైడ్ కు సమయం, దూరాన్ని అనుసరించి రూ.6 వేల నుంచి రూ.12 వేలు వరకూ ఛార్జ్ చేస్తారు. ఒక్కసారి రైడ్ వెళ్లివస్తే ఆ జ్జాపకాలు జీవితం మొత్తం వెన్నాడుతూ ఉంటాయనడంలో సందేహం లేదు.

ఆగ్రా

P.C: You Tube

ప్రేమికులకు తమ నెచ్చెలికి బహుమతి ఇవ్వాలంటే వెంటనే గుర్తుకు వచ్చేది తాజ్ మహల్ ప్రతిమలే. అంతగా ప్రేమతో ఆ తాజ్ మహల్ కు విడదీయరాని బంధం ఏర్పడింది. అందుకే ప్రపంచంలో ఎక్కువ మంది పర్యాటకులను ఆకర్షించే ప్రాంతాల్లో తాజ్ మహల్ కూడా ఒకటి.

హాట్ ఎయిర్ బెలూన్

P.C: You Tube

ఈ ప్రేమచిహ్నమైన ఆగ్రాలోని తాజ్ మహల్ దగ్గర రంగురంగుల హాట్ బెలూన్ ఎక్కి షికారు చేస్తూ ఉండాలని ఎవరికి ఉండదు చెప్పండి. అందుకు ఆగ్రా వెళ్లిన వారిలో కనీసం 40 శాతం మంది హాట్ ఎయిర్ బెలూన్ లో ప్రయాణించాలని ఉవ్విళ్లూరుతూ ఉంటారు.

మనాలి

P.C: You Tube

హనీమూన్ కు మనాలీకి విడదీయరాని బంధం ఉంది. భారత దేశంలో ఎక్కువ మంది దంపతులు తమ హనీమూన్ ట్రిప్ కోసం ఈ మనాలినే ఎంచుకొంటారు. ఇప్పుడు ఈ మనాలి సాహస యాత్రలకు కూడా కేరాఫ్ గా మారుతూ ఉంది.

మంచు పర్వతాల పై

P.C: You Tube

చుట్టూ తెల్లని మంచుపర్వతాలు, వాటి వద్ద ఎతైన పచ్చని చెట్లు పైన ఆకాశంలో ఎగుతూ ఆ అందాలన చూసే సదుపాయం మనకు స్థానిక పర్యాటక శాఖ కల్పిస్తోంది. ఒక్క రైడ్ హాట్ ఎయిర్ బెలూన్ తీసుకొంటే చాలు జీవితాంతం గుర్తుండిపోయే ఆనందాలను మనాలిలో సొంతం చేసుకొని ఇంటికి రావచ్చు.

హంపి

P.C: You Tube

కేవలం ఉత్తర భారత దేశంలోనే ఈ హాట్ ఎయిర్ బెలూన్ సదుపాయం అందుబాటులో ఉందనుకోవడం తప్పు. దక్షిణ భారత దేశంలోని అందులోనూ పశ్చిమకనుమలు విస్తారంగా ఉన్న హంపి వద్ద కూడా హాట్ ఎయిర్ బెలూన్ సదుపాయాన్ని అందుబాటులోకి తీసుకువచ్చారు.

ఉత్సవాల సమయంలో

P.C: You Tube

అయితే హంపి ఉత్సవాలు నిర్వహించే సమయంలో ఈ సదుపాయం వినియోగించుకోవడానికి వీలవుతుంది. ఒక్కొక్క రైడ్ కు రూ.8 వేల నుంచి రూ.12 వరకూ ఛార్జ్ చేస్తారు. అయినా చాలా మంది ఔత్సాహికులు ఈ క్షేత్రంలో అందులో ప్రయాణించడానికి ఉత్సుకత చూపిస్తారు.