Click it and Unblock the Notifications
మేవార్ తాజ్మహల్ను ఎప్పుడైనా చూసారా?
రాజస్థాన్లో అనేక చారిత్రక కట్టడాలు ఉన్నాయి. అవి వాటి గొప్ప ప్యాలెస్లకు ప్రసిద్ధి చెందాయి, మరికొన్ని వాటి పురాతన కథలకు ప్రసిద్ధి చెందాయి. అందం పరంగా రాజస్థాన్కు ఖచ్చితంగా సాటి ఉండదు. ఈ జాబితాలో జోధ్పూర్ నగరం ఉంది. దీనిని బ్లూ సిటీ అని కూడా పిలుస్తారు. నిజానికి ఈ ప్రదేశం దాని పాలరాతి స్మారకానికి ప్రసిద్ధి చెందింది. తాజ్ మహల్కు సమానమైన ప్రసిద్ధ స్మారక చిహ్నం కూడా రాజస్థాన్లోనే ఉంది. రాజస్థాన్ నగరంలో జస్వంత్ థాడా అనే స్మారక చిహ్నం ఉంది. దీనిని రాజస్థాన్ తాజ్ మహల్ అని కూడా పిలుస్తారు. దీని ఆకృతి దూరం నుండి మొఘల్ శైలి అనుభూతిని కలిగిస్తుంది. అలాగే ఇది తెల్లని పాలరాయితో తయారు చేయబడింది. దీనిని మేవార్ తాజ్ మహల్ అని కూడా అంటారు. ఈ ప్రాంతం సరస్సులు, పచ్చని చెట్లతో చుట్టుముట్టబడి ఉంటుంది. ఈ ప్రదేశం జోధ్పూర్ సందర్శించే పర్యాటకులను ఎంతగానో ఆకట్టుకుంటుంది. మేవార్ తాజ్ మహల్ గురించిన విషయాలు ఇప్పుడు తెలుసుకుందాం.
మేవార్ తాజ్ మహల్ అని ఎందుకు అంటారు
జస్వంత్ థాడాను మేవార్ తాజ్ మహల్ అని పిలుస్తారు. ఎందుకంటే దాని నిర్మాణంలో స్వచ్ఛమైన పాలరాయిని ఉపయోగించారు. అయితే ఆగ్రాలోని తాజ్మహల్తో పోల్చినట్లయితే, రాజస్థాన్లోని రాజమహల్, ఆగ్రాలోని తాజ్మహల్కు కంటే పూర్తి భిన్నంగా ఉంటుంది. జస్వంత్ థాడాలో చిన్న గోపురాలను కూడా చూడొచ్చు. ఈ పేరును మహారాజా జశ్వంత్ సింగ్ II పెట్టారు. 1899లో ఆయన కుమారుడు మహారాజా సదర్ సింగ్ ఈ స్మారక కట్టడాన్ని నిర్మించారు. ఆ సమయంలో దాని ఖర్చు దాదాపు 2 లక్షల 84 వేల వరకు ఉంటుంది. ఈ స్మారక చిహ్నం లోపల మేవార్ కాలం నాటి రాజుల చిత్రాలు కనిపిస్తాయి. ఈ స్మారక చిహ్నంలో తెల్లని పాలరాయిని మాత్రమే ఉపయోగించారు. కానీ ఈ మహాల్లో ఎరుపు రంగు మార్బుల్స్ను కూడా ప్రత్యేకంగా చూడొచ్చు. ఇవి ఈ స్మారక చిహ్నానికి భిన్నమైన రూపాన్ని ఇస్తాయి.
అద్భుత నిర్మాణాలు..
ఈ స్మారక చిహ్నం నిర్మాణం అద్భుతమైనది. ఇక్కడి మనోహరమైన శిల్పాలు పర్యాటకులను ఎంతగానో ఆకర్షిస్తున్నాయి. ఈ నిర్మాణ సమీపంలో ఒక అందమైన సరస్సు ఉంది. అక్కడి సరస్సు అందాలు కూడా వీక్షించొచ్చు. ఈ స్మారక చిహ్నంలో చరిత్రకు సంబంధించిన అనేక కథలు ఉన్నాయి. కాంప్లెక్స్లో పెద్ద లాన్ ఉంది. ఇక్కడ కాసేపు కూర్చుని అందమైన, అద్భుత నిర్మాణాన్ని చూడొచ్చు. స్మారక చిహ్నం సమీపంలో ఒక శ్మశానవాటిక కూడా ఉంది. ఇక్కడ రాజ కుటుంబ సభ్యులను దహనం చేసారని అక్కడి వారు చెబుతున్నారు. ఇక్కడ కాలిన చెక్క అవశేషాలను కూడా చూడొచ్చు.
ఎలా చేరుకోవాలి
జోధ్పూర్ రాజస్థాన్లోని ఒక పెద్ద నగరం. ఇక్కడకు మూడు రవాణా మార్గాల ద్వారా సులభంగా చేరుకోవచ్చు. ఇక్కడికి సమీప విమానాశ్రయం జోధ్పూర్ విమానాశ్రయం. విమానాశ్రయం నుండి ఆటోలు, క్యాబ్లు అందుబాటులో కలవు. రైలు మార్గం ద్వారా అయితే సమీప రైల్వేస్టేషన్ జోధ్పూర్ రైల్వే స్టేషన్. అక్కడినుండి ఆటోలు, బస్సులు నిత్యం అందుబాటులో ఉంటాయి. రోడ్డు మార్గం ద్వారా కూడా ఈ ప్రాంతాన్ని చేరుకోవచ్చు.
