Search
  • Follow NativePlanet
Share
» »శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

By Venkatakarunasri

మైలదుత్తురై టౌన్ లో ఉన్న మయూరనాథ స్వామి ఆలయం పేరు మీద దీనికి ఆ పేరు వచ్చినట్లు స్థానిక కధనం ద్వారా తెలుస్తోంది. ఇక్కడి ప్రధాన దైవం శివుడు (మయూరనాథర్). పార్వతీదేవి 'మయూర' రూపంలో శివుడిని ఇక్కడ పూజించింది. కావేరి నది ఒడ్డున ఉన్న ఈ పట్టణంలో, ఈ ప్రదేశాన్ని ఒక తీర్థయాత్ర స్థలంగా మార్చిన అనేక దేవాలయాలు ఉన్నాయి. వాటిలో మయూరనాథర్ దేవాలయం ప్రధానమైనది. ఇక్కడి మరిన్ని దేవాలయాలు, యాత్రా స్థలాలు ఒకసారి గమనిస్తే ... ! మైలదుత్తురై తమిళనాడు రాష్ట్రంలోని నాగపట్టినం జిల్లాలో కలదు. మైలదుత్తురై అంటే తమిళ సాహిత్యం ప్రకారం "నెమలి పట్టణం' అని అర్థం. మెయిల్ అంటే నెమలి, ఆడుం అంటే నాట్యంచేయటం, త్తురై అంటే ప్రదేశం అనే మూడు పదాల కలయికే ఈ ప్రదేశం. కుంభకోణం, చిదంబరం పట్టణాలకు ఈ టౌన్ సమీపంలో కలదు.

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

సూర్యనార్ కోవిల్

సూర్యనార్ కోయిల్, మైలదుత్తురై కు పశ్చిమాన 20 కి. మీ ల దూరంలో ఉన్నది. ఇక్కడ సూర్యభగవానుడు ప్రధాన దైవం. ఇందులో ఆయన భార్యలు ఛాయ, సువర్చల ప్రతిమలను చూడవచ్చు. దీని చుట్టూ మరికొన్ని ఆలయాలు కూడా ఉన్నాయి.

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

తింగలూర్

తింగలూర్, మైలదుత్తురై కి 40 కి.మీ ల దూరంలో కలదు. ఇక్కడి ప్రధాన దైవం చంద్రుడు. ఆయన ఇక్కడి వచ్చే భక్తులకు మానసిక వ్యాధులు, బాధలు మరియు ఒత్తిడులను నయం చేస్తాడని చెబుతారు. తింగలూరు - చంద్రునిచే దీవించబడినది !

చిత్రకృప : Rsmn

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

వైదీశ్వరన్ కోయిల్

మైలదుత్తురై కు 12 కిలోమీటర్ల దూరంలో ఉన్న వైదీశ్వరన్ కోయిల్, రావణుడు చేతిలో హతుడైన జటాయువు మోక్షం పొందిన పవిత్ర స్ధలం. అయన దహనసంస్కరం చేసిన ప్రదేశాన్ని ప్రస్తుతం 'జటాయుకుండం' అని పిలుస్తారు. ఈ ఆలయంలో నాడి పట్టుకొని జ్యోతిష్యం చెబుతారు.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

తిరువెంకాడు

తిరువెంకాడు, మైలదుత్తురై టౌన్ కు 24 కి. మీ ల దూరంలో కలదు. ఇక్కడ శివభగవానుడి మందిరం కలదు. కాశి వలే ఇక్కడ కూడా అనేక ఘాట్లు ఉన్నాయి. విద్యార్థులు మంచి ఫలితాలు రావాలని, జీవితంలో ఉన్నత శిఖరాలను అధిరోహించాలని ఈ ఆలయానికి వస్తుంటారు.

చిత్రకృప : Rsmn

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

అలంగుడి

మైలదుత్తురై కు 40 కిలోమీటర్ల దూరంలో గురుగ్రహానికి అంకితం చేయబడిన 'అలంగుడి' క్షేత్రం ఉన్నది. ఇక్కడ అన్ని గుళ్ళలో మాదిరి విగ్రహం లేకుండా, దేవుని బొమ్మను గోడపై చెక్కారు. అలంగుడి - గురుగ్రహానికి అంకితం చేసిన ఊరు !

చిత్రకృప : Rasnaboy

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

సురియనార్ కోయిల్

మైలదుత్తురై కు 20 కి.మీ ల దూరంలో కుంజనూర్ వద్ద సురియనార్ కోయిల్ ఉన్నది. ఇది శుక్రగ్రహానికి అంకితం చేయబడినది. ఈయనను పూజిస్తే ... సిరిసంపదలు కలుగుతాయని భక్తుల విశ్వాసం.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

తిరునల్లార్

మైలదుత్తురై కు 40 కి.మీ ల దూరంలో తిరునల్లార్ కలదు. ఇది శనిగ్రహానికి అంకితం చేయబడిన ఊరు. ఇక్కడి పవిత్ర నలతీర్థం లో మునక వేస్తే పాపాల నుండి విముక్తి లేదా శని ప్రభావం వెలన పడే ఇబ్బందుల నుండి ఉపశమనం లభిస్తుందని భక్తులు నమ్ముతారు.

చిత్రకృప : VasuVR

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

తిరునగేశ్వరం

మైలదుత్తురై కు 30 కి.మీ ల దూరంలో తిరునగేశ్వరం (కుంభకోణం దగ్గరంలో) కలదు. ఇక్కడ శివుడు కు చెందిన ఒక ఆలయం ఉన్నది. ప్రతిరోజు రాహుకాలంలో రాహుదేవునికి జరిగే క్షీరాభిషేకం తప్పక చూడాలి. రాహువు భార్యలతో కనబడే కొన్ని దేవాలయాలలో ఇది ఒకటి.

చిత్రకృప : Rsmn

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

కీళ్ పెరుమ్పళ్ళం

కీళ్ పెరుమ్పళ్ళం, తిరువెంకాడు కు సమీపాన ఉన్నది. ఇక్కడ కేతుదేవుని ఆలయం ఉన్నది. వనగిరి గా కూడా పిలువబడే ఈ ఆలయంలో కేతువు తన పాపాలకు ప్రాయశ్చిత్తంగా శివుడిని పూజించాడని విశ్వశిస్తారు.

చిత్రకృప : Prasannavathani.D

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

గంగైకొండ చోళపురం

మైలదుత్తురై లో ఇవే కాక మరికొన్ని ఆలయాలు కూడా ఉన్నాయి. వాటిలో చెప్పుకోదగ్గది గైంగైకొండ చోళపురం. ఇది మైలదుత్తురై టౌన్ కు 40 కి. మీ ల దూరంలో కలదు. 250 ఏళ్ళ పాటు చోళుల రాజధానిగా సేవలందించింది. రాజేంద్రచోళుడు నిర్మించిన శివాలయం అత్యద్భుతం ... అజరామరం. గంగైకొండ చోళపురం మరిన్ని విశేషాలు !

చిత్రకృప : KARTY JazZ

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

మయూరనాథర్ స్వామి దేవాలయం

ఈ దేవాలయం మైలదుత్తురై లో ప్రధానమైనది. శాపం కారణంగా ఆడ నెమలి అవతారమెత్తిన పార్వతీదేవి, నిత్యం ఈ ప్రాంగణంలోనే శివుడిని పూజించేదని పురాణ గాథ. చోళులు కాలంలో నిర్మించిన ఈ ఆలయంలో ప్రతిఏటా మయూర నృత్యం నిర్వహిస్తారు.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

దక్షిణామూర్తి గుడి

ఈ గుడి లో ప్రధాన దైవం శివుడు. ప్రతి దక్షిణామూర్తి దేవాలయంలో సాధారణంగా శివుని విగ్రహం తూర్పు వైపు తిరిగి ఉంటుంది. కానీ, ఇక్కడ శివుని విగ్రహం దక్షిణం వైపు ముఖం చేసి ఉంటుంది. ఈ గుడి దక్షిణ భారతదేశంలో ప్రసిద్ధి చెందినది.

చిత్రకృప : Ravichandar84

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

పునుగీశ్వరార్ టెంపుల్

మైలదుత్తురై కు అతి సమీపంలో ఉన్న కూరైనాడు లో పునుగీశ్వరార్ టెంపుల్ ఉన్నది. ఇందులో శివుడు, ఆయన భార్య శాంత నాయకి ఉన్నారు. ఇక్కడ మోక్షం పొందిన పూనుకు సిద్ధార్ పేరిట ఈ దేవాలయానికి ఆ పేరొచ్చింది. కాంచీపురానికి, కూరైనాడు కి దగ్గరిపోలికలు ఉన్నాయి.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

శ్రీ అయ్యరప్పాన్ దేవాలయం

గంగైకొండ మాదిరే ఇది కూడా పురావస్తు ప్రాధాన్యం కలది. గుడిలో ప్రధాన దైవం ధర్మసంవర్ధిని, అనగా ధర్మాన్ని రక్షించేది అని అర్థం. ఈ దేవాలయంలో కులోత్తుంగ చోళ రాజుల శిలాశాశనాలు, చిత్రాలు కనపడతాయి.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

కురుకైశివన్

మైలదుత్తురై లో మరో దేవాలయం కురుకై శివన్. ఇక్కడ శివుడు మూడో కన్ను తెరిచి కనిపిస్తాడు. మన్మధున్ని శివుడు మూడో కన్ను తెరిచి భస్మం చేసే సన్నివేశం ఇక్కడే జరిగిందని భక్తులు విశ్వశిస్తారు.

చిత్రకృప : Amol.Gaitonde

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

శ్రీ పరిమళ రంగనాథస్వామి దేవాలయం

ఈ దేవాలయం కావేరి నది ఒడ్డున కలదు. ఈ క్షేత్రాన్ని అల్వార్లు లేదా విష్ణు భక్తులు తరచూ దర్శిస్తుంటారు. దేవాలయంలో 12 అడుగుల విష్ణు విగ్రహం మరియు అమ్మవారి విగ్రహం (పరిమళ రంగనాయకి) ప్రతిష్టించారు. అమ్మవారు చంద్రుడు కి శాపవిముక్తి ఇక్కడే గావించిందని, అందుకే చంద్ర శాప విమోచనవల్లి అన్ని అని పిలుస్తారని పురాణగాధ.

చిత్రకృప : Krishna Kumar Subramanian

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

శ్రీ వదాన్యేశ్వర్ టెంపుల్

ఈ దేవాలయం కూడా కావేరి నది ఒడ్డున కలదు. ఇక్కడి శివాలయానికి ఒక కథ ఉంది. అదేమిటంటే, శివుడిని మోస్తున్నది తనేననే అహంకారం నందికి వస్తుంది. ఈ విషయాన్నీ గ్రహించిన శివుడు తన జటాజుటాల్లో ఒకదానిని బరువెక్కించి నంది మోయలేకుండా చేయాలని తద్వారా అతనికి సౌశీల్యం నేర్పాలని శివుడు భావిస్తాడు. ఇక్కడి విగ్రహం నంది మీద యోగ ముద్రలో ఎక్కి కూర్చున్న శ్రీమేధా దక్షిణామూర్తి గా దర్శనం ఇస్తుంది.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

శ్రీ కాశి విశ్వనాథస్వామి దేవాలయం

శ్రీ కాశి విశ్వనాథస్వామి ఆలయం కావేరి నది ఒడ్డున తులా ఘాట్ వద్ద ఉన్నది. ఇక్కడ కాశి వలే అనేక ఘాట్లు ఉన్నాయి. ఈ క్షేత్రాన్ని దక్షిణ కాశి అనే పేరుతో కూడా పిలుస్తారు. విశ్వనాథస్వామి అంటే విశ్వాన్ని పాలించేవాడని అర్థం. అంటే శివునికి అన్ని శక్తి సామర్త్యాలు ఉన్నాయని అర్థం వస్తుంది.

చిత్రకృప : Ssriram mt

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

తులా ఉత్సవం

తులా ఉత్సవం ఏటా నెలరోజులపాటు జరుగుతుంది. ఇది సాధారణంగా అక్టోబర్ - నవంబర్ నెలల మధ్యలో వస్తుంది. ఉత్తరాన కుంభమేళా ఎలాగో, దక్షిణాన కావేరి నది ఒడ్డున జరిగే తులా ఉత్సవం అలాగన్నమాట. ఆ సమయంలో భక్తుల పాపాలను స్వీకరించటానికి గంగా, యమునా, సరస్వతి నదులు ఇక్కడకు వస్తాయని భక్తులు నమ్ముతారు.

చిత్రకృప : Arian Zwegers

శివుడు మూడో కన్ను తెరిచిన ప్రదేశం !

శివుడు మూడో కన్ను తెరిచిన ప్రదేశం !

మైలదుత్తురై

విమాన మార్గం : 271 కిలోమీటర్ల దూరంలో ఉన్న చెన్నై సమీప విమానాశ్రయం. క్యాబ్ లేదా టాక్సీ లలో ప్రయాణించి మైలదుత్తురై చేరుకోవచ్చు.

రైలు మార్గం : మైలదుత్తురై లో రైల్వే స్టేషన్ కలదు. ఇక్కడికి భువనేశ్వర్, మైసూర్, తిరుపతి, చెన్నై, తిరువనంతపురం తదితర ప్రాంతాల నుండి తరచూ రైళ్లు వస్తుంటాయి.

బస్సు మార్గం : చెన్నై, చిదంబరం, తంజావూరు, కుంభకోణం, తిరుచిరాపల్లి నుండి ప్రతిరోజూ మరియు బెంగళూరు, త్రివేండ్రం, మైసూర్ నుండి కూడా ప్రభుత్వ/ ప్రవేట్ బస్సులు తిరుగుతాయి.

చిత్రకృప : Amol.Gaitonde

దేశంలోనే అతిపెద్ద పొలిటికల్ పోల్: ఈ సర్వేలో మీరు పాల్గొన్నారా?

పర్యాటకానికి సంబంధించిన వివరాలు తెలుసుకోండి
పర్యాటక చిట్కాలు, పర్యాటకానికి సంబంధించిన కథాలు తక్షణం పొందండి

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more