మెదక్ - పండుగల పట్టణం !

మెదక్ ఎలా చేరాలి ?

విమాన ప్రయాణం
మెదక్ టవున్ నుండి హైదరాబాద్ అంతర్జాతీయ విమానాశ్రయం సుమారు 100 కి. మీ. ల దూరం కలదు. ఇక్కడ నుండి దేశంలోని అన్ని ప్రధాన నగరాలకు విమాన సేవలు కలవు.
ట్రైన్ ప్రయాణం
మెదక్ లో రైలు స్టేషన్ లేదు. సమీప రైలు స్టేషన్ 60 కి. మీ. ల దూరంలో కల కామా రెడ్డి టవున్ లో కలదు. ఇక్కడ నుండి రాష్ట్రంలోని అన్ని ప్రధాన నగరాలకు రైళ్ళు కలవు.
రోడ్డు ప్రయాణం
మెదక్ నుండి ఇతర నగరాలకు రాష్ట్ర ప్రభుత్వ బస్సులు కలవు. హైదరాబాద్ మరియు వైజాగ్ ల నుండి డీలక్స్ మరియు వోల్వో బస్సు లు కూడా మెదక్ కు నడుస్తాయి. రోడ్డు మార్గం చక్కగా వుంటుంది కనుక ప్రయాణం సౌకర్యవంతంగా వుంటుంది.

Photo Courtesy: ShashiBellamkonda

ఏడుపాయల దుర్గ భవాని గుడి

ఈ గుడిలో మాత దుర్గా భవాని కొలువై వుంటుంది. ఈ ప్రాంతం లో దేవాలయమే కాక మీరు అనేక ఇతర సహజ రాతి నిర్మాణాలు చూడవచ్చు. ఈ ప్రాంతంలో మంజీరా నది ఏడు ప్రవాహాలుగా చీలి ప్రవహిస్తూ వేరొక చోట మరల కలసి పోతుంది.
Photo Courtesy: Msurender

మెదక్ కోట

మెదక్ లో చూడవలసిన మరో పర్యాటక ప్రదేశం మెదక్ కోట. పురాతనమైన ఈ కోటను కాకతీయ రాజులు శత్రువుల బారి నుండి రక్షించుకునేందుకు నిర్మించారు. దీనిని మహారాజ ప్రతాప రుద్రుడు 12 వ శతాబ్దంలో నిర్మించాడు. ఈ కోటలో సుమారు 17 వ శతాబ్దం కు చెందిన ఒక పెద్ద ఫిరంగి వుంటుంది. కోట నుండి పర్యాటకులు పట్టణ అందాలు చూడవచ్చు.
Photo Courtesy: Varshabhargavi

పాపి కొండలు

మెదక్ లో కల పాపి కొండలను పాప హిల్స్ అని కూడా పిలుస్తారు. ఈ పర్యాటక ప్రదేశం అధిక సంఖ్యాకులను ఆకర్షిస్తుంది. ఈ పర్వత శ్రేణులను మొదట్లో పాపిడి కొండలు అనేవారు. పాపిడి అంటే తెలుగు భాషలో వేరు పరచుట అని అర్ధం చెపుతారు. ఈ కొండలు గోదావరి నదిని వేరు పరుస్తాయి కనుక వీటికి ఈ పేరు వచ్చింది. పర్యాటకులను అమితంగా ఆకర్షించే ఒక జలపాతం కూడా ఇక్కడ కలదు. ఇక్కడ కల ఒక అభయారణ్యంలో వివిధ రకాల జంతువులు, పక్షులు చూడవచ్చు.

Photo Courtesy: Bruce McAdam

మెదక్ చర్చి

మెదక్ లో తప్పక చూడవలసిన ప్రదేశం మెదక్ చర్చి. ఈ చర్చి ని మెథడిస్ట్ క్రిస్టియన్ అఫ్ ఇండియా 1924 లో నిర్మించారు. ఈ చర్చి యొక్క శిల్ప శైలి గోతిక్ శైలి లో వుంటుంది. దీనిలో సుమారు 5,000 మంది ఒకేసారి ప్రార్ధనలు నిర్వహించవచ్చు. ఈ చర్చి లో జీసస్ జీవిత అంశాలను అనేకం చూడవచ్చు. అనేక మంది భక్తులు టూరిస్ట్ లు దీని శిల్ప కళ చూసి ఆనందించేందుకు కూడా వస్తారు.
Photo Courtesy: David Marchant

పోచారం

పోచారం అభయారణ్యం మెదక్ లో ప్రసిద్ధ పర్యాటక ప్రదేశం. ఈ అభయారణ్యం ఒకప్పుడు హైదరాబాద్ పాలించిన నిజాం నవాబులకు వేట ప్రదేశంగా వుండేది. ఇక్కడ కల పోచారం సరస్సు పేరుతో దీనికి ఈ పేరు వచ్చింది. ఆలేరు డాం నిర్మాణ సమయంలో ఈ సరస్సు కూడా నిర్మించారు. ఈ అభయారణ్యంలో మీరు వివిధ రకాల జంతువులు చూడవచ్చు. ఈ ప్రదేశానికి అనేక వలస పక్షులు కూడా వస్తాయి.

Photo Courtesy: Golo