వరాహ వినాయకుడి దర్శనంతో మీ జీవితంలో...

హిరణ్యాక్షుడు

P.C: You Tube

హిరణ్యాక్షుడు భూదేవిని పాతాళ లోకంలో దాచడం తెలిసిన విషయమే. ఆ భూదేవిని రక్షించడానికి ఈ మహావిష్ణువు వరాహ రూపం దాల్చి అక్కడివెళ్లి హిరణ్యాక్షుడతో జరిగిన భీకర యుద్ధంలో శ్రీమన్నారయణుడు గెలిచి భూదేవిని రక్షించాడని మన పురాణాలు చెబుతాయి.

వరాహస్వామి

P.C: You Tube

అయితే ఈ యుద్ధం ప్రారంభం కావడానికి ముందు ఆ మహావిష్ణువు విఘ్నవినాయకుడిని ఇక్కడ ప్రతిష్టించి పూజించాడని చెబుతారు. అందువల్లే ఈ వినాయకుడికి వరాహ వినాయకుడనే పేరు వచ్చినట్లు స్థలపురాణ కథనం.

పురాణ కథనం ప్రకారం

P.C: You Tube

ఇదిలా ఉండగా ఈ వినాయకుడికి అటు పై కుబైరమ్ పిళ్లయార్ అనే పేరు స్థిరపడిపోయింది. తమిళంలో కరుంబు అంటే చెరుకు పిళ్లయార్ అంటే వినాయకుడు. ఇక ఈయనకు ఈ పేరు రావడానికి గల కారణానికి సంబంధించిన ఒక కథనం ప్రచారంలో ఉంది.

చెరుకు పండించేవారు

P.C: You Tube

పూర్వం ఈ ప్రాంతంలో ఎక్కువగా చెరుకు పండించేవారు. అటు పై ఆ చెరుకు నుంచి రసం తీసి బెల్లాన్ని కూడా తయారు చేసేవారు. ఈ క్రమంలో ఒక రైతు ఒకసారి తాను పండించిన చెరుకు పంటను తీసుకునిఈ దేవాలయం ముందు నుంచి వెలుతున్నాడు.

రాత్రి సమయం

P.C: You Tube

ఇంతలో పొద్దు మునిగింది. దీంతో తన బండిని దేవాలయం ముందు ఆపి రాత్రికి అక్కడ విశ్రాంతి తోసుకోవాలనుకొన్నాడు. తన వెంట వచ్చిన పరివారానికి కూడా ఈ విషయం చెప్పి అందరికీ రాత్రి బస దేవాలయంలోనే ఏర్పాటు చేసుకున్నారు.

వినాయకుడు చిన్న బాలుడి రూపంలో

P.C: You Tube

సరిగ్గా తెల్లవారుజామున ఓ వినాయకుడు చిన్న బాలుడి వేశంలో అక్కడికి వచ్చి తనకు ఓ చెరుకు ముక్క ఇవ్వాల్సిందిగా రైతును అడిగాడు. అయితే రైతు తాను ఇవ్వనని కోసంతో చెప్పడమే కాకుండా అక్కడి నుంచి వెళ్లిపొమ్మని గదమాయించాడు.

చెరుకు పిప్పి

P.C: You Tube

పొద్దున లేచి చూసే సమయానికి ఆ చెరుకు మొత్తం పిప్పిగా మారిపోయింది. దీంతో రైతు తెల్లవారుజామున వచ్చిన వాడు సామాన్యుడైన బాలుడు కాదని సాక్షాత్తు వినాయకుడే ఆ రూపంలో వచ్చాడని తెలుసుకొంటాడు.

చెరుకు రైతు

P.C: You Tube

దీంతో తన తప్పును మన్నించమని వేడుకొంటాడు. వెంటనే చెరుకు మాములు రూపానికి వస్తుంది. అటు పై రైతు ప్రతి ఏడాది తాను పండించిన పంటలో కొంత భాగాన్ని ఈ దేవాలయంలోని వినాయకుడికి కానుకగా ఇచ్చేవాడు.

అందువల్లే ఆ పేరు

P.C: You Tube

ఆ సంప్రదాయం ఇప్పటికీ అలాగే కొనసాగుతూ వస్తోంది. ఇప్పటికీ ఈ ప్రాంత రైతులు తమ పొలాల్లో కోతలు ముగిసిన తర్వాత వెంటనే ఇక్కడికి వచ్చి వినాయకుడికి అందులో కొంతభాగాన్ని ఇచ్చి ప్రత్యేక పూజలు చేస్తుంటారు. అందువల్లే ఈ వినాయకుడిని కుబైరమ్ పిళ్లయార్ అనే పేరు వచ్చింది.