భట్కల్ - కొంకణ్ తీరంలో ముస్తాబైన పట్టణం !!

జామియా మసీద్

జామియా మసీద్ కు ప్రతి సంవత్సరం అధిక సంఖ్యలో పర్యాటకులు వస్తారు. ఈ మసీదు 851 హిజీరాలో బంగారు గోపురం కలిగి ఉండేది. దీని కారణంగా జామియా మసీదు పేరుగాంచింది. షుమారు పదివేలమంది ప్రార్ధన చేసేటందుకు అనుకూలంగా ఉంటుంది.

సుల్తాన్ మసీద్

సుల్తాన్ మసీదును టిప్పు సుల్తాన్ నిర్మించారు. 1211 హిజీరాలో నిర్మించిన ఈ కట్టడం ద్రవిడ శిల్ప శైలిని కలిగి ఉంటుంది. అధిక సంఖ్యలో భక్తులు తమ నమాజ్ ఈ మసీదులో చేసుకుంటారు.

చిత్రకృప : Tumkurameen

భట్కల్ బీచ్

పర్యాటకులు భట్కల్ బీచ్ ని భట్కల్ ఓడరేవు పట్టణ సందర్శనలో చూడవచ్చు. చుట్టూ పడమటి కనుమల కొండలు, కొబ్బరి చెట్లు, భట్కల్ బీచ్, అరేబియా సముద్రం కలిగి ఎంతో అందంగా ఉంటుంది. మురుడేశ్వర కోటతోపాటుగా ఈ బీచ్ ని కూడా విజయనగర దేవాలయం మరియు జైన్ చంద్రనాధ బసాడి లతో దర్శించవచ్చు.

చిత్రకృప : vivek raj

కేతపయ్య నారాయణ దేవాలయం

భట్కల్ సందర్శనలో సమయం ఉంటే, పర్యాటకులు కేతపయ్య నారాయణ దేవాలయాన్ని తప్పక చూడాలి. ఈ దేవాలయంలో విజయనగర సామ్రాజ్య శిల్ప సంపద కనపడుతుంది. నవరంగ గా చెప్పబడే ఒక నాలుగు స్తంభాల పెద్ద హాలు నిర్మించారు. దీని చుట్టూ అష్ట దిక్పాలక విగ్రహాలను ఎనిమిది దిక్కులలో నిర్మించారు.

చిత్రకృప : Vedamurthy J

భట్కల్ లైట్ హౌస్

భట్కల్ లైట్ హౌస్ ను 1891 లో నిర్మించారు. ఇది భట్కల్ పట్టణ ఆకర్షణలలో ఒకటి. ఇది భట్కల్ నది ప్రవేశంలో దక్షిణ దిశగా ఒక కొండపై భట్కల్ కోట సమీపంలో ఉంది.

చిత్రకృప : Rohan Dhule

కడవినకట్ట డ్యామ్

కడవినకట్ట డ్యామ్, భట్కల్ కడవినకట్ట డ్యామ్ ను వెంకటాపూర్ నదిపై నిర్మించారు. భట్కల్ పట్టణానికి ఈ డ్యామ్ నీటిని సరఫరా చేస్తుంది. బోటింగ్ వంటి వినోద కార్యక్రమాలను ఇక్కడ అధికారులు నిర్వహిస్తుంటారు.

చిత్రకృప : Amoghavarsha

నూర్ మసీదు

నూర్ మసీదును 1966 లో నిర్మించారు. ఇది నేషనల్ హైవే లో కలదు. ఈ మసీదు రాష్ట్రంలోని అన్ని మసీదులకంటే ఉత్తమమైంది. సుమారు 1500 మంది వరకు ప్రార్ధనలు చేయగల ఈ మసీదును పర్యాటకులు తప్పక చూడాలి.

చిత్రకృప : Golf Bravo

ఖలీఫా జామియా మసీద్

భట్కల్ లోని ఎనిమిది పురాతన మసీదులలో ఖలీఫా జామియా మసీద్ ఒకటి. ఇది సుమారుగా 200 సంవత్సరాలక్రిందటిది. ఈ మసీదు షరాబి నది ఒడ్డున ఖలీఫా వీధిలో ఉంది.

చిత్రకృప : Aravind Nagaraj

మఖ్దూమ్ మసీద్

భట్కల్ పర్యాటకులు పురాతన ముస్లిం నివాస ప్రదేశంలో కల మఖ్దూమ్ మసీద్ తప్పక చూడాలి. మసీదు పేరు మఖ్దూమ్ కాలనీ నుండి తీసుకొనబడింది. అంటే అది హజరత్ మఖ్దూమ్ ఫాకి ఇస్మాయిల్ సూక్రి పేరు పై పెట్టబడింది. ఆ ప్రవక్త సుమారు నలభైరోజులు ప్రార్ధనలు చేసి అల్లాను మెప్పించాడని చెపుతారు.

చిత్రకృప : Kumarcnaik

భట్కల్ ఎలా చేరాలి?

విమాన ప్రయాణం - దేశీయ విదేశీయ పర్యాటకులకు అనువైన మంగుళూరు విమానాశ్రయం భట్కల్ సమీపంలో ఉంది. భట్కల్ నుండి ఈ విమానాశ్రయం 144 కి.మీ. దూరంగా ఉంది.

బస్ ప్రయాణం - భట్కల్ పట్టణం దేశంలోని వివిధ నగరాలకు రోడ్డు ద్వారా కూడా కలుపబడింది. హైద్రాబాద్, మంగుళూరు, గుల్బర్గా, హుబ్లీ, బీదర్, ముంబై, పూనే వంటి ప్రధాన నగరాలనుండి భట్కల్ కు బస్సులున్నాయి.

రైలు ప్రయాణం - భట్కల్ రైలు స్టేషన్ దేశంలోని ప్రధాన నగరాలు అంటే న్యూఢిల్లీ, జైపూర్, మార్గోవా మొదలైన వాటితో కలుపబడి భట్కల్ నగరానికి 5 కి.మీ. దూరంలో ఉంది.

చిత్రకృప : Rajaramraok