Click it and Unblock the Notifications
చారిత్రక వారసత్వం ఈ ప్రాంతం సొంతం..
భారతదేశం ప్రపంచవ్యాప్తంగా దాని సంస్కృతికి ప్రసిద్ధి చెందింది. ఇక్కడ ఒకటి కంటే ఎక్కువ పర్యాటక ప్రదేశాలు ఉన్నాయి. ఈ ప్రాంతాలను ప్రజలను ఎంతగానో ఆకర్షిస్తున్నాయి. భారతదేశంలోని ప్రతి రాష్ట్రం మరియు ప్రతి నగరం ప్రజలను తన వైపుకు ఆకర్షించే ప్రత్యేక లక్షణం కలిగి ఉంది. ఇక్కడి కళలు, సంస్కృతికి విదేశాల్లో కూడా మంచి ఆదరణ పొందాయి. భారతదేశంలోని ఈ అందమైన రాష్ట్రాల్లో రాజస్థాన్ ఒకటి. ఇది దాని సంస్కృతి మరియు కళతో ప్రజల దృష్టిని ఆకర్షిస్తుంది. ఈ రాష్ర్టంలో చారిత్రక వారసత్వం నుండి మతపరమైన ప్రదేశాల వరకు ఇక్కడ చాలా చూడొచ్చు.
అంతే కాకుండా, ఇక్కడ రుచికరమైన వంటకాలను కూడా ఆస్వాదించవచ్చు. రాజస్థాన్లోని ఎల్లోసిటిగా పిలవబడే జైసల్మేర్ రాజభవనాలు, ఇసుక ఎడారిలకు ఎంతగానో ప్రసిద్ధి చెందింది. ఈ ప్రాంతం ప్రపంచ ప్రసిద్ధ పర్యాటక ప్రదేశం థార్ ఎడారి మధ్యలో ఉంది. ఈ బంగారు నగరం రాజస్థానీ జానపద కథలు మరియు నృత్యాలకు కూడా ప్రసిద్ధి చెందింది. భారతదేశం మరియు విదేశాల నుండి పర్యాటకులు ఇక్కడి కళ, సంస్కృతిని ఎంతగానో ఆదరిస్తారు. ఈ నగరంలో ఒక కోట ఈ మధ్యకాలంలో ఎంతగానో ప్రాచుర్యం పొందింది. ఈ కోటను సందర్శించేందుకు పెద్దసంఖ్యలో పర్యాటకులు వస్తున్నారు. ఆ కోట విశేషాలేంటో తెలుసుకుందామా?
గోల్డెన్ ఫోర్ట్ జైసల్మేర్లో ఉంది
జైసల్మేర్లో ఉన్న ఈ కోటను 'సోనార్ కోట' అంటారు. రాజ్పుత్ పాలకుడు రావ్ జైసల్ నిర్మించిన ఈ కోట ప్రపంచంలోని అతిపెద్ద కోటలలో ఒకటి. థార్ ఎడారిలోని త్రికూట కొండపై ఉన్న ఈ కోట అనేక యుద్ధాలకు సాక్షిగా నిలిచింది. థార్ యొక్క బంగారు ఇసుక మధ్య , పసుపు ఇసుకరాయితో నిర్మించబడిన ఈ ప్రత్యేకమైన కోట ప్రజలను తనవైపు తిప్పుకుంటుంది. ఈ కోట గోడలు మూడు పొరలను కలిగి ఉంటాయి. ఇవి 30 అడుగుల ఎత్తు వరకు ఉంటాయి. ఈ కోట ఒకప్పుడు రాయల్టీకి నిలయంగా ఉండేది. కానీ ఇప్పుడు వందలాది స్థానిక ఆవాసంగా మారింది.
ఉదయాన్నే సూర్యకిరణాలు ఈ కోటపై పడగానే బంగారంలా మెరిసిపోతుంది. కాబట్టి దీనిని సోనార్ ఫోర్ట్ లేదా గోల్డెన్ ఫోర్ట్ అని పిలుస్తారు. ఎడారి మధ్యలో ఉండడం వల్ల దీనిని ఎడారి కోట అని కూడా అంటారు. దీని చుట్టూ 99 బస్తీలు నిర్మించబడ్డాయి. అద్భుతమైన వాస్తుశిల్పం, హస్తకళలు మరియు శిల్పాల కారణంగా, ఈ కోట దేశంలోని అన్ని కోటలలో దాని ముఖ్యమైన స్థానాన్నికైవసం చేసుకుంది. ఇదే కాకుండా, ఇక్కడ అనేక ఇతర ప్రసిద్ధ పర్యాటక ప్రదేశాలు ఉన్నాయి. పట్వా హవేలీ, బడా బాగ్, లక్ష్మీనాథ్ టెంపుల్, జైన్ టెంపుల్, థార్ ఎడారి మొదలైన ప్రదేశాలను సందర్శించవచ్చు.
ఎల్లో సిటీకి ఆ పేరేలా వచ్చింది?
జైసల్మేర్ అంటే జైసల్ కొండ కోట అని అర్థం. రావల్ జైసల్ 1156 ADలో జైసల్మేర్ నగరాన్ని స్థాపించాడు. జైసల్మేర్ను పసుపు నగరం అని పిలుస్తారు. ఎందుకంటే ఇక్కడ కోటలో ఉపయోగించిన పసుపు ఇసుకరాయి బంగారు-పసుపు రంగును ఇస్తుంది. ఈ కోట కారణంగా, ఈ నగరం ఎల్లో సిటీ పేరుతో ప్రపంచవ్యాప్తంగా ప్రసిద్ధి చెందింది.
