Click it and Unblock the Notifications
బెంగుళూరులో ఉన్న ఈ దేవాలయం బహుళ ప్రాచుర్యం పొందిన ఒక ఆకర్షణ. దీనిని గవిపురం కేవ్ టెంపుల్ అని కూడా పిలుస్తారు, సూర్యుని కిరణాలు ప్రతి సంవత్సరం ఒక నిర్దిష్ట సమయంలో గర్భగుడి లో విగ్రహం మీద పడతాయి. ఈ ఆలయ నిర్మాణంలో ఖచ్చితమైన ప్రణాళికకు ప్రసిద్ధి గాంచింది.
పరమశివుడికి అంకితమైన ఈ గవి గంగాదారేశ్వర ఆలయం, ఇండియన్ రాతి నిర్మాణానికి ఒక పరిపూర్ణ ఉదాహరణ. ఈ ఆలయాన్ని ఒక భారీ రాతి నుండి 9వ శతాబ్దంలో నిర్మించారు. ఈ ఆలయ విశిష్టతఈ ఆలయానికి వేలకొద్ది భక్తులు జనవరి నెలలో వొచ్చే మకర సంక్రాంతి నాడు వొస్తారు. ఆరోజున సూర్యుని కిరణాలు మందిరం లోపల ఉన్న శివలింగం మీద ఒక గంటపాటు పడతాయి. తరువాత ఆలయం ముందు ఉన్న విగ్రహం,నంది కొమ్ముల మధ్య నుండి వెళతాయి. మన ప్రాచీన శిల్పులకు ఖగోళశాస్త్రం మరియు నిర్మాణశాస్త్రంలో చాలా పరిజ్ఞానం గలవారని ఈ దృశ్యం రుజువు చేస్తున్నది.
ఇక్కడ శివుని విగ్రహంతోపాటు, ఈ దేవాలయంలో అరుదుగా కనిపించే అగ్నిదేవుని విగ్రహం కూడా ఉన్నది. నేడు, గవి గంగాధరేశ్వర కేవ్ టెంపుల్, పురావస్తు స్థలాలు చట్టం 1961 మరియు కర్ణాటక పురాతన మరియు చారిత్రక ఆనవాళ్ళు క్రింద రక్షించబడుతున్న ఒక స్మారక చిహ్నం. నగరం లోపల బసవన్నగుడి ప్రాంతంలో ఉన్నది, ఇక్కడకు అన్ని రకాల రవాణా మార్గాల ద్వారా సులభంగా చేరుకోవొచ్చు.
