చుర చాంద్ పూర్ , ఇది మణిపూర్ లో అతిపెద్ద జిల్లా ప్రధానకేంద్రం. స్థానికంగా పట్టణాన్ని'లంక' అని పిలుస్తారు. లంక అంటే 'ఒక రోడ్డు కూడలి వద్ద ఉన్న స్థలం' అని అర్థం. లంక అనే మాట మణిపూర్ పదాలనుండి వొచ్చింది, 'లం' అంటే 'దారి' అని అర్థం మరియు 'క' అంటే 'కూడలి' అని అర్థం. చిన్న కొండలు మరియు లోయలు చుట్టూరా ఉన్న ఈ జిల్లా చాలా అందంగా ఉంటుంది. ఇది రాష్ట్ర రాజధాని అయిన ఇంఫాల్ నుండి 59 కిలోమీటర్ల అవతల ఉన్నది.

చుర చాంద్ పూర్ లో మరియు చుట్టూ ఉన్న పర్యాటక ప్రదేశాలు ఖుగా ఆనకట్ట, ఇది ఒక ప్రముఖ పిక్నిక్ స్పాట్, టుఇబుఒంగ్ వద్ద గిరిజన సంగ్రహాలయాలు మరియు తన్గజాం రహదారి, ణ్గలొఇ జలపాతం వంటి కొన్ని ప్రముఖ ప్రదేశాలు చురచంద్పూర్ పర్యటనను ఆసక్తికరంగా చేస్తున్నాయి. ఈ పట్టణంలో షాపింగ్ చేయకపోతే పర్యటన పూర్తి కాదు. ఇక్కడ షాపింగ్ లో హస్త మరియు దేశీయ కళా వొస్తువులను జ్ఞాపకాలుగా తీసుకెళ్ళకపోతే పర్యటన పూర్తి కాదు.

చురచాన్ద్పూర్, ఇంఫాల్ తర్వాత మణిపూర్ లో రెండవ అతిపెద్ద పట్టణం మరియు ఇది గత కొన్ని దశాబ్దాలుగా వేగవంతంగా అభివృద్ధి చెందుతున్నది. ఇది ఒక శాంతియుత పట్టణం అవటంవలన ఇక్కడ మణిపూర్ లో ఉన్న అన్ని వర్గాల ప్రజలు స్థిరపడుతున్నారు. సిమ్తే, పైటే, గంగ్టే, హ్మార్, జౌ, వైఫెఇ, ళుసెఇ మరియు సుక్తే (తెడిం ), సాంస్కృతిక వైవిధ్యం ఉన్న ప్రజలు ఇక్కడ శాంతియుతంగా జీవిస్తున్నారు.

ప్రజలు మరియు వారి జీవన విధానం ఇదివరకు, చురచాన్ద్పూర్ జిల్లా, కొన్ని గ్రామాల కలియికగా ఉండేది. ఇక్కడ వ్యవసాయం ప్రధాన జీవనాధారంగా ఉండేది. ఈరోజున, వ్యవసాయం ముఖ్య జీవానాధారమైనా , ఈ పట్టణం రాష్ట్ర ప్రముఖ వాణిజ్య కేంద్రంగా ఉన్నది. ఇక్కడ చేనేత మరియు జంతుపెంపకం వంటివి ముఖ్య జీవనాదారాలుగా ప్రజలు జీవిస్తున్నారు.

యుద్ధ ప్రభావానికి దెబ్బతిన్నది కానీ పునర్నిర్మించబడిన చురచాన్ద్పూర్

జపనీస్ నార్త్ ఈస్ట్ గుండా భారతదేశం ప్రవేశించినప్పుడు, చురచాన్ద్పూర్, భారీ బాంబు దాడిని చవి చూసిన పట్టణాలలో ఒకటి. పట్టణం పూర్తిగా నాశనం అయింది, కానీ తరువాతి యాభై సంవత్సరాలలో దీనిని పూర్తిగా పునర్నిర్మించారు మరియు మణిపూర్ లో ఇది ఒక శాంతియుత పట్టణంగా పేరు వొచ్చింది.

చురచాన్ద్పూర్ ఎలా చేరుకోవాలి?

చురచాన్ద్పూర్ సమీపంలో విమానాశ్రయం ఇంఫాల్ వొద్ద సుమారు 59కి. మీ. దూరంలో ఉన్నది. రైలు ద్వారా ప్రజలు డిమాపూర్ లేదా జిరిబం వరకు ప్రయాణం చేయవచ్చు. రోడ్ మార్గం ద్వారా ఈ పట్టణం రాష్ట్ర ఇతర ప్రదేశాలకు బాగా అనుసంధించబడి ఉన్నది.

ప్రయాణానికి ఉత్తమ సమయం

చురచాన్ద్పూర్ సందర్శించటానికి అక్టోబర్ మరియు మార్చ్ నెలల మధ్య అనుకూలంగా ఉంటుంది.

బిష్ణుపూర్ ఎలా చేరుకోవాలి?

వాతావరణం మణిపూర్ లోని మిగతా ప్రాంతాల వలెనె, చురచాన్ద్పూర్ కూడా ఒక మోస్తరు మరియు ఆహ్లాదకరమైన ఉష్ణోగ్రతను కలిగి ఉన్నది.