గుల్మార్గ్ బయో స్పియర్ రిజర్వులు వాటి పచ్చదనానికి వన్య జీవులకు ప్రసిద్ధి. ఇవి సుమారు 180 చ. కి.మీ. లలో విస్తరించి సముద్ర మట్టానికి 2400 నుండి 4300 మీటర్ల ఎత్తున కలవు. ఈ రక్షిత అడవి అరుదైన పక్షులకు నిలయం. పక్షుల పట్ల ఆసక్తి కలవారు ఇక్కడ వివిధ రకాల పక్షులను చూడవచ్చు. స్థానికంగా వుండే పక్షులే కాక ఇతర ప్రాంతాల నుండి కూడా ఎన్నో రకాల పక్షులు ఇక్కడకు వలస వస్తూంటాయి. ఈ రక్షిత అడవిలో పక్షులే కాక చిన్న మరియు మధ్య తరహా జంతువులు లేడి, దుప్పి, మేక, చిరుత పులి వంటి వాటిని కూడా చూడవచ్చు.

ఈ ప్రదేశం లో అపార వృక్ష సంపద కలదు. ఎన్నో రకాల వృక్షాలను కూడా చూడవచ్చు.