Click it and Unblock the Notifications
అస్సాం రాష్ట్రములోని హాఫ్లాంగ్ వివరించాలి అంటే – “ఇది కేవలం మంత్రముగ్ధుల్ని చేసే’ ఏకైక పర్వత ప్రాంతం. దీనికి ‘తూర్పు స్విట్జర్లాండ్’ అని ముద్దుపేరు, హాఫ్లాంగ్ మంచుతో కప్పబడి ఉండదు కానీ స్విట్జర్లాండ్ లాంటి అందమైన ప్రదేశంగా పరిగణిస్తారు. ఇది ఉత్తర కచార్ జిల్లాకి ప్రధాన కేంద్రం, బరాక్ లోయకు చాలా దగ్గరగా ఉంది. హాఫ్లాంగ్ పర్యాటక సమీపంలోని నగరాలూ, పట్టణాల ప్రజలు చల్లని వేసవులను గడపడానికి ఇక్కడికి రావడానికి ఉత్సాహపడతారు.
హాఫ్లాంగ్ పట్టణం పర్వతాల మధ్య నెలకొని ఉంది. 513 మీటర్ల ఎత్తునున్న హాఫ్లాంగ్, చల్లగా, అందంగా, చక్కగా ఉంటుంది. జాలువారే జలపాతాలు, పారే సెలయేళ్ళు, చిక్కటి పచ్చదనం అన్నీ కలిసి మనసుమీద చెరగని ముద్ర వేస్తాయి. హాఫ్లాంగ్ ను చెదల కొండ అనికూడా అంటారు.
హాఫ్లాంగ్ లోని పర్యాటక ప్రదేశాలు
హాఫ్లాంగ్ లో ఉన్నపుడు, హాయినిచ్చే పర్వతాల వైపు చూస్తూ కూర్చోండి. అయితే, మంత్రముగ్ధుల్ని చేసే అందమైన హాఫ్లాంగ్ సరస్సు కూడా ఇక్కడి పర్యాటకానికి మరింత అందాన్ని చేకూరుస్తుంది. దిమాస కచారి రాజ్యపు ప్రాచీన రాజధాని పట్టణం మైబాంగ్ ను కూడా పర్యాటకులు చూడవచ్చు.
హాఫ్లాంగ్ చేరుకోవడం ఎలా
హాఫ్లాంగ్ సిల్చార్ నుండి కేవలం 108 కిలోమీటర్ల దూరంలో ఉన్న అస్సాం లోని పెద్ద నగరాలలో ఒకటి. సిల్చార్ నుండి హాఫ్లాంగ్ కు రోడ్డు బాగానే ఉంటుంది, రెండు గంటలు పడుతుంది. దేశంలోని ఇతర నగరాలకు ఇక్కడి నుండి విమానాలు తిరుగుతాయి.
హాఫ్లాంగ్ వాతావరణం
హాఫ్లాంగ్ లో ఉప-ఉష్ణమండల శీతల వాతావరణం ఉంటుంది. వేసవి కాలాలు వెచ్చగా ఉన్నప్పటికీ, హాయిగానే ఉంటుంది. అయితే శీతాకాలాలు మాత్రం చాలా చల్లగా ఉంటుంది. వర్షాకాలంలో ఈ పర్వత పట్టణంలో బాగా వర్షాలు పడతాయి.
