కాచార్ జిల్లా డిస్ట్రిక్ హెడ్ క్వార్టర్ అయిన సిల్చార్ దక్షిణ అస్సాం లో ఉంది. చిన్న పట్టణమైనా అందమైన పట్టణం. ఈ నగరం చుట్టూ అందమైన బరాక్ నది ఈ నగరం యొక్క అందాన్ని రెట్టింపు చేస్తుంది. బరాక్ నది ఈ ప్రాంతం లో ప్రవహిస్తుంది కాబట్టి సిల్చార్ మరియు సిల్చార్ ని అనుకుని ఉన్న పట్టణాలను గ్రామాలను బరాక్ లోయ గా పిలుస్తారు.

మణిపూర్ మరియు మిజోరాం రాష్ట్రాలని దేశం లో ని ఇతర ప్రాంతాలతో అనుసంధానం చేసే ప్రాంతం లో సిల్చార్ నగరం ఉంది. అందువల్ల ఇది ఆర్ధికంగా బలమైన నగరం. వీటితో పాటు, ఇక్కడున్న టీ గార్డెన్స్ వల్ల ఈ నగరం ఆర్ధికంగా అభివృద్ధి చెందింది. బియ్యం, టీ మరియు ఇతర వ్యవసాయ ఉత్పత్తుల ప్రాసెసింగ్ సెంటర్ గా కూడా ఈ నగరం వ్యవహరిస్తుంది.

సిల్చార్ పర్యటన - సిల్చార్ లో ఇంకా చుట్టూ పక్కల పర్యాటక ప్రదేశాలు

సిల్చార్ లో పర్యాటకులు సందర్శించాల్సిన ప్రదేశాలు ఎన్నో ఉన్నాయి. ఈ నగరం యొక్క సామాన్యమైన రూపం ఏంతో మందిని నిరాశ పరిచినా ఇక్కడున్న దేవాలయాలు ఇంకా ఇతర ఆకర్షణలు ఈ నగరానికి అందాన్ని తీసుకువస్తాయి. కాంచా కాంతి దేవి ఆలయం ఇక్కడి ప్రధాన ఆకర్షణ. నగరం నడి బొడ్డు నుండి 17 కిలోమీటర్ల దూరం లో ఉన్నా స్థానికులు ఇంకా పర్యాటకులు ఇక్కడికి అధిక సంఖ్యలో వస్తారు. భుబాన్ మహాదేవ టెంపుల్ మర్టిర్స్ టూమ్బ్ మరియు ఖస్పూర్ లు మరికొన్ని ఆకర్షణలు.

ఎలా చేరాలి

వాయు మార్గం, రైలు మరియు రోడ్డు మార్గాల ద్వారా సిల్చార్ కి సులభంగా చేరుకోవచ్చు. దక్షిణ అస్సాం ని దేశం లో ని ఇతర ప్రాంతాలతో జాతీయ రహదారులు చక్కగా అనుసంధానం చేస్తాయి. అయితే, సిల్చార్ ని గువహతి కి అనుసంధానం చేసే జాతీయ రహదారి 44సరైన స్థితి లో లేదు. ఇక్కడి విమానాశ్రయం లో గువహతి నుండి కోల్కతా కి అనుసంధానం చేసే సర్వీసులు ప్రతి రోజు ఉన్నాయి.

సిల్చార్ వాతావరణం

సిల్చార్ లో ని వాతావరణం ఆహ్లాదకరం గా ఉంటుంది. తేమతో కూడిన ఎండాకాలం, గణనీయమైన వర్షపాతం నమోదాయ్యే వర్షాకాలం ఇంకా ఆహ్లాదకరమైన శీతాకాలం తో సిల్చార్ వాతావరణం పర్యాటకులని పలకరిస్తుంది.