హజో అస్సాం లోని ఒక ప్రధాన ధార్మిక ప్రదేశం. హజోలో ముఖ్యమైన హిందూమత౦, బౌద్ధమతం, ఇస్లాంమతం అనే మూడు మతాల ఏకైక సంగమం కనిపిస్తుంది, ఇది కూడా హజో పర్యటనలో ఒక ముఖ్యమైన అంశం. ఇక్కడ హిందూ దేవుళ్ళు, దేవతలు, బుద్ధుడు, ప్రధాన ముస్లిం సన్యాసుల కు చెందిన అనేక ఆలయాలు ఉన్నాయి. ఇది అస్సాం రాజధానికి దగ్గరగా ఉండడం వల్ల అందుబాటులో ఉంది, బాగా ప్రసిద్ది చెందింది. ఈ చిన్న పట్టణం అస్సాం కామరూప్ జిల్లాలోని శక్తివంతమైన బ్రహ్మపుత్ర నది ఒడ్డున ఉంది.

 హజో చరిత్ర గురించి అనేక అభిప్రాయ బేధాలు ఉన్నాయి. ఈ చిన్న పట్టణం ముఘలుల పరిపాలన తరువాత వచ్చిన కోచ్ వంశీయుల రాజధాని అని నమ్మకం. కొన్ని శతాబ్దాలుగా, హజోని వేరువేరు పేర్లతో పిలవడం జరిగింది. 11 వ శతాబ్దంలో ఇది అపుర్నభవ, మనికూట అని, 18 వ శతాబ్దంలో మనికుత్గ్రం అని పిలవబడింది. మరోవైపు, బుద్ధుడు హజో వద్ద నిర్వాణం పొందాడని బౌద్ధులు భావిస్తున్నారు.

హజో లోను, చుట్టుపక్కల పర్యాటక ప్రదేశాలు

హజోలోని గుర్తుంచుకోవాల్సిన ఆలయాలలో ఒకటి హయగ్రీవ మాధవ ఆలయం. ఈ ఆలయం విష్ణుమూర్తికి అంకితం చేయబడింది. ముస్లింలు పోవ మక్కా వద్ద వందనాలు చెల్లించుకోవడానికి హజోను సందర్శిస్తారు. గణేష్ ఆలయం, కేదరేశ్వర్ ఆలయం, కామేశ్వర్ ఆలయం, దోపర్గురి సత్రం, జాయి దుర్గ ఆలయం హజో వద్ద ఆశక్తికర ఇతర ప్రదేశాలు. ఈ ప్రదేశాలు హజో పర్యటనలు ప్రధాన అంశాలు.

హజో చేరుకోవడం ఎలా

హజో గౌహతి కి పడమర షుమారు 25 కిలోమీటర్ల దూరంలో ఉంది. హజోకి గౌహతి నుండి రోజువారీ బస్సులు అందుబాటులో ఉన్నాయి.

హజో వాతావరణం

సమశీతోష్ణ సీతాకాలలు, వేసవిలో తేమ పెరగడం, వేడి వేసవితో హజో తీవ్ర వరతవరణాన్ని కలిగిఉంటుంది. శరదృతువులో హజోను సందర్శించడానికి ఉత్తమ సమయం.