Click it and Unblock the Notifications
హిల్ స్టేషన్ లోనావాలా మరియు పూనే సిటీలకు మధ్య గల ఒక చిన్న పట్టణం కామ్ షెట్. ఈ పట్టణం పారా గ్లైడింగ్ క్లబ్బులకు మరియు సుందర అందాలకు ప్రసిద్ధి. పూనే మరియు ముంబై వాసులు వారాంతపు సెలవులలో తరచుగా రావటం చేత బాగా ప్రసిద్ధి చెందింది. ఖండాలా మరియు లోనావాలాల నుండి 15 కి.మీ.లు ముంబై నగరం నుండి 115 కి.మీ.లు, పూనే నుండి 60 కి.మీ.ల దూరం కలిగి ఉంది.
ఈ ప్రదేశం పారా గ్లైడింగ్ కు ప్రసిద్ధి . మిమ్ములను ఆకాశంలోకి తీసుకు వెళ్ళే క్రీడలు ఆచరించవచ్చు . తగిన శిక్షణ నిచ్చేందుకు స్కూళ్ళు కూడా కలవు . వర్షాకాలం అయిన వెంటనే పారా గ్లైడింగ్ సీజన్ మొదలవుతుంది .. ఇదే సమయంలో సాధారణంగా గాలిపటాల సీజన్ కూడా మొదలవుతుంది .
పారా గ్లైడర్లకు టవర్ హిల్ మొదటి ప్రదేశం .ఇది భూమి నుండి 2500 అడుగుల ఎత్తు కలిగి ఉంటుంది . కామ్ షెట్ లో వాతావరణం కూడా ఈ సమయంలో ఎంతో ఆహ్లాదంగా ఉంటుంది .
పర్యాటకులు పారాగ్లైడింగ్ లో ఆకాశం నుండి ప్రసిద్ధి చెందిన పవనా సరస్సు మరి కొన్ని దేవాలయాలు కూడ చూడవచ్చు. ఇక్కడ కల గ్లైడింగ్ క్లబ్బులు స్ధానిక గెస్ట్ హౌస్ లు మరియు హోటళ్ళతో సంబంధాలు కలిగి ఉండి మంచి వసతి ఏర్పాట్లు చౌక ధరలలో కలిగిస్తాయి. ఈ ప్రాంతంలో పర్యాటకులు పవనా సరస్సు, సముద్ర మట్టానికి 2,200 అడుగుల ఎత్తు కల విడావలి సరస్సుకొండేశ్వర్ దేవాలయం మరికొన్ని సహజ రాతి గుహలు ఈ ప్రాంతంలో చూడవచ్చు.
