Click it and Unblock the Notifications
మహాబలేశ్వర్ పర్వత కేంద్రం నుంచి కేవల౦ 25 కిలోమీటర్ల దూరంలో వున్న ఉపగ్రహ గ్రామం తపోలా ను మహారాష్ట్ర లోని చిన్న కాశ్మీర్ గా పిలుస్తారు. ఈ చిన్న గ్రామం ప్రకృతిలోకి తిరిగి రావాలనుకునే ప్రకృతి పిపాసులకు చాలా ఇష్టమైన గ్రామం.
ఈ గ్రామానికి వెళ్తుంటే రోడ్డు కి రెండు వైపులా మనోహరమైన దృశ్యాల సమాహారంగా ప్రకృతి శోభ కనబడుతుంది. చాలా ఆసక్తికరమూ, క్లిష్టతరమూ అయిన పర్వతారోహణ అభ్యాసాన్ని అందించే ఈ ప్రాంతం పర్వతారోహకులకు ఇష్టమైన ప్రదేశం.
కాలుష్య రహితంగా వుండే తపోలా ఒక ఆహ్లాద పరిచే వాతావరణం తో ఎవరి ఇంద్రియాలనైనా తాజా పరుస్తుంది. పర్వతారోహణ చేసే వారికి, ఈ ప్రాంతాన్ని మరింత దగ్గరగా ఆస్వాది౦చాలనుకునే వారికీ ఇక్కడ చాలా కాంప్ ప్రదేశాలు వున్నాయి.
మీరు జలక్రీడల ప్రేమికులైతే, తపోలా లో 90 కిలోమీటర్ల పొడవైన శివసాగర్ సరస్సులో ఈత కొట్టవచ్చు, లేదా ప్రవాహం క్రిందికి కయాకింగ్ చేస్తూ వెళ్ళవచ్చు. మీ జలక్రీడోత్సాహాన్ని సంతృప్తి పరిచేందుకు ఇక్కడ వాటర్ స్కూటర్లు, మోటార్ బొట్లు దొరుకుతాయి.
మీకు పర్వతారోహణ ఉత్సాహాన్ని ఇస్తే, బాగా కష్టమైన, సవాల్లా వుండే వసోతా కోట ఎక్కడానికి ప్రయత్నించండి. ఇది కేవలం బొట్ ద్వారానే చేరుకోగల ప్రాంతం కాబట్టి మీకు అటవీ శాఖాధికారుల నుంచి ప్రత్యెక అనుమతులు అవసరమౌతాయి, ఇక్కడి నుంచి ఒంటరి దారిలో పైకెక్కడం బాగా కష్టమే అయినా ప్రయత్నించ దగ్గది.
మీరు సరదాగా ప్రకృతి మాత అందాలను ఆస్వాదిస్తూ ప్రకృతి వ్యాహాళి చేద్దాం అనుకుంటే, ఇక్కడి స్ట్రాబెర్రీ ఫారాలు, నర్సరీలు సందర్శించండి. వర్షాకాలం తర్వాత 150 రకాల పూల రకాల తో కప్పబడి వుండే ఇక్కడి కాస్ మైదానం చూసి తీరాల్సిందే.
