Click it and Unblock the Notifications
వీకెండ్లో కుటుంబంతో కలిసి సరదాగా విహరించాలని చాలామంది అనుకుంటారు. ఇందుకోసం ప్రణాళికలు కూడా సిద్ధం చేస్తుంటారు. పిలల్లతో కలిసి మీ ప్రయాణాన్ని ప్రారంభిస్తుంటే మాత్రం పిల్లలను తప్పకుండా ఇక్కడికి తీసుకెళ్లండి. ఎప్పుడూ రోటిన్కు భిన్నంగా కాకుండా కాసింత మార్పు కోరుకుండి. పర్యాటక ప్రదేశాలు, పురాతన కట్టడాలు, చారిత్రత్మాకమైన కోటలు వీటన్నింటిని ఎప్పుడూ చూస్తు ఉంటారు. కానీ మీ పిల్లలకు సైన్స్ పట్ల మక్కువ వుంటే దేశంలోని ఈ సైన్స్ మ్యూజియాలకు తీసుకెళ్లండి.
విశ్వేశ్వరయ్య ఇండస్ట్రియల్ అండ్ టెక్నలాజికల్ మ్యూజియం, బెంగళూరు
బెంగళూరులోని విశ్వేశ్వరయ్య ఇండస్ట్రియల్ అండ్ టెక్నలాజికల్ మ్యూజియం భారతదేశంలోని పురాతన సైన్స్ మ్యూజియంగా పేరుగాంచింది. ఇది 14 జూలై 1962న స్థాపించబడింది. ఈ మ్యూజియంలో పిల్లలకు సైన్స్ పట్ల ఆసక్తిని మరింత పెంచేందుకు సహాయపడే అనేక అంశాలు ఇక్కడ అందుబాటులో ఉంటాయి. ఈ మ్యూజియంలో విజ్ఞాన శాస్త్రం పిల్లలకు నచ్చే విధంగా సరదాగా చిత్రీకరించబడింది. ఈ మ్యూజియంలో ఏడు ప్రదర్శనశాలలు మరియు రెండు ప్రత్యేక ప్రదర్శనశాలలను ఏర్పాటు చేశారు. రైట్ బ్రదర్స్ నిర్మించిన కిట్టి హాక్ యొక్క పూర్తి స్థాయి ప్రతిరూపం ఇక్కడ ఆకర్షణ కేంద్రంగా ఉంది. ఇక్కడకు రావడం ద్వారా, పిల్లలు ఇతర ఆసక్తికరమైన విషయాలను తెలుసుకుంటారు.
నేషనల్ సైన్స్ సెంటర్, ఢిల్లీ
ఢిల్లీలో ఉన్న నేషనల్ సైన్స్ సెంటర్ సైన్స్ పట్ల ఆసక్తి ఉన్న పిల్లలు విహరించేందుకు ఓ ఉత్తమమైన గమ్యస్థానమని చెప్పాలి. ఈ మ్యూజియంలో డైనోసార్ గ్యాలరీ, ఫన్ సైన్స్ లైబ్రరీ, ఇన్ఫర్మేషన్ రివల్యూషన్ గ్యాలరీ, ప్రీ-హిస్టారిక్ గ్యాలరీ, హ్యూమన్ బయాలజీ గ్యాలరీ వంటి అనేక అంశాలు ఉన్నాయి. ఇంకా 3D షోలు, మేజ్ ఆఫ్ మిర్రర్స్, పెద్ద డైనోసార్ల మాట్లాడే బొమ్మలు కూడా ఉన్నాయి. ఇవి చూడటానికి నిజంగా ఎంతో సరదాగా ఉంటాయి. పిల్లల్ని ఎంతగానో ఆకట్టుకుంటాయి.
బిర్లా సైన్స్ మ్యూజియం, హైదరాబాద్
హైదరబాద్లో కూడా ప్రసిద్ధిచెందిన సైన్స్ మ్యూజియం ఉంది. పిల్లలను బిర్లా ప్లానిటోరియం మరియు సైన్స్ మ్యూజియమ్కి కూడా తీసుకెళ్లవచ్చు. ఇది పిల్లలకు చిరస్మరణీయమైన అనుభూతిని కలిగిస్తుంది. హైదరాబాద్లో ఉన్న ఇది భారతదేశంలోనే కాకుండా ప్రపంచంలోని అత్యుత్తమ సైన్స్ మ్యూజియంలలో ఒకటిగా ప్రసిద్ధిచెందింది. ఈ మ్యూజియం 2000 సంవత్సరంలో స్థాపించబడింది. స్పేస్ మ్యూజియం ఇక్కడ ప్రత్యేక ఆకర్షణగా నిలిచింది. ఇక్కడికి రావడం ద్వారా 160 మిలియన్ల పాత డైనోసార్ శిలాజాలను ప్రత్యక్షంగా చూసే అవకాశం ఉంటుంది.
కేరళ సైన్స్ అండ్ టెక్నాలజీ మ్యూజియం, తిరువనంతపురం
కేరళలోని సైన్స్ అండ్ టెక్నాలజీ మ్యూజియం ఎంతో పేరుగాంచింది. ఇది ప్రజలకు సైన్స్ యొక్క ప్రాముఖ్యతను అర్థం చేసుకోవడానికి మరియు దానిపై ఆసక్తిని కలిగించే లక్ష్యంతో ప్రారంభించబడింది. దీనిని కేరళ ప్రభుత్వం 1984లో స్థాపించింది. తిరువనంతపురం సందర్శనకు వచ్చినవారు తప్పకుండా ఈ మ్యూజియాన్ని సందర్శించే వెళ్లాల్సిందే. సైన్స్ మాత్రమే కాదు, గణితం, ఆటోమొబైల్, బయో-మెడికల్ ఇంజనీరింగ్, కంప్యూటర్లు మరియు సౌరశక్తికి సంబంధించిన విషయాల కోసం ప్రత్యేక గ్యాలరీలు కూడా ఇక్కడ అందుబాటులో ఉన్నాయి. మ్యూజియంలో ప్లానిటోరియం, సైన్స్ పార్క్ మరియు కిడ్స్ పార్క్ కూడా ఉన్నాయి.
నెహ్రూ సైన్స్ మ్యూజియం, ముంబై
ముంబైలో ఉన్న నెహ్రూ సైన్స్ మ్యూజియం కూడా పిల్లల విహారయాత్రకు చాలా మంచి ప్రదేశమనే చెప్పుకోవాలి. అంతే కాకుండా, ఇది భారతదేశంలోని ప్రసిద్ధ సైన్స్ మ్యూజియంలలో ఒకటిగా పేరుకెక్కింది. ఈ మ్యూజియంలో పిల్లలు అనేకరకాల విషయాల గురించి తెలుసుకోవచ్చు. ఇంకా 500 కంటే ఎక్కువ సైన్స్ సంబంధిత విషయాలను ఇక్కడ ప్రత్యక్షంగా చూడొచ్చు. 3డి మరియు సైన్స్ ఆన్ స్పియర్ షోలు ఇక్కడ ప్రతిరోజూ నిర్వహించబడతాయి. అంతేకాకుండా పిల్లలకు సైన్స్ సంబంధిత వర్క్షాప్లను కూడా ఇక్కడ నిర్వహిస్తారు.
