బ్రహ్మ సరోవర్ సరస్సు థానేసర్ లో వున్న పవిత్ర జలాశయం. పురాణాల ప్రకారం ఒక పెద్ద యజ్ఞం తరువాత బ్రహ్మ దేవుడు కురుక్షేత్రాన్ని సృష్టించాడు. ఇక్కడే వున్న శివుడి విగ్రహాన్ని ఒక వంతెన మీదుగా చేరుకోవచ్చు. నవంబర్ చివర, డిసెంబర్ మొదట్లో జరిగే గీతా జయంతి సందర్భంగా ‘దీప దానం’, ‘ఆరతి’ జరిగేటప్పుడు ఈ సరోవర దృశ్యం నయన మనోహరంగా వుంటుంది. ఈ సరస్సులో మునక వేస్తె అశ్వమేధ యాగం చేసినంత ఫలితం వస్తుందని చెప్తారు.
1800 అడుగుల పొడవు, 1400 అడుగుల వెడల్పుతో ఇప్పుడు ఈ సరస్సు అలరారుతోంది. గీతా జయంతి, సూర్య గ్రహణం సందర్భాల్లో ఇక్కడ చాలా రద్దీగా వుంటుంది. గీతా జయంతితో పాటు నవంబర్ చివర, డిసెంబర్ మొదట్లో ఇక్కడికి దూర ప్రాంతాల నుంచి వలస పక్షులు వస్తాయి.