లచెన్ లోని ఈ ప్రాంతాన్ని లచెన్ లో ఉన్నప్పుడు తప్పనిసరిగా ఒకసారి సందర్శించాలి.ఇది ప్రపంచంలోని ఎత్తైన జలవనరులలో ఒకటైన 5,210 మీటర్ల ఎత్తున ఉన్న ఒక మంచి నీటి సరస్సు. ఇది ఉత్తర సిక్కిం భూభాగంలో ఉంది. చైనా దక్షిణ సరిహద్దు నుండి కేవలం 5 కిలోమీటర్ల దూరంలో ఉంది. ఈ సరస్సు కంచన్ జంగా శ్రేణుల ఈశాన్య ప్రాంతం వైపున ఉంది. శీతాకాలంలోని నెలలలో ఈ సరస్సు పూర్తిగా గడ్డకడుతుంది.
మళ్ళీ ఇక్కడ నుండి 5 కిలోమీటర్ల ముందుకు సో లాశో సరస్సు ఉంది. సైన్యం నుండి ముందస్తు అనుమతి తీసుకొని, గుర్దొంగ్మార్ సరస్సు నుండి సో లాశో సరస్సు వరకు అధిరోహించవచ్చు. గుర్దొంగ్మార్ సరస్సుకు సిక్కిం పోషక సన్యాసి – గురు పద్మసంభవ పేరును పెట్టడం వలన పవిత్రమైనదిగా పరిగణిస్తారు. ఈ ప్రాంతంలో ఆయన కొన్ని మతసంబంధ క్రతువులను నిర్వహించాడని అంటారు, అందువలన ఏడాదిలో ఎంతో చల్లగా ఉండే నెలలలో కూడా ఈ సరస్సులోని కొంత భాగం గడ్డకట్టదు.