Click it and Unblock the Notifications
కేరళ లోని త్రివేండ్రం జిల్లాలో పూవార్ ఒక చిన్న గ్రామం.కేరళ సరిహద్దు లలో చివరి గా ఉంటుంది. ఈ గ్రామం విజినం ఓడరేవుకు కు సమీపం. పూవార్ లో, సముద్రం లో కలసి పోయే నేయ్యార్ నది కలదు. పురాతన కాలం నుండి ఈ ప్రదేశం లో టింబర్, సుగంధ ద్రవ్యాలు, ఐవరీ మరియు శాండల్ వుడ్ వాణిజ్యాలు జరుగుతున్నాయి.
ఇక్కడి బీచ్ ఎంతో ప్రశాంతంగా వుంటుంది. గ్రామం చిన్నది కావటం వలన, ప్రధాన ప్రదేశాలకు దూరం కావటం వలన ఇక్కడకు వచ్చే పర్యాటకులు కూడా తక్కువ సంఖ్య లో నె వుంటారు. ఇక్కడి బ్యాక్ వాటర్స్ లో సౌకర్యవంతమైన రిసార్ట్ లు లేదా కాటేజ్ లు దొరుకుతాయి.ఈ ప్రాంతం లో సూర్యోదయ సూర్యాస్తమయాలు తప్పక చూడాలి. బ్యాక్ వాటర్స్ లో బోటు విహారం అద్భుతంగా వుంటుంది.
పూవార్ లో అతి ప్రాచీన కాలం లో ముస్లిం మతస్తులు వచ్చి ఇక్కడ స్థిరపడ్డారని చెపుతారు. వీరి స్థావరాలు సుమారుగా 1400 సంవత్సరాల నాటివి. ఇక్కడి ప్రధాన మసీదు పురాతన కాలం లో మధ్య ప్రాచ్యం నుండి వచ్చిన గొప్ప ముస్లిం పండితుడు అయిన మాలిక్ ఇబున్ దీనార్ నిర్మించాడని చెపుతారు.
మొగలులు ఇండియా పై దండెత్తక ముందే మొట్టమొదటి ఇస్లాం మత బోధన కేరళ లోని పూవార్ లో జరిగినట్లు భారతీయ చారిత్రక పుస్తకాలు చెపుతాయి. ఈ ముస్లిం స్థావరాలు కేరళ లోని పడమటి కోస్తా తీరం లో చోటు చేసుకున్నాయి. పూవార్ శీతాకాలం లో దర్శించ దగిన ప్రదేశం.
