మదురై మీనాక్షి అమ్మను దర్శించి, ఈ ప్రదేశాలు చూడకపోతే చాలా మిస్ అవుతారు..

అలగార్ కోవిల్:

అలగార్ కోవిల్ మదురైకి సుమారు 20కిమీ దూరంలో ఉంది. ఈ ఆలయంలో శ్రీ మహావిష్ణువు విగ్రహం ఉంది. ఈ ఆలయంలో రాతి శిల్పాలకు, చెక్కడాలకు ప్రసిద్ధి. విష్ణు మూర్తి వివిధ భంగిమల్లో అద్భుతరూపం కలిగి ఉన్నాడు. మదురై చుట్టూ ఉన్న పర్యాటక ప్రదేశాల్లో తప్పక చూడాల్సిన వాటిలో ఈ అలగార్ కోవిల్ ఒకటి.

Photo Courtesy: TAMIZHU

మీనాక్షి అమ్మన్ టెంపుల్:

మీనాక్షి అమ్మన్ దేవాలయం లేదా మీనాక్షి దేవాలయంలో మీనాక్షి రూపంలో పార్వతిదేవీ, శివుడు కొలువుదీరి ఉన్నారు. ఈ ఆలయం కేవలం మదురైలోనే కాదు, దేశవ్యాప్తంగా అత్యంత ప్రసిద్ది చెందిన ఆలయం. పురాణాల ప్రకారం ఆ పరమేశ్వరుడు పార్వతీ దేవిని కళ్యాణమాడుటకు ఈ ప్రదేశాన్ని సందర్శించారని చెబుతారు.

Photo Courtesy: Jorge Royan

గాంధీ మ్యూజియం:

భారత దేశంలో ఉన్న ఐదు గాంధీ మ్యూజియంలలో ఒకటి మదురైలో ఉంది. ఈ మ్యూజియంలో గాంధీకి సంబంధించిన అనేక వస్తువులు ఇక్కడ భద్రపరిచినట్లు చెబుతారు. ఈ మ్యూజిలో గాంధీకి సంబందించిన అనేక ఫోటోలు ఉన్నాయి. దీన్ని పురాతన ప్యాలెస్ లో ఎర్పరచారు. గాంధీ మరణంతో ఈ ప్యాలస్ ను మ్యూజియంగా మార్చబడింది.

Photo Courtesy: Vegpuff

గోరిపలయం దర్గా:

మదురై నగరంలో గోరిపలయం దర్గా ఒక పెద్ద మసీదు. ఈ దర్గా వాగాయి నదికి ఉత్తర దిశలో ఉంది. ఈ దర్గాను 13వ శతాబద్దంలో తిరుమలై నాయక్ నిర్మించారు. ఈ దర్గాలో ఇద్దరు ముస్లిం ప్రవక్తల సమాధులు ఉన్నాయి. ఈ దర్గా ప్రత్యేతక ఏంటంటే 70అడుగుల వ్యాసంతో 20 అడుగుల పొడవుతో ఒకే రాతితో నిర్మిపబడ్డాయి. ప్రతి సంవత్సరం ఉర్స్ పండగ ఘనంగా జరుపుకుంటారు.

Photo Courtesy: Wasifwasif

తిరుమలై నాయకర్ ప్యాలెస్:

తిరుమలైన నాయకర్ ప్యాలెస్ ను 16వ శతాబ్దంలో ఇండో సార్సెనిక్ శైలిలో తిరుమలై నాయకర్ నిర్మించాడు. ఈ ప్యాలెస్ లో తిరుమలైన నాయకర్ మరియు సిలాపతికరంలకు సంబంధించిన లైట్ మరియు సౌండ్ షో ఒకటి చూపుతారు. ఈ ప్యాలెస్ గోడలపై శ్రీ మహావిష్ణువు మరియు శివుడి యొక్క జీవిత గాధలు చెక్కబడి ఉన్నాయి.ఈ ప్యాలస్ యొక్క శిల్పశైలి అద్భుతంగా ఉంటుంది.

Photo Courtesy: Jomesh

పజముదిర్ చోలై:

శ్రీ సుబ్రమణ్య స్వామి వారికి ప్రసిద్ది చెందిన ఆలయం పజముదిర్ చోలై ఆలయం. ఈ ఆలయం అలగర్ కోయిల్ వద్ద సోలైమలై కొండపై భాగంలో ఉంది. ఈ ఆలయంలోని శ్రీ సుబ్రమణ్య స్వామి వారు రోజూ సాయంత్రం బంగారు రథంపై ఊరేగుతారు.

Photo Courtesy: Raji.srinivas

వైగై నదీ:

మదురై వైగై నది ఒడ్డున ఉంది.వైగై నదీతీరాన ఉన్న వృక్షముల నుండి వచ్చే మనసును పరవశింపజేసే మారుతం కారణంగా సంగకాలంలో ఈ ప్రదేశానికి ఈ పేరు వచ్చిందని భావిస్తున్నారు. వైగైనది నగరం మధ్యగా ప్రవహిస్తూ నగరాన్ని రెండు సమాన భాగాలుగా విభజించినట్లు ఉంటుందీ సుందర పవిత్ర చారిత్రాత్మక నగరం.

Photo Courtesy: Paulthy

అతిసాయం థీం పార్క్:

అతి సాయం థీం పార్క్ మదురైకి సుమారు 5కిలోమీటర్ల దూరంలో ఉంది. ఈ పార్క్ మదురై-దిండిగల్ హైవేలో పరవాయి వద్ద కలదు. సుమారు 70ఎకరాల స్థలంలో ఈ పార్క్ ను విస్తరించారు. ఈ పార్క్ లో వివిధ రకాల ఆటలు , నీటి ఆటలు, వాటర్ రైడ్ ఈ పార్క్ లో ఒక విశేషం. ఈ పార్క్ ను సుమారు 2000 సంవత్సరంలో ఏర్పరచారు. దీనిని క్వీన్ ఆఫ్ ఇండియన్ థీం అని పిలుస్తారు.

Photo Courtesy : commons.wikimedia.org