Click it and Unblock the Notifications
మీరు బెంగుళూరులో ఉంటూ వారాంతపు సెలవులకు ప్రదేశాన్ని అన్వేషిస్తూంటే, బన్నెరఘట్ట తప్పకసందర్శించండి. ఈ ప్రదేశం చాలా ప్రధానమైంది. చాలామంది ప్రపంచ పర్యాటకులు కూడా ఈ ప్రదేశాన్ని సందర్శించి ఆనందిస్తారు. బన్నెరఘట్టలో వైల్డ్ లైఫ్ పార్క్ ఎంతో ఆకర్షణ. ఇది బెంగుళూరు నగరానికి షుమారు 22 కి.మీ. దూరంలో ఉంది. సుమారు 104 చ. కిలోమీటర్ల విస్తీర్ణం ఉంటుంది. దీనిలో పది రిజర్వు అడవులు అనేకల్ ప్రాంతానికి చెందుతూ బెంగుళూరు అటవీ విభాగంలో ఉన్నాయి.
ఈ పార్కును 1971 లో స్ధాపించారు. ప్రకృతి సంరక్షణ, ఒక జంతు ప్రదర్శన శాల, ఒక పిల్లల పార్కు, ఒక అక్వేరియం, ఒక మొసళ్ళ పార్కు, ఒక మ్యూజియం, బటర్ ఫ్లై పార్క్, స్నేక్ పార్క్ మరియు పెంపుడు జంతువుల స్ధలం వంటివి ఇందులో ఉన్నాయి. ఈ ఫారెస్ట్ లో ఎన్నో ఆకురాలు చెట్లు, ముళ్ళ పొదలు కూడా ఉన్నాయి.
బన్నెరఘట్టలో ప్రధాన ఆకర్షణ అంటే పెద్దపులులు. సింహాలను కూడా పార్క్ లో చూడగలము. అటవీ శాఖ సింహాలు, పులుల ప్రదర్శన ఎంతో ఆకర్షణీయంగా నిర్వహిస్తుంది. పెద్దపులులు, సింహాలే కాక ఇతర జంతువులను కూడా చూడవచ్చు.
ఈ రిజర్వు అడవి సుమారు 25,000 ఎకరాలలో ఉండి పెద్దపులులకు, సింహాలకు, చిరుతలకు, అడవి దున్నలకు, లేడి పిల్లలకు, ఎలుగుబంటులకు, పక్షులకు, సీతా కోక చిలుకలకు నిలయంగా ఉంది. సందర్శకులు దీనిలో చిరుతలు, అరుదుగా కనపడే తెలుపు పెద్దపులులు, బెంగాల్ పులులు, రాచరిక ఠీవికల సింహాలను కూడా చూడవచ్చు. ఈ ప్రాంతం ప్రధానంగా పార్కు జంతువుల రక్షణకు వినియోగిస్తారు. ఈ జంతువులు దేశంలోని వివిధ ప్రదేశాలనుండి వచ్చి ఇక్కడ సంరక్షించబడతాయి.
ఇతర ప్రధాన ఆకర్షణలలో, బన్నెరఘట్ట బటర్ ఫ్లై పార్క్ దేశంలోనే మొదటిదిగా చెప్పవచ్చు. దీనిని కేంద్రమంత్రి కపిల్ సిబాల్ 2006లో ప్రారంభోత్సవం చేశారు. ఈ బటర్ ఫ్లై పార్క్ సుమారుగా 7.5 ఎరరాలలో విస్తరించింది. దీనిలో సీతాకోక చిలుకలను ఆకర్షించే మొక్కలు ఎన్నో ఉన్నాయి. ఇవి షుమారుగా 20 రకాల సీతాకోక చిలుక జాతులను ఆకర్షిస్తున్నాయి.
