Click it and Unblock the Notifications
1730 వ సంవత్సరంలో సూరజ్ మల్ మహారాజు నిర్మించిన డీగ్ కోట భరత్పూర్ నుండి 35 కిలోమీటర్ల దూరంలో ఉంది. ఈ కోట డీగ్ పట్టణం లో ఉంది. డీగ్ కోట కు సమీపాన డీగ్ పాలెస్ ఉంది. ఈ పాలెస్ పురానా మహల్, శీష్ మహల్, సూరజ్ భవన్, నంద్ భవన్, కృష్ణ భవన్, కేశవ్ భవన్, గోపాల్ భవన్ తోపాటు అనేక రాజభవనాల కూడలి. జాట్ పాలకుల పూర్వపు రాజధాని ఈ కోట ప్రధాన గోపురం అత్యంత ఎత్తు కలిగి, చుట్టూ వెడల్పైన కాలువ ఉంటుంది. 8 కిలోమీటర్ల పొడవైన గోడ ఈ కోటకి హద్దుగా ఉంది. ఈ కోట లోపల ఉన్న 12 గోపురాలలో లాఖ బుర్జ్ అతిపెద్దది. ఈ లాఖ బుర్జ్, కోటకు వాయువ్య౦లో ఉంది. కోటకి ప్రధాన భాగంగా ఉన్న సూరజ్ మాల్ హవేలీని, బంగల్దార్ నిర్మాణ శైలిలో నిర్మించారు. కోటలోని అందమైన తోటలు పెర్షియన్ శైలి అయిన ‘చార్బాగ్’ శైలిలో నిర్మించారు. కోట లోపలిభాగం ఇపుడు శిధిలావస్థలో ఉంది.
